Բացահայտվել է ուժեղ սեռի ներկայացուցիչներին վերաբերող մեկ այլ ինտիմ մանրամասնություն

Կարծիք կա, որ գեղեցկանալը, մաշկի և մարմնի մասին հոգ տանելը հատուկ է միայն գեղեցիկ սեռի ներկայացուցիչներին: Սակայն վերջերս կատարված ուսումնասիրությունները ցույց են տվել, որ տղամարդիկ վերջին ժամանակներս ավելի շատ են դրա համար ջանքեր թափում: Դա արվում է ավելի գրավիչ և սեքսուալ տեսք ունենալու նպատակով: Դրանից բացի, վերջին ուսումնասիրությունները ցույց են տվել, որ աճել է այն տղամարդկանց թիվը, ովքեր ինտիմ էպիլյացիա են անում, ինչը նախկինում անճաշակություն էր համարվում։ 

Ուսումնասիրությունների համաձայն՝ այժմ տղամարդկանց մեկ երրորդը խոստովանում է, որ ազատվում է ինտիմ շրջանի մազածածկույթից: Բրիտանիայում անցկացված հարցումները ցույց են տվել, որ տղամարդկանց 31,7 %-ը սափրում կամ հեռացնում է դրանք: 

Մեր օրերում տղամարդկանց շրջանում նաև ընդունված է հարդարել հոնքերը (28,8 %), հեռացնել կրծքի (20,1 %), ինչպես նաև ականջների և քթի մազերը (41 %): Հետաքրքրական է, որ տղամարդիկ այդ անելիս օգնության են կանչում իրենց երկրորդ կեսին՝ նրանց այդ հարցում ավելի փորձառու համարելով:

Հարցվածների 28,8 %-ը հայտարարել է, որ գերադասում է բնական տեսքը և էպիլյացիա ընդհանրապես չի անում: 

Հարցեր, պատասխաններ, մեկնաբանություններ