Ծովի աղն ամրացնում է իմունիտետը և կանխում մրսածությունը. 1in.am

Ռուսաստանի մասնագետներն ապացուցել են, որ ծովի աղն օգտակար է ձմեռային մրսածությունների դեմ պայքարում: Պարզվել է, որ այն ամրացնում է իմունիտետը, հայտնում է veroyatno.com.ua-ն:

Ծովի աղում պարունակվող ակտիվ հանքանյութերը նպաստում են նյութափոխանակության գործընթացների արագացմանը, բարելավում են արյան մատակարարումը օրգաններ և հյուսվածքներ, խոնավեցնում են մաշկը, մազերը, եղունգները դարձնում ավելի ամուր: Ամբողջ օրգանիզմի առողջացման համար խորհուրդ է տրվում լոգանք ընդունել ծովի աղի լուծույթով: Բացի վերը նշվածից` բուժիչ լոգանքները հանգստացնում են նյարդերը, հանում սթրեսը և կանոնավորում սրտանոթային համակարգը:

Ծովի աղով լոգանքները խորհուրդ է տրվում ընդունել 15-20 րոպեից ոչ ավելի: Գործողությունը կատարելուց հետո խորհուրդ է տրվում մարմինը լվանալ մաքուր ջրով և կես ժամ հանգստանալ: Ամեն օր 2 շաբաթ նման լոգանքներ ընդունելուց հետո ցուրտն արդեն սարսափելի չի լինի:

Հարցեր, պատասխաններ, մեկնաբանություններ