Կորեացի գիտնականների բացահայտումը կօգնի մոռանալ վիագրայի մասին

Տղամարդկային ուժը վերադարձնել հնարավոր է նաև առանց դեղամիջոցների, համոզված են հարավկորեացի հետազոտողները: Նրանք պնդում են, որ բացահայտել են իմպոտենցիայի բուժման գաղտնիքը, դրա համար տղամարդկանց անհրաժեշտ կլինի 8 շաբաթ, փոխանցում է fedpost.ru-ն:

Դեղամիջոցի հիմքը բոլորին հայտնի ժենշենն է: Գիտնականները կարծում են, որ Սեուլի բժշկական համալսարանի գիտնականների փորձին մասնակցել է էրեկցիոն ֆունկցիայի թույլ կամ միջին խանգարում ունեցող 119 տղամարդ: Նրանց բաժանել են 2 խմբի: Առաջինի մասնակիցները մի քանի շաբաթների ընթացքում օրական 4 անգամ կորեական ժենշենի պտուղների էքստրակտի հիմքով պատրաստված դեղահաբեր են ընդունել, մյուս խումբը՝ պլացեբո՝ դատարկ հաբեր: 8 շաբաթ անց իսկական դեղահաբեր ընդունած տղամարդիկ նշանակալիորեն բարելավել են իրենց ցուցանիշներն անկողնում:

Գիտնականները եզրակացրել են, որ կորեական ժենշենի պտուղների թուրմը կարող է զգալիորեն բարելավել տղամարդկանց սեքսուալ կյանքն ու կարող է օգտագործվել որպես դեղագործական հաբերի այլընտրանք: Մինչ այդ քաղաքակիրթ աշխարհն իմպոտենցիայի դեմ պայքարել է «Վիագրայի», «Սիալիսի» և «Լևիտրայի» միջոցով, որոնք գործնականորեն հեղաշրջում են արել, բայց միայն տղամարդկանց 70 տոկոսի համար: 

Մնացած 30 տոկոսն այդպես էլ փոփոխություն չի զգացել, բժիշկները ստիպված են եղել արմատական միջոցներ ձեռնարկել՝ հենց առնանդամի մեջ թմրամիջոցներ ներարկել կամ ձեռքի պոմպի օգնությամբ մեծացնել այդ օրգանին հասնող արյան քանակը:

Գիտնականները նշում են, որ էրեկցիայի խանգարումները կարող են առաջանալ ցանկացած տարիքում, ոչ տարեց մարդկանց մոտ, բայց առավել հաճախ դա տղամարդկանց հետ տեղի է ունենում 40-ից հետո: Անցյալ դարի 70-ականներից ի վեր իմպոտենցիայով տառապողների թիվն աճել է մինչև 70 տոկոս: Դրան զգալիորեն նպաստում են սթրեսները, ծխելն ու ալկոհոլը:

Հարցեր, պատասխաններ, մեկնաբանություններ