Գիտնականները նշել են, թե որն է ապագայի երեխայի հաջողության գլխավոր չափանիշը. 1in.am

The Telegraph-ի փոխանցմամբ՝ հոգեբանները նշել են երեխայի բնութագրական գլխավոր գիծը, որն ապագայում նրան հնարավորություն կտա հասնելու հաջողության։ Հետազոտության հեղինակները դրա արդյունքները հրապարակել են Developmental Psychology հանդեսում։

Գիտնականներն ապագայում երեխայի հաջողության գլխավոր ցուցանիշ են համարում համառությունը, որը, հոգեբանների կարծիքով, պետք է դրսևորվի կառուցողական տեսքով։ Խոսքը սեփական կարծիք ունենալու ու ավտորիտար իշխանությանը դիմակայելու ունակությունների մասին է։

Գիտնականներն իրենց եզրակացությունն արել են 1968 թվականին սկսված երկարաժամկետ հետազոտության հիման վրա, որին մասնակցել է 745 երեխա։ Այն ժամանակ նրանց միջին տարիքը կազմել է 11.9 տարեկան, ընդ որում, 49.9 տոկոսը կազմել են աղջիկները։

Հետազոտության ավարտին՝ 2008 թվականին, նրանց միջին տարիքը կազմել է 51.8 տարեկան։

Հարցեր, պատասխաններ, մեկնաբանություններ