Հակաբիոտիկներն անզոր են դառնում մանկական պրակտիկայում. 1in.am

Բրիսթոլի համալսարանի և Լոնդոնի Կայսերական քոլեջի գիտնականները վերլուծել են աշխարհի 26 երկրներում անցկացված 58 հետազոտությունների տվյալները՝ կապված երեխաների միզուղիների բորբոքումների ժամանակ հակաբորբոքային դեղերի նշանակման հետ: Սովորաբար, այդ ժամանակ նշանակվում են ամպիցիլին, ամոքսիկլավ և ցիպրոֆլոքսացին՝ գրում է The Telegraph-ը:

Պարզվել է, որ զարգացած երկրներում ամպիցիլինի հանդեպ կայուն է մանրէների 53,4%-ը, ամոքսիկլավի հանդեպ՝ 8,2%-ը, իսկ ցիպրոֆլոքսացինի հանդեպ՝ 2,1%-ը: Իսկ զարգացող երկրներում պատկերն ավելի մռայլ է. ամպիցիլինի հանդեպ կայուն է մանրէների 80%-ը, ամոքսիկլավի հանդեպ՝ ավելի քան 60%-ը, իսկ ցիպրոֆլոքսացինի հանդեպ՝ գրեթե 27%-ը:

Հեղինակների կարծիքով՝ դա կապված է այն բանի հետ, որ այդ երկրներում հակաբորբոքային դեղերը հասանելի են առանց դեղատոմսի, և երեխաները դրանք հաճախ ստանում են վաղ հասակից՝ առանց բժշկի նշանակման, ուստի մանրէները կայունություն են ձեռք բերում դրանց նկատմամբ:

Հարցեր, պատասխաններ, մեկնաբանություններ