Ամերիկացի բժիշկները շագանակագեղձի քաղցկեղի դեմ «ինքնաոչնչացնող գենային թերապիա» են առաջարկում. 1in.am

Ամերիկացի բժիշկները պարզել են, որ գենային թերապիայի նոր մեթոդը թույլ է տալիս հիվանդի քաղցկեղային բջիջներին ինքնաոչնչանալ: Այդ մեթոդը ստացել է «ինքնաոչնչացնող գենային թերապիա» անվանումը՝ հայտնում է BBC-ն:

Տեխաս նահանգի Հյուսթոն քաղաքի Մեթոդիստական հիվանդանոցում անցկացված կլինիկական հետազոտությունները շագանակագեղձի քաղցկեղով հիվանդների ապրելու 20 տոկոս բարձրացում են գրանցել:

Հետազոտությունն անցկացրած բժիշկները ենթադրում են, որ այս գենաթերապիան՝ ճառագայթային թերապիայի զուգորդմամբ, կարող է շագանակագեղձի քաղցկեղի բուժման համար հեռանկարային դառնալ:

Օրգանիզմը, սովորաբար, քաղցկեղածին բջիջները չի ճանաչում որպես օտար, քանի որ դրանք առաջանում են առողջ բջիջներից, ուստի իմունային հակամարգը անտարբեր  մնում: Գենային թերապիայի նոր տարատեսակը ենթադրում է քաղցկեղային բջիջների գենետիկական մոդիֆիկացում (դրանցում մոդիֆիկացված վիրուսային մասնիկների ներդրման օգնությամբ), որպեսզի դրանք իրենք սկսեն հիվանդի իմունային համակարգին ազգանշան տալ, որ հարկավոր Է ոչնչացնել:

Հարցեր, պատասխաններ, մեկնաբանություններ