Գիտնականներն ասել են, թե ինչու է վտանգավոր երեխաներին ծծակ տալը. tert.am

Երեխային ծծակ տալը կարող է դանդաղեցնել նրա խոսել սովորելը: The Daily Telegraph-ի փոխանցմամբ` նման ահազանգ է հնչեցրել նոր հետազոտությունը, որն անցկացրել են Կանադայի Բրիտանական Կոլումբիայի համալսարանում:

Պարզվել է, օրինակ, որ ծծակը կարող է երեխային խանգարել յուրացնել Դ տառի արտասանությունը:

Նույն հետազոտությամբ պարզվել է նաև, որ երեխաների խոսքի զարգացմանը կարող է խոչընդոտել նաև մատները ծծելու սովորությունը:

Գիտնականները ծծակի վտանգները բացատրել են նրանով, որ երեխայի լեզուն այդ դեպքում բավականաչափ «ազատ» չի լինում` խոսքի հնչյունները յուրացնելու համար:

Նախկինում գիտնականներն արդեն ահազանգել էին, որ ծծակ օգտագործող երեխաների խոսքի խանգարումները եռակի ավելի հավանական են, քան մյուսներինը:

Հարցեր, պատասխաններ, մեկնաբանություններ