Կինը տարին մեկ անգամ պետք է մամոգրաֆիկ ու սոնոգրաֆիկ հետազոտություն անցնի

Հայ-ամերիկյան առողջական կենտրոնի գործադիր տնօրեն Խաչանուշ Հակոբյանն, այսօր լրագրողների հետ հանդիպման ժամանակ խոսելով կրծքագեղձի քաղցկեղի մասին, նշեց, որ այս հիվանդությունը քաղցկեղներից մահացության ցուցակում երկրորդ տեղն է զբաղեցնում:

Մահացության ցուցանիշներով առաջին տեղում է թոքի քաղցկեղը:

Ըստ նրա, կրծքագեղձի քաղցկեղի` ինչպես և բոլոր քաղցկեղների բուժման որևէ մեթոդ չկա. արդյունավետ մեթոդը հիվանդության կանխարգելելն է:

«Որ կարողանանք կրծքագեղձի քաղցկեղը կանխարգելենք, այն պետք է կարողանանք հայտնաբերել ժամանակին` ամենավաղ բջջային փուլում: Հիվանդությունը սկզբնական փուլում չի ցավում, չի շոշափվում, մարդը չի զգում, որ իր օրգանիզմում այս կամ այն փոփխությունն է կատարվում»,-ասաց նա:

Մասնագետի խոսքով, դրա պատճառով էլ բժշկագիտությունը հայտնաբերել է մեթոդ, որը կոչվում է մամոգրաֆիա: Հայաստանում մամոգրաֆիկ կենտրոնը գործում է արդեն 13 տարի:

Կենտրոնն օրեկան ունի նվազագունը 90 այցելու, որը, մասնագետի խոսքով, առաջընթաց է: Քաղցկեղը, ըստ նրա, վաղ շրջանում կարող է հայտնաբերել միայն բժիշկը` տարին մեկ անգամ մամոգրաֆիկ ստուգման միջոցով:

Խ. Հակոբյանը նշեց, որ մինրև 35 տարեկանների համար նախատեսված է սոնոգրաֆիկ հետազոտություն, իսկ 35 տարեկանից հետո` սոնոգրաֆիկ ու մամոգրաֆիկ հետազոտություն: Անդրադառնալով հետազոտության մատչելիությանը, նա նկատեց, որ սոնոգրաֆիկ հետազոտությունն արժե 6 հազար դրամ, իսկ մամոգրաֆիկ ու սոնոգրաֆիկ հետազոտությունները, որ 35-ից բարձր տարիքի կանանց մոտ միասին է կատարվում, արժե 11 հազար դրամ:

«Չեմ կարծում, որ տարին մեկ անգամ 11 հազար դրամ վճարելն առողջության համար թանկ է: Եթե հաշվի առնենք, որ ԱՄՆ-ում, եվրոօական տարբեր երկրներում այս ծառայությունը բավականին թանկ արժե: Մենք պարզապես նշում ենք, որ կինը պետք է տարին մեկ անգամ այցելի մասնագետին, որ ամբողջ տարի հանգիստ ապրի, բայց այդ հնարավորություն ունենա հիվանդությունը կանխարգելել նախնական փուլում»,-նկատեց մասնագետը:

Ըստ նրա, կան մի քանի գործեններ, որոնք կարող են հանգեցնել օրգանիզմում քաղցկեղի զարգացմանը: Առաջին հերթին մասնագետը նշեց ժառանգականության գործոնը, ապա դաժան, երկարատև սթրեսներն են, երիտասարդ տարիքում ծխախոտի ու ալկոհոլի չարաշահումը, դաշտանի ժամանակին սկսվելն ու ավարտվելը, նորմալ սեռական կյանքով ապրելը, գիրությունը նույնպես բերումէ կրծքագեղձի քաղցկեղի առաջացմանը:

Նշենք, որ կենտրում 13 տարիների ընթացքում 196 հազար հետազոտություն է կատարվել, որից 119 հազար 820-ը միայն մամոգրադիկ հետազոտություն է եղել, 45-հազարը գինեկոլոգիական հետազոտություններ, 17.812-ը լաբորատոր ծառայություն, 11.678 ընտանեկան բժշկի ծառայություն և 1576` դենսիտոմետրիկ ծառայություն:

Ի դեպ, կրծքագեղձի քաղցկեղով հիվանդանում են նաև տղամարդիկ, նրա խեսքով, այս տարիների ընթացքում 11 հոգու մոտ գրանցվել է այս հիվանդությունը:

Հարցեր, պատասխաններ, մեկնաբանություններ