Բժիշկները հերքել են թարմ արյան փոխներարկման օգտակարության մասին առասպելը. news.am

Թարմ արյան փոխներարկումը (հեմոտրանսֆուզիա), որում երկարատեւ պահպանման հետեւանքով նստվածք չկա, չի նվազեցնում հիվանդների շրջանում մահացության ցուցանիշը: Սա պարզել են Կանադայի Մաքմասթերի համալսարանի գիտնականները:

Բժիշկները գնահատել են Ավստրալիայի, Կանադայի, Իսրայելի եւ ԱՄՆ-ի հիվանդանոցներից 31.5 հազար հիվանդի շրջանում մահվան ելքի թիվը, որոնց մոտ իրականացրել են հեմոտրանսֆուզիա: Պարզվել է, որ թարմ արյուն ստացածների շրջանում մահացությունը կազմել է 9.1%: Հին արյան փոխներարկմամբ փրկել չհաջողված դեպքերն ավելի քիչ են՝ 8.7%: Գիտնականները նշել են, որ ցուցանիշների վրա չեն ազդել արյան խումբը, ախտորոշումը, հիվանդանոցը կամ երկիրը:

Հոդվածի հեղինակների խոսքով՝ իրենց աշխատանքը վերջ է դնում վիճաբանություններին այն մասին, արդյո՞ք արյունը փչանում է պահպանելիս, եւ արդյո՞ք դրա թարմությունը նշանակություն ունի փոխներարկման արդյունավետության մեջ:

Բժշկական տեխնոլոգիաների զարգացումը թույլ է տալիս արյունը պահպանել մինչեւ 42 օր: Փոխներարկման համար առաջին հերթին ավելի հին կենսաբանական նյութ են օգտագործում, սակայն դրանում կենսաքիմիական, կառուցվածքային եւ ֆունկցիոնալ փոփոխությունների շուրջ մտահոգություններ կան:

Հարցեր, պատասխաններ, մեկնաբանություններ