Սեռական կյանքի բացակայությունը մինչև 30 տարեկան չի կարող որևէ բացասական հետևանք ունենալ առողջության համար

Երևանի պետական բժշկական համալսարանի սեքսապաթալոգիայի ամբիոնի դոցենտ, սեքսապաթոլոգ, հոգեթերապևտ Մարատ Զաքարյանը ճիշտ է համարում, որ փոփոխություն մտցվեց ՀՀ ընտանեկան օրենսգրքում ` Հայաստանում կանանց և տղամարդկանց համար ամուսնության տարիք սահմանելով միևնույն` 18 տարեկանը: «16-17 տարեկան տղաները, աղջիկները պատրաստ չեն ամուսնություն մի քանի առումներով` հոգեբանական, ֆիզիկական: Վաղ տարիքում ամուսնած զույգերի դեպքում շատ են լինում անհամապատասխությունները, նրանք ավելի հաճախ են ամուսնալուծվում»,- լրագրողների հետ հանդիպման ժամանակ ասաց նա:

Մ. Զաքարյանը միաժամանակ աղջիկներին, նաև տղաներին, խորհուրդ տվեց, մինչև 17-18 տարեկանը սեռական հարաբերություններ չունենալ, քանի որ հնարավոր է վատ հետևանք ունենա` ինչպես հոգեբանական, այնպես էլ կարող է սեռավարակների պատճառ դառնալ:

Նա նաև ասաց, որ մինչև 30 տարեկան սեռական հարաբերություններ չունենալը, չի կարող որևէ բացասական հետևանք ունենալ  առողջության համար, ինչպես պնդում են շատերը: «Մարդու օրգանիզմը հզոր պաշտպանողական հատկություններ ունի, ու մինչև 30 տարեկանը սեռական կյանք չունենալը, չի կարող վատ անդրադառնալ մարդու օրգանիզմի վրա»,- ասաց բժիշկը:

Հարցեր, պատասխաններ, մեկնաբանություններ