ԿՈՎԻԴ-19. Խորհուրդներ` հղիներին և կերակրող մայրերին. morevmankan.am

Կարելի՞ է մանկաբարձ-գինեկոլոգի մոտ այցը բաց թողնել` հիվանդության դեպքում:

Եթե առկա են COVID-19-ին բնորոշ ախտանշաններ (հազ, ջերմության բարձրացում, դժվարացած շնչառություն) այն ժամանակ, երբ պլանավորված է մանկաբարձ-գինեկոլոգի մոտ հերթական այցը,  ապա հարկ է ընդունելության չգնալ, այլ կապվել բժշկի հետ: Հավանաբար, կամ այցի ժամանակը կտեղափոխվի, կամ կընտրվի անվտանգ մի վայր, որտեղ հնարավոր կլինի հանդիպել բժշկին:

Եթե հիվանդության ժամանակ արտահայտվում են ավելի ծանր ախտանշաններ, կամ, եթե առողջացումը ձգձգվում է, դա կարող է ավելի լուրջ հիվանդության նշան լինել: Ախտանշանների առկայության դեպքում պետք է կապվել ընտանեկան բժշկի հետ, ծանր դեպքերում՝ կանչել շտապօգնություն և անպայման բժշկին տեղեկացնել հղիության առկայության մասին:

Արդյո՞ք COVID-19-ով հիվանդ հղի կինը պետք է ծննդաբերի կեսարյան հատումով:

Ծննդալուծման ձևը որոշվում է՝ ելնելով հղիի և պտղի առողջական վիճակից: Մինչև այժմ եղած սահմանափակ տվյալներից ելնելով, հնարավոր չէ պարզել, թե արդյո՞ք ծննդաբերությունից առաջ և հետո վիրուսը կարող է անցնել պտղին:

Արդյո՞ք երեխան առանձնացվում է մորից, եթե նրա մոտ ախտորոշվել է COVID-19:

COVID-19-ի կասկածով բոլոր հղիներին ծննդաբերելու համար ծննդատուն ընդունվելիս կատարվում է COVID-19-ի հանդեպ թեստ:

Եթե հղիի մոտ ախտորոշված է COVID-19, ապա վճիռներն ընդունվում են` ելնելով ծննդկանի վիճակից:

• Եթե մոր մոտ հիվանդության ախտանշաններ չկան, կատարվում է ռիսկերի գնահատում և մայրն ու երեխան միասին պահվում են մեկուսացված: Մայրը պետք է խստորեն պահպանի վիրուսային հիվանդությունների կանխարգելման բոլոր սկզբունքները, որպեսզի խուսափի նորածնին վարակելուց:
• Եթե մոր մոտ առկա են  COVID-19-ի ախտանշաններ, մորը և երեխային պետք է միմյանցից առանձնացնել երկու շաբաթով:  Մորը կարող է թույլատրվել հրաժարվել այդ հրահանգից և երեխային կերակրել կրծքով՝  պահպանելով հիգիենայի բոլոր կանոնները: Երեխայից առանձնացված մայրերին սովորեցնում են կաթը հանել, որպեսզի հետագայում սկսեն կերակրել կրծքով: COVID-19-ով մայրերը հիվանդանոցում առանձնացվում են նաև մյուս պացիենտներից:

Կարելի՞ է կերակրել կրծքով, եթե մոր մոտ COVID-19-ով վարակված լինելու կասկած կա:

Մինչ այժմ ապացուցված չէ, որ COVID-19 վիրուսն անցնում է կրծքի կաթով և վարակում երեխային: Կերակրելիս, վարակման տեսակետից, ավելի վտանգավոր է մոր շատ մոտիկ շփումը երեխայի հետ: Երբեմն կրծքով կերակրել թույլատրվում է COVID-19-ով հիվանդ այն մայրերին, որոնց մոտ բացակայում են ցայտուն ախտանշանները, կամ դրանք թեթև են արտահայտված: Եթե կերակրող մայրը կրծքով կերակրելու ժամանակ հիվանդանում է COVID-19-ով, ապա խորհուրդ է տրվում շարունակել կերակրումը` պահպանելով հիգիենայի կանոնները:

Կրծով կերակրմանը փոխարինող տարբերակ է կրծքի կաթը կթելը: Վիրուսային հիվանդության տարածումը նվազեցնելու համար գերադասելի է կաթը կթած տալ, որից առաջ պետք է ձեռքերն ու պտուկները լավ լվանալ տաք ջրով և օճառով:

Կրծքով կերակրումը շարունակելու վերաբերյալ խորհրդատվություն ստանալու համար պետք է դիմել ընտանեկան բժշկին կամ կրծքով կերակրման մասնագետի:

COVID-19-ի դեպքում նորածինները գտնվո՞ւմ են, արդյոք, մեծ վտանգի մեջ:

Ներկայում եղած տվյալների համաձայն, երեխաների վարակման վտանգը նույնքան մեծ է, որքան` մեծահասակներինը:

Գինեկոլոգները կազմել են այն նշանների ցուցակը, որոնք պետք է հաշվի առնել` երեխայի առողջության հսկողության ժամանակ:

• Մարմնի ջերմաստիճանը: Երեխայի մարմնի նորմալ ջերմաստիճանը 36,5-37,3 է: Եթե ջերմությունը դրանից բարձր է կամ` ցածր, ապա երեխային պետք է համապատասխան հագուստ հագցնել և 1-2 ժամ անց նորից չափել ջերմությունը:
• Ակտիվություն: Որպես օրենք, երեխան սոված ժամանակ արթնանում է, կուրծքը ծծում նախկին ակտիվությամբ և ուտում է երկար:
• Մարսողական համակարգի լողմից` նշանները: Երեխան չի փսխում մեծ քանակով, աղիները գործում են նորմալ հաճախականությամբ, իսկ կղանքը սովորական տեսքն ունի:
• Շնչառության հաճախականությունը: Նորմալ չէ, եթե կրծքավանդակը կամ որովայնը` շնչելիս շատ են շարժվում, կամ` եթե երեխան շնչելիս տնքում է:
• Արտադրությունները: Նորմալ միզարձակումը կատարվում է ոչ պակաս, քան 3- 4 ժամը մեկ, և մեզը պետք է մուգ դեղին չլինի:
• Եթե երեխայի վիճակի վերաբերյալ կասկածներ կան, ապա պետք է կապվել բժշկի հետ:

Ի՞նչ անել, եթե ընտանիքի անդամներից մեկի մոտ ախտորոշվել է COVID-19:

Եթե ընտանիքի անդամներից որևէ մեկի մոտ ախտորոշվել է COVID-19 կամ կասկած կա, պետք է նրան առանձնացնել մյուս անդամներից:

Հիվանդը պետք է խստորեն պահպանի ձեռքերի հիգիենան՝ ձեռքերը հաճախ լվանալով տաք ջրով և օճառով: Հազալիս և փշտալիս անհրաժեշտ է անձեռոցիկով փակել բերանը և քիթը, տանը հաճախ խոնավ մաքրություն անել և օդափոխել:  Հաճախ օգտագործվող մակերսները կարելի է նաև վարակազրկել:

Հարցեր, պատասխաններ, մեկնաբանություններ