Տղամարդիկ մեքենաներից ավելի լավ են «գլուխ հանում», քան՝ իրենց անատոմիայից

Ժամանակակից տղամարդիկ անհամեմատ ավելի լավ ծանոթ են մեքենայի կառուցվածքին, քան՝ սեփական անատոմիային: ման հետաքրքիր եզրակացության են եկել Lloydspharmacy Online Doctor հիվանդանոցի բրիտանացի բժիշկները:

Հետազոտության նպատակը հասկանալն էր, թե որքան լավ են տղամարդիկ տեղեկացված էրեկցիոն դիսֆունկցիայի ախտանշանների պատճառների, ինչպես նաեւ սեռական ճնապարհով փոխանցվող վարակների մասին: Ընդհանուր առմամբ, հետազոտությանը մասնակցել է 1500 մարդ, հաղորդում է Daily Mail-ը:

Պարզվել է, որ տղամարդկանց միայն 6 տոկոսը կարող է հստակ նշել էրեկցիոն դիսֆունկցիայի ճիշտ պատճառները, ընդ որում նրանց 1/3-ը սխալմամբ համարում է, որ դրա պատճառը նեղ ջինսեր կրելն է, իսկ 10 տոկոսը մեղքը գցել է յուղոտ ու սուր համերով սննդի վրա:

5 հարցվածներից 2-ը չեն կարողացել նշել սեռական վարակների ախտանշանները: Փոխարենը հարցվածների 90 տոկոսը հիանալի գիտի, թե ինչպես գտնել մեքենայի յուղ խողովակը, իսկ 89 տոկոսը հեշտությամբ ցույց կտա ռադիատորը:

Հարցին, թե որտեղ են գտնվում տղամարդու սեռական համակարգի կարեւոր օրգանները, ճիշտ պատասխան է տվել տղամարդկանց միայն կեսը:

«Մենք բոլորս գիտենք, որ տղամարդկանց մեծ մասի համար ամենակարեւորը մեքենան եւ եւ սեռական կյանքը: Ընդ որում, երբ մեքենան փչանում է, ապա տղամարդիկ վստահ են, որ ունակ են բացել կապոտը եւ լուծել խնդիրը: Սակայն երբ խոսքը սեռական օրգանների վիճակի մասին է, ապա նրանք ավելի քիչ շանս ունեն հավանական խնդիրը լուծելու հարցում»,-ընդգծել է դոկտոր Թոմ Բրեթը:

Հարցեր, պատասխաններ, մեկնաբանություններ