Երեխաներին դաստիարակելու 6 սկզբունք` միլիոնատեր մայրիկից. tert.am

 Ամերիկուհի գրող, բիզնես-լեդի, հեռուստա- և ռադիոհաղորդավարուհի Դենի Ջոնսոնը մեծացել է աղքատ ընտանիքում, 17 տարեկանում  երեխա է ունեցել, 21-ում անօթևան դարձել, իսկ 23-ում վաստակել իր առաջին միլիոնը:

Որոշ ժամանակ անց հաջողակ գործարարուհին, 5 երեխայի մայրը և մի քանի թոռների տատիկը, ով հեղինակել է «Առաջին քայլերը դեպի հաջողություն» գիրքը, պատմել է երեխաներին դաստիարակելու իր սկզբունքների մասին, որոնք խորհրդի տեսքով հրապարակել է AdMe.ru-ն:

1.  Նպատակն արդեն պետք է գործողություն լինի

Հարուստ մարդիկ հստակ պատկերացնում են, թե ինչ նպատակներ պետք է առաջադրվեն իրենց երեխաներին: Այո, նրանք դաստիարակում են Հարվարդի ապագա շրջանավարտներին, ապագա բժիշկներին և ապագա նախագահներին: «Իմ ընկերոջ ընտանիքում որդին բացարձակ չէր ուզում սովորել և որևէ բանով զբաղվելու ցանկություն չուներ: Հայրը նրան մեկ շաբաթով ուղարկեց անօթևանների կացարանում աշխատելու, որտեղից վերադառնալով` նա հստակ որոշել էր սովորել և շարունակել ընտանեկան բիզնեսը», - գրում է Ջոնսոնը:

2. Առանց հեռուստացույցի և բջջային հեռախոսի

Դենի Ջոնսոնի երեխաներն առաջին հեռախոսը ստացել են 16 տարեկանում, իրենց առաջին համակարգիչը հայրիկի հին համակարգիչն էր, իսկ հեռուստացույց տանն ընդհանրապես չկա: «Իմ երեխաները չեն կարող իրենց բջջային թույլ տալ, քանի որ չեն վաստակում այդքան գումար: Բջջայինները չեն սովորեցնում ճիշտ համակարգել ժամանակը, իսկ հեռուստացույցն, ընդհանրապես, ճիշտ ապրելակերպ չի սովորեցնում»:

3. Սովորեցրեք երեխային՝ սիրել աշխատանքը

Ինչ են լսում երեխաներն իրենց ծնողներից. «Առջևում վերջապես հանգստյան օրերն են», «Հոգնել եմ այդ աշխատանքից» և այլն: Այդ մթնոլորտում մեծացող երեխան ընդհանրապես չի ցանկանա աշխատել:  Նրա տանը երեխաներն իրենց աշխատանքն ունեն և տարեցտարի նրանց անելիքն ավելի մեծ ծավալների է հասնում:

4. Դուք բանկոմատ չեք ձեր երեխայի համար

«Ես երեխային տալիս եմ տարեկան 50 դոլար՝ կոշիկի համար, և գնում եմ 4 զույգ ջինս: Այդ գումարով շքեղ կոշիկ չես գնի, իսկ եթե ցանկանում է ավելին, թող աշխատի», - ասում է Ջոնսոնը` նշելով, որ երեխան պետք է ապահովված լինի ամենաանհրաժեշտով, իսկ հատուկ ցանկություններն ու երևակայությունը նա պետք է իրագործի ինքնուրույն:

5. Ծախսել, թե՝ կուտակել

Երեխաներին պետք է սովորեցնել, որ գումարը կարելի է հավաքել, աշխատել և ներդնել:

6. Երեխային մեծահոգություն սովորեցրեք

Հաջողակ մարդկանց մեծամասնությունը առանձնանում է հուզական և նյութական առատաձեռնությամբ: Նրանք նախանձ չեն և շատ առատաձեռն են: Սովորեցրեք երեխային՝ հարգել մյուսներին:

Հարցեր, պատասխաններ, մեկնաբանություններ