Գիտնականներին հաջողվել է զգացումներն ուժեղացնող պահպանակ ստեղծել. news.am

University of Wollongong համալսարանի ավստրալիական գիտնականները նոր հեղափոխական պահպանակ են ստեղծել: Նոր նմուշի պահպանակներն օժտված են այնպիսի ֆունկցիաներով, ինչպիսին են քսուկի ավտոմատ հավասարաչափ բաշխումը եւ նույնիսկ էլեկտրահաղորդիչ են, ինչը թույլ է տալիս նվազեցնել անցանկալի հղիության եւ սեռավարակների հավանականությունը:

Նոր տեխնոլոգիան մշակվել է Ռոբերտ Գորկինի ղեկավարած մի խումբ գիտնականների կողմից, որը դեռեւս 2013 թվականին $100 000 դրամաշնորհ է ստացել սկզբունքորեն նոր պահպանակներ ստեղծելու համար: Դեռեւս այն ժամանակ Գորկինը հայտարարեց, որ պետք է պահպանակներ ստեղծել նոր նյութից, որն էլ օգտագործվում է այժմ:

Գիտնականների խոսքով՝ նրանց պետք էր այնպիսի նյութ, որն օժտված է նույն հատկանիշներով, ինչ լատեքսը, սակայն մարմնի կողմից շատ ավելի հաճելի է ընկալվում: Պարզվեց, որ հիդրոգելը շատ ավելի հեշտ եւ հաճելի է օգտագործման համար: Բացի այդ՝ այն կանխարգելում է կենսաբանական մոլեկուլների փոխանցումը:

Հիդրոգելը վաղուց է հայտնի գիտությանը, սակայն վերջերս այն հայտնվել է ուշադրության կենտրոնում, երբ սկսվեց դրա օգտագործումը աչքի պրոտեզների եւ արհեստական անոթների ստեղծման համար: Նոր պահպանակը շուտով կհայտնվի շուկայում, քանի որ այժմ գիտնականները պատրաստվում են նոր փորձարկումներ անցկացնել՝ պարզելու համար, ինչքանով է այս նյութը անվտանգ եւ ունակ է արդյոք պաշտպանել հիվանդությունների տարածումից: Բացի այդ՝ անհրաժեշտ է պարզել՝ ինչքանով հաճելի կլինի դրա օգտագործումը, ինչը նույնպես կարեւոր է:

Հարցեր, պատասխաններ, մեկնաբանություններ