Առնականության առումով վստահություն չունեցող տղամարդիկ ավելի հակված են ագրեսիայի եւ բռնության. news.am

Առնականության առումով վստահություն չունեցող տղամարդիկ ավելի հակված են բռնության եւ ագրեսիվ պահվածքի, հաղորդում են ԱՄՆ-ի Ջորջիա նահանգի հոգեբանները: Ինչպես բացատրում են հոգեբանները, առնականությունն ապացուցել չկարողացող տղամարդիկ անհամեմատ ավելի շատ են դիմում ագրեսիայի եւ բռնության: Մասնավորապես, նրանք ավելի շատ են զինված հարձակվումներ կատարում, ինչպես նաեւ ուրիշներին ֆիզիկական վնաս հասցնում: Այն տղամարդիկ, ովքերինքնավստահ են եւ համոզված իրենց առնականությանը, անհամեմատ ավելի քիչ են դիմում ագրեսիայի եւ բռնության: Նրանք նաեւ ավելի քիչ են անսթափ վիճակում:

Հետազոտության ընթացքում գիտնականները վերուծել են 2012 թ. անանուն առցանց դիտարկումները: Դրանում ԱՄՆ-ից 18-ից 50 տարեկան 600 տղամարդ պատասխանել է սեփական առնականության եւ դրա կարծրատիպային դրսեւորումների, ինչպես նաեւ ագրեսիվ պահվածքի ընկալմանը վերաբերող հարցերի:

Գիտնականները ենթադրում են, որ հետազոտությունը կօգնի կանխարգելել բռնության (մասնավորապես` սեռական) հետ կապված հանցագործությունները, ինչպես նաեւ օգտակար կլինի այն դեռահասների սոցիալիզացիայի համար, ովքեր գենդերային պահվածքի շեղված կարծրատիպեր ունեն:

Իրենց հետազոտության արդյունքները հեղինակները հրապարակել են Injury Prevention ամսագրում:

Հարցեր, պատասխաններ, մեկնաբանություններ