Բրազիլիայում սահմանափակում են կեսարյան վիրահատությունները. 1in.am

Բրազիլիայում ուժի մեջ են մտել նոր կանոններ, որոնք սահմանափակում են կեսարյան վիրահատությունների անցկացումը։ Վերջին ժամանակները երկրում նկատվում է նման վիրահատությունների իսկական բում։ Այս մասին հայտնում է BBC-ն։

Համաձայն նոր կանոնների՝ հիվանդանոցները կպարտավորվեն տեղեկացնել կանանց վիրահատությունների հետևանքով առաջացող ռիսկերի մասին և հիվանդներից ստանալ գրավոր համաձայնություն։

Բժիշկները նաև կպարտավորվեն յուրաքանչյուր անգամ հիմնավորել նման վիրահատությունների անցկացման անհրաժեշտությունը։

Համաձայն վիճակագրության՝ Բրազիլիայի մասնավոր կլինիկաներում կեսարյան հատում կատարվում է 85 տոկոս դեպքերում, իսկ պետական ծննդատներում՝ 45 տոկոս դեպքերում։

Հարցեր, պատասխաններ, մեկնաբանություններ