Գիտնականներ. հարբուխը կարող է վկայել տարբեր հիվանդությունների մասին

ԱՄՆ-ի  մասնագետները կիսվեցին հարբուխի մասին քիչ հայտնի տվյալներով: Նրանք պնդում են, որ քթից արտադրությունը իմունային համակարգի վիճակի մարկեր է: Ամերիկացի քիմիկոսների միության համաժողովին զեկույցով հանդես եկող գիտնականները բացահայտեցին հարբուխի ծագումը:

Հետազոտողների եզրակացությունն այսպիսին էր. «Հարբուխի միջոցով կարելի է որոշել առկա հիվանդության շրջանը և իմունային համակարգի գործունեության մակարդակը»:
 
Մասնավորապես այն մասին, թե ինչ է տեղի ունենում օրգանիզմում, կարելի է պարզել քթից արտադրության թափանցիկության և գույնի միջոցով, հետևում է մասնագետների զեկույցից: Այսպես, եթե այն արտահայտված թափանցիկ է, ապա առողջության հետ կապված խնդիրներ չկան:

Սակայն, եթե արտադրությունը մածուցիկ է, սպիտակավուն կամ դեղնավուն, նշանակում է օրգանիզմում վիրուս կա: Այս դեպքում իմունային համակարգն արտադրում է մեծ քանակությամբ արյան բջիջներ, ինչն էլ նպաստում է վերին շնչական ուղիները պաշարող մածուցիկ արտադրության առաջացմանը, բացատրեցին կենսաքիմիկոսները:

Որքան արտահայտված է քթային լորձի գույնը, այնքան լավ, համարում են հետազոտողները.  «Խիտ լորձային արտադրությունը, որն ունի սպիտակ, դեղին գույն կամ, նույնիսկ, նարնջագույն է, վկայում է վիրուսի նկատմամբ օրգանիզմի տարած հաղթանակի մասին», -հայտարարեցին աշխատանքի հեղինակներն իրենց ելույթի ընթացքում:.
 
Միևնույն ժամանակ, քթային արտադրության կանաչ գույնը, իրենց խոսքերով, տագնապային ազդանշան է: Գիտնականները պարզել են, որ այդ գույնի լորձն առաջանում է օրգանիզմի կողմից միելոպերօքսիդազա ֆերմենտի արտադրության հետևանքով: Այս գործընթացը կապված է իմունիտետի որոշակի ռեակցիաների հետ, որոնք հնարավոր են միայն այն դեպքերում, երբ հիվանդության հետ պայքարելու ուժ այլևս չկա, նշեցին մասնագետները: Նրանք խորհուրդ են տալիս նման իրավիճակներում անպայման դիմել բժշկի:

Հարցեր, պատասխաններ, մեկնաբանություններ