Հայուհիներն իրենց կուսությունը նվիրում էին ազնվականներին

Այսօր լրագրողների հետ հանդիպեց պատմական գիտությունների դոկտոր, պրոֆեսոր, Երևանի պետական համալսարանի դասախոս, ազգագրագետ Ռաֆայել Նահապետյանը:

Նա անդրադարձավ հայկական ամուսնության, հարսանեկան ավանդույթներին, և խոսելով հեթանոսական շրջանի հայկական ամուսնություններից նշեց, որ հեթանոսական շրջանում ամուսնությունները խարսխված էին ազատ սիրո հենքի վրա:

Ըստ բանախոսի, նախաքրիստոնեական շրջանում Հայաստանում ընդունված էին մի քանի անգամ ամուսնություններն ու ամուսնալուծությունները, բազմակնությունը:

Ռ. Նահապետյանը հիշեցրեց նաև, որ ընդունված էր, որ երիտասարդ աղջիկներն իրենց կուսությունը Անահտական տոներին նվիրեին հարուստ ազնվականներին, և այդ արարքի մեջ, ըստ ժամանակի սովորության, դատապարտելի որևէ բան չկար:

Ազգագրագետը շեշտեց, որ հեթանոսական շրջանի հայկական ամուսնությունների մասին շատ բան հայտնի չէ, քանի որ հայ պատմիչները` հեթանոսական սովորույթները քրիստոնեական տեսանկյունից գտնելով ոչ հարիր, ձգտել էին շրջանցել:

«Մենք գրեթե պատմական մի վիթխարի դարաշրջանի վերաբերյալ ունենք միայն կցկտուր հաղորդումներ և միայն օտար աղբյուրներից»,- ընդգծեց Ռաֆայել Նահապետյանը:

Հարցեր, պատասխաններ, մեկնաբանություններ