Կրթված ծնողներն ավելի շատ ժամանակ են հատկացնում երեխաներին. հոգեբաններ. 1in.am

Կրթված ծնողները երեխաների վրա ավելի շատ ժամանակ են ծախսում, քան չկրթվածները: Այդ մասին հայտնել են Կալիֆոռնիայի համալսարանի գիտնականները՝ 1965-2012 թվականների ընթացքում վերլուծելով ավելի քան 122 հազար տարբեր սեռերի ծնողների տվյալներ Կանադայից, ԱՄՆ-ից և եվրոպական մի շարք երկրներից:

Հետազոտողները պարզել են, որ ժամանակակից ծնողներն ավելի շատ ժամանակ են ծախսում երեխաների վրա, քան առաջ, հայտնում է rosbalt.ru-ն:

Այսպես՝ 1965 թվականին մայրերը երեխայի խնամքի վրա ծախսել են օրական մոտավորապես 54 րոպե, իսկ 2012 թվականին 104 րոպե: 1965 թվականին հայրերը երեխաներին տրամադրել են օրական 16 րոպե, իսկ 2012 թվականին՝ 59 րոպե:

Մասնավորապես՝ բարձրագույն կրթությամբ մայրերը երեխաների վրա օրական ծախսել են 123 րոպե, իսկ կրթական ցածր մակարդակ ունեցող կանայք 94 րոպե: Բարձրագույն կրթությամբ հայրերը երեխաների վրա օրական ծախսել են 74 րոպե, իսկ պակաս կրթվածները՝ 50 րոպե:

Հարցեր, պատասխաններ, մեկնաբանություններ