Բժիշկները խորհուրդ չեն տալիս բամբակե փայտիկներով մաքրել ականջները. tert.am

Ականջի մաքրման համար նախատեսված բամբակե փայտիկներն ու հատուկ սփրեյները չեն խրախուսվում քիթ-կոկորդ-ականջաանների կողմից: Այս մասին հաղորդում է Rosbalt.ru-ն՝ հղում կատարելով yle.fi-ին: Մասնագետները հիշեցնում են, որ ականջում հավաքվող նյութը պաշտպանում է լսողական ապարատը, և անհրաժեշտության դեպքում ականջները պետք է մաքրի քիթ-կոկորդ-ականջաանը:

Mehiläinen-ի հիվանդանոցի փորձագետ, քիթ-կոկորդ-ականջաան Հարի Ռեունանեն նշել է, որ բամբակե փայտիկներն ականջում հավաքված նյութն է՛լ ավելի են խորացնում, թեև արտաքինից ականջն ավելի մաքուր է երևում:

Մարդու ականջներում հավաքվող նյութը բաղկացած է քրտինքից, ճարպից և մոմե հումքից, և տարբեր մարդկանց մոտ այդ նյութերի հարաբերակցությունը տարբեր է, սակայն գործառույթը մեկն է՝ պահպանել լսողական ապարատը:

Ականջի խոռոչներն այնպես են դասավորված, որ հավաքված ավելորդ նյութը հեռացվում է ինքնըստինքյան, ուստի բժիշկները խորհուրդ չեն տալիս մաքրել ականջները:

Հարցեր, պատասխաններ, մեկնաբանություններ