Հնարավոր է երեխաներին ճիշտ սնվել սովորեցնել համակարգչային խաղի միջոցով. news.am

Համակարգչային խաղերն կարող են օգնել երեխաներին օգտակար սովորություններ ձեռք բերել: Նման եզրակացության են հանգել ԱՄՆ-ի Գյուղատնտեսության նախարարության եւ երկրի մի շարք մասնավոր բժշկական հաստատությունների հետազոտողները, հայտնում է   Science Daily-ն:

Փորձարկման շրջանակում 400 երեխա պետք է հաղթահարեր Squires Quest! II: Saving the Kingdom of Fivealot լուրջ տեսախաղի 10 մակարդակ, որը խրախուսում է մրգերի եւ բանջարեղենի օգտագործումը: Երեխաները պետք է նպատակներ դնեին, որոնք կապված էին օրվա կոնկրետ ժամանակահատվածում բուսական սննդի ընդունման հետ, ինչպես նաեւ նշել, թե արդյո՞ք հաջողվել է հասնել դրան: Միաժամանակ, այդ խաղում ծնողների համար հաշիվներ էին ստեղծվել, որոնք տեղեկություն էին ստանում երեխաների նպատակների մասին, ինչպես նաեւ` խորհուրդներ, թե ինչպես է հնարավոր հասնել դրան, համատեղ հաղթահարել ընտանիքում արմատացած սննդի նկատմամբ սովորությունները, միաժամանակ, երեխաներին բռնի չստիպելով: 

Վեց ամիս անց մրգեր եւ բանջարեղեն օգտագործելու վրա տեսախաղի ազդեցությանը հետեւելու համար հետազոտողները երեխաներին զանգել են 24 ժամվա ընթացքում եւ պարզել են, թե ինչպես է փոխվել նրանց սննդակարգը: Կես տարի անց խաղի բոլոր մասնակիցների կենսակերպն ավելի առողջ էր դարձել: Նրանց 79 տոկոսը հայտնել է, որ հասել են իրենց առջեւ դրված նպատակներին:

Հարցեր, պատասխաններ, մեկնաբանություններ