Նախապատրաստում ենք մանկասենյակը. հարցազրույց նեոնատոլոգ Աիդա Դանիելյանի հետ. morevmankan.am

Ո՞րն է նախընտրելի՝ ծնողների ննջարանում մանկական անկյո՞ւն, թե՞ առանձին մանկասենյակ:

Այս հարցը խիստ անհատական է, կախված է ընտանիքում առկա մոտեցումներից և ցանկություններից: Սակայն խորհուրդ է տրվում մինչև մեկ տարեկան մանկան քունը կազմակերպել ծնողների հետ նույն սենյակում` հաշվի առնելով մանկական հասակի հանկարծամահության վտանգները:

Ինչպիսի՞ն պետք է լինեն օրորոցը, անկողնային պարագաները:

Օրորոցը պետք է ներկված լինի հիպոալերգեն ներկով, ներքնակը լինի կոշտ: Օրորոցում պետք է չլինեն բարձ, խաղալիք, ծածկոց, որոնք կարող են փակել նորածնի շնչուղիները և երեխայի հանկարծամահության պատճառ դառնալ:

Ինչպիսի՞ն պետք է լինի սենյակի ջերմաստիճանը, ինչպե՞ս օդափոխել ձմռանը և ամռանը:

Սենյակում անհրաժեշտ է ապահովվել 18-22˚C ջերմաստիճան, պարբերաբար օդափոխել այն, բայց նաև նորածնին պետք է հեռու պահել միջանցիկ քամուց:

Ինչպիսի՞ն պետք է լինի օդի խոնավությունը:

Սենյակում օդի խոնավությունը պետք է լինի 40-60 %: Օդը խոնավացնող սարքը պետք է տեղադրել տաքացնող կամ սառեցնող սարքերից հեռու, իսկ խոնավությունը գրանցող սարքը` գտնվի նրանց հակառակ կողմում

Ինչպե՞ս ապահովել սենյակի մաքրությունը:

Նորածնի սենյակի մակերեսներն ու հատակն անհրաժեշտ է մաքրել ամեն օր՝ խոնավ մաքրման եղանակով:

Հարցեր, պատասխաններ, մեկնաբանություններ