Ինքնավստահությունը բարձրացնում է աշակերտների առաջադիմությունը. 1in.am

Շատ հնարավոր է, որ որոշ մարդիկ իզուր չեն չափազանցնում իրենց մտավոր ունակությունները: Նոր հետազոտությունը ցույց է տվել, որ սեփական ինտելեկտի և գիտելիքների մակարդակի մասին բարձր կարծիքը կապված է ուսման լավ առաջադիմության հետ՝ գրում է Deccan Chronicle-ը:

Հետազոտությանը մասնակցել են միմյանց անծանոթ 135 մարդ: Մասնակիցներին բաժանել են 3-5 հոգուց բաղկացած խմբերի: Նրանք իրար պատմել են իրենց ուժեղ և թույլ կողմերի մասին, միասին կատարել մաթեմատիկական և մտավոր թեստեր, ապա քննարկել արդյունքները: Հետազոտողները բացահայտել են, որ իրենց մտավոր ունակությունների վրա չափից ավելի վստահ մասնակիցները գերազանց են կատարել առաջադրանքները:

Համաձայն մեկ այլ հետազոտության՝ ինքնավստահ մարդիկ ավելի հաճախ են աշխատանքում բարձր դիրքեր գրավում: Բացի այդ, նրանք թերագնահատում են ուրիշների ընդունակությունները և զբաղվում ավելի ռիսկային գործողությամբ: Դա առաջացնում է խնդիրներ այն կազմակերպություններում, որտեղ նրանք աշխատում են:

Հարցեր, պատասխաններ, մեկնաբանություններ