Կոճապղպեղը` որպես ցավազրկող և հակաբորբոքային միջոց. tert.am

Կոճապղպեղի օգտակար հատկությունների մասին գիտեն ամբողջ աշխարհում: Այլընտրանքային բժշկությունն այն կիրառում էր տարիներ շարունակ, երբ դեռ չկար ժամանակակից բժշկությունը: Օրինակ` Չինաստանում 2000 տարվա ընթացքում այն կիրառվել է ստամոքսի ցավը, արթրիտը, սրտխառնոցը և սրտի հետ կապված խնդիրները վերացնելու համար:

Ինչպես գրում է  Healthy Living House-ը` կոճապղպեղը շատ ուրիշ օգտակար հատկություններ էլ ունի՝ օգնում է նվազեցնել քրոնիկ բորբոքումը, ցավը, միգրենը, նպաստում է խոցերի, հոդացավերի և  շաքարախտի բուժմանը:

Կոճապղպեղն օգնում է տարատեսակ ցավերի ժամանակ, ինչպես նաև՝ մկանային կամ դաշտանային ցավերի: Այն օգտակար է մրսածության և կոկորդի ցավի ժամանակ:

Կոճապղպեղով դեղամիջոց պատրաստելու  համար անհրաժեշտ է.

• 2 բաժակ զտված ջուր,
• գազավորված ջուր,
• 1 բաժակ կեղևազրկված, մանր կտրատված կոճապղպեղ,
• մեղր` ըստ ճաշակի,
• 1 լայմ` հյութաքամած:

Պատրաստելու համար եռացնել երկու բաժակ ջուր, ավելացնել կոճապղպեղը, թողնել 5 րոպե միջին ջերմաստիճանի կրակի վրա: Այնուհետև թողնել սառչի և հարել: Ստացված խառնուրդի մեկ բաժնին ավելացնել 3 բաժին գազավորված ջուր, մատուցել լայմի հյութի և բնական մեղրի հետ միասին:

Հարցեր, պատասխաններ, մեկնաբանություններ