Չարորակ ուռուցքը ժառանգաբար չի փոխանցվում, այլ` պայմանավորված է գենետիկորեն

Չարորակ ուռուցքները ժառանգաբար փոխանցվող հիվանդություններ չեն: Այս մասին այսօրվա ասուլիսում ասաց Ուռուցքաբանության ազգային կենտրոնի մանկական ուռուցքաբանության բաժանմունքի վարիչ Գրիգոր Բադալյանը: Ըստ նրա, կա միայն ուռուցքային 2 հիվանդություն, որոնք համարվում են ժառանգական:

Ինչպես մասանգետը նշեց, երեխաների մոտ ժառանգաբար փոխանցվում է աչքի ռեցինոբլաստոմա կոչված հիվանդությունը, իսկ մեծահասակների մոտ` աղիքային պոլիպոսը: «Սակայն այդ հիվանդությունները շատ հազվադեպ են հանդիպում, և մենք չենք համարում ուռուցքը ժառանգաբար փոխանցվող հիվանդություն: Այստեղ ուրիշ խնդիր է, որ հիվադությունները պայմանավորված են գենետիկորեն»,-ասաց մասնագետը: Գ. Բադալյանի խոսքով, այս դեպքում պետք է ուշադիր լինի հղի կինը, քանի որ նրա մոտ կարող են առաջանալ քրոմոսոմային փոփոխություններ, որոնք ժամանակի ընթացքում կարող են բերել չարորակ ուռուցքի զարգացման:

Այսպիսով` ուռուցքային հիվանդությունները ժառանգական չեն, բայց պայմանավորված են գենետիկական խնդիրներով: Բայց մանկական ոռուցքաբանությունը, ինչպես բանախոսը նշեց, շատ հարցերում տարբերվում է մեծահասակների մոտ գրանցված հիվանդությունից: Երեխաների մոտ այս հիվանդությունը արագ է ընթանքում, և եթե մեծերի մոտ հիվանդության գաղտնի փուլը տևում է 1-2 տարի, ապա երեխաների մոտ այն ամիսներ է տևում և արագ է ընթանում, զարգանում:

Մասնագետի խոսքերով, երեխաների մոտ հիվանդությունը կկրկնվի՞, թե՞ ոչ, ավելի վաղ շրջանում է հայտնի դառնում: Այսինքն ռիսկային ժամկետն, ի տարբերություն մեծահասկաների, ավելի կարճ է: Ինչպես մեկնաբանեց Գ. Բադալյանը, եթե բուժումից հետո երկու տարվա ընթացքում հիվանդի մոտ հիվանդությունը գլուխ չի բարձրացնում, ապա նա համարվում է լիովին բուժված:

Հարցեր, պատասխաններ, մեկնաբանություններ