Ինչպե՞ս է անքնությունն ազդում մանկական առողջության վրա. news.am

Գլխուղեղի գիտահետազոտական ինստիտուտի ֆրանսիացի մասնագետներին հաջողվել է պարզել մանկական անքնության պատճառները եւ դրա հետեւանքները։

Մասնագետների կարծիքով՝  դա շատ լուրջ խնդիր է: Այդ պատճառով բժիշկները կոչ են անում ծնողներին չանտեսել երեխայի քնի խանգարումները: Պարզվում է, որ անհրաժեշտ քնի պակասը կարող է երեխայի շուտ հոգնելու պատճառ դառնալ՝ առաջ բերելով նաեւ հիշողության եւ ուշադրության կենտրոնացման հետ կապված խնդիրներ: Սակայն այսքանով հնարավոր հետեւանքները չեն սահմանափակվում: Հանգամանքների անհաջող դասավորության դեպքում անքնությունը կարող է հանգեցնել դեպրեսիայի:

Ըստ գիտնականների՝ անքնության պատճառներից մեկը կոֆեին պարունակող ըմպելիքների օգտագործումն է: Բացի այդ՝ քնի խանգարումների կարող են հանգեցնել նաեւ ժամանակակից տեխնոլոգիաները: Համակարգչային երկարատեւ խաղերն ազդում են կենտրոնական նյարդային համակարգի վրա, ինչն անդրադառնում է նաև քնի որակի վրա: Որպես կանխարգելիչ գործողություն խորհուրդ է տրվում հետեւել երեխայի առօրյային՝ ճիշտ կազմակերպելով նրա քունը: Այսպես, 1-2 տարեկան փոքրիկն օրական պետք է քնի 11-14 ժամ, 4-6 տարեկան փոքրիկները՝ 10-13 ժամ, իսկ դեռահասները՝ օրական 9-11 ժամ:

Հարցեր, պատասխաններ, մեկնաբանություններ