Երևանում մեկնարկեց քիթ-կոկորդ-ականջաբանության ոլորտին նվիրված գիտաժողովը

Երևանում այսօր մեկնարկեց միջազգային գիտագործնական եռօրյա սիմպոզիումը` նվիրված քիթ-կոկորդ-ականջաբանության ոլորտում առկա հարցերին: Սիմպոզիումին մասնակցում են ոլորտի առաջատար մասնագետներ Հայաստանից, Ռուսաստանից, Վրաստանից և Գերմանիայից:

ՀՀ առողջապահության փոխնախարար Տիգրան Սահակյանը նշեց, որ գիտաժողովի նպատակն է նպաստել քիթ-կոկորդ-ականջաբանության ծառայության որակի բարելավմանը:

Նրա խոսքերով` առողջապահության նախարարությունը մշտապես հետևում է այս ծառայության զարգացմանը մեր հանրապետությունում, փորձում է ավելի բարելավել ծառայության որակը ինչպես հիվանդանոցային ցանցում, այնպես էլ պոլիկլինիկաներում: «Հուսով ենք, որ ներկա գիտաժողովը հնարավորություն կտա բոլոր բժիշկներին միավորել, որպեսզի լուծվեն ոլորտում առկա խնդիրները և նպաստել հիվանդների կյանքի որակի բարձրացմանը, ինչպես նաև լուծել հաշմանդամության կանխման հիմնախնդիրները թե մեծահասակների, թե մանկահասակների շրջանում»,- ասաց փոխնախարարը:

Հարցեր, պատասխաններ, մեկնաբանություններ