Երիցուկի թեյը՝ կանանց երկարակեցության միջոց. գիտնականներ. 1in.am

Gogetnews.info-ի փոխանցմամբ՝ երիցուկի թեյը կարող է կանանց օգնել ապրել ավելի երկար։ Այս մասին հայտնել են Տեխասի համալսարանի ամերիկացի գիտնականները։ Մասնավորապես, այդ թեյի օգտագործումը 29 տոկոսով նվազեցնում է վաղաժամ մահվան ռիսկերը։

Ընդ որում, տղամարդկանց շրջանում նման դրական արդյունք չի հայտնաբերվել։ Մասնագետները դեռ չեն կարող ճշգրիտ ասել, թե ինչու է երիցուկի թեյը երկարաձգում կանանց կյանքը, սակայն չի գործում տղամարդկանց պարագայում։

Համապատասխան հետազոտությանը մասնակցել են 65 տարեկանից բարձր գրեթե 1700 տղամարդ և կին։ Հետազոտությունը շարունակվել է 7 տարի։

Երիցուկն աշխարհում առավել լայնորեն օգտագործվող ու հնագույն դեղաբույսերից է, որը խորհուրդ է տրվում տարբեր դեպքերում։

Հարցեր, պատասխաններ, մեկնաբանություններ