Քնի ռեժիմի խախտումը դեռահասների մոտ առաջացնում է հարբեցողություն. գիտնականներ. 1in.am

Gazeta.ru-ի փոխանցմամբ՝ հետազոտողները պարզել են, որ սխալ սնվելը՝ ներառյալ յուղալի և քաղցր սնունդ ընդունելը, ինչպես նաև քնի ռեժիմի խախտումն ուղիղ կերպով կապված են դեռահասների կողմից սպիրտային ըմպելիքների չարաշահման հետ:

Գիտնականների աշխատանքների արդյունքները հնչեցվել են SLEEP-2015 համաժողովի ժամանակ: Հետազոտությանը մասնակցել է 2539 դեռահաս, որոնց միջին տարիքը կազմել է 16 տարեկան: Նրանցից 54.2 տոկոսն աղջիկներ են:

Գիտնականները պարզել են, որ սպիրտային ըմպելիքները չարաշահելու խնդիրներ հայտնաբերվել են այն դեռահասների շրջանում, որոնց սննդակարգը եղել է անհավասարակշիռ և ներառել է յուղալի ու քաղցր սննդատեսակներ:

Նման խնդիրներ հայտնաբերվել են նաև այն երիտասարդների մոտ, որոնց քնի ռեժիմը խախտված է եղել: Գիտնականները կարծում են, որ դեռահասները ալկոհոլի օգնությամբ փորձում են լուծել վատ ինքնազգացողության ու նյարդային լարվածության խնդիրը, որոնք կապված են սխալ սնվելու և քնի խախտման հետ:

Հարցեր, պատասխաններ, մեկնաբանություններ