Պարզվում է, ծնողների հետ խաղերը վնասակար են երեխաների համար. 1in.am

Քեմբրիջի համալսարանի հոգեբանության ամբիոնի ավագ դասախոս Դևիդ Ույթբրեդը ծնողներին զգուշացրել է, որ երեխաների հետ նրանց համատեղ խաղերը ավելի շատ վնասում, քան օգնում են փոքրիկներին, գրում է Daily Mail-ը:

Ույթբրեդի խոսքով՝ այն ծնողները, ովքեր համատեղ խաղերով փորձում են արագացնել իրենց երեխաների զարգացումը, իրականում են «խեղդում են» իրենց փոքրիկներին:

Ըստ մասնագետի՝ հենց միայնակ խաղն է օգնում երեխաներին յուրացնել և կարևոր հմտություններ ձեռք բերել:

Հոգեբանը նշել է, որ ներկայումս երեխաներին ավելի քիչ հնարավորություն է ընձեռվում խաղալ առանց մեծահասակների միջամտության, քանի որ նրանց փորձում են սովորեցնել ավելի կառուցողական գործունեություն ծավալել, քան նախորդ սերունդները:

Իր զեկույցում մասնագետը հղում է արել անցկացված ուսումնասիրության արդյունքներին, որի համաձայն՝ ծնողների 63%-ը կարծում է, որ համատեղ խաղերն արագացնում են երեխաների զարգացումը և օգնում նրանց նոր հմտություններ յուրացնել, իսկ 66%-ը անհանգստանում է, որ իրենց երեխաների հետ քիչ են խաղում: Այդ պատճառով էլ Դևիդ Ույթբրեդը ծնողներին նախազգուշացրել է, որ ինքնուրույն խաղալու հնարավորություն չունենալը կարող է վնասել երեխաների զարգացմանը:

«Իրականում, վերջին տասնամյակում նկատվում է, որ երեխաներին զրկում են միայնակ խաղալու հնարավորությունից,- ասում է նա:-Մանկական կյանքը ավելի կառուցողական է դարձել, քան երբևէ, և բավականին շատ ապացույցներ կան, որ մատնանշում են դրա վնասակարությունը: Ծնողներն իհարկե կարող են խորհուրդներ տալ, սակայն կարևոր է, որ խաղը անընդհատ իրենց թելադրած կանոններով չընթանա»:

Հոգեմանը կոչ է արել մեծահասակներին՝ երեխաներին հնարավորություն տալ սեփական փորձը ձեռք բերել ինչպես տարեկից երեխաների, այնպես էլ ծնողների հետ:

«Խաղի ժամանակ երեխաները հաճախ մի նպատակ են հետապնդում՝ ցանկանում են, որ իրենց հանգիստ թողնեն, և դա հենց այնպես չէ»,- հավելել է Ույթբրեդը:

Հարցեր, պատասխաններ, մեկնաբանություններ