Բժիշկներն առանց ականջի ծնված կնոջը լսողություն են պարգևել. 1in.am

Բրիտանացի բժիշկները յուրահատուկ վիրահատություն են կատարել: Նրանք լսողություն են նվիրել մի կնոջ, որն առանց ականջների է ծնվել: Երկու երեխաների մոր՝ Սալի Էվանսի համար հատուկ պրոթեզներ են պատրաստել: 35 տարեկան հասակում կինն առաջին անգամ կարողացել է լսել սեփական ձայնը, գրում է vesti.ru-ն:

Հեմփշիրի դքսության բնակչուհին ծնվել է առանց ականջի խեցու: Որպեսզի այդ արատը նկատելի չլինի, բժիշկները «Սալիի համար ականջներ են աճեցրել՝ օգտագործելով նրա սեփական կռճիկային նյութը»:

Սալիիի պատմությամբ բժիշկները հետաքրքրվել են այն բանից հետո, երբ նրա հետ ծանոթացել է հեռուստահաղոդավարուհի Դոուն Հարփերը: Արդյունքում յուրահատուկ վիրահատության մասին հաղորդում են նկարահանել, գրում է Daily Mail-ը:

Հարցեր, պատասխաններ, մեկնաբանություններ