Փոփոխությունների նախագիծ "Հոգեբուժական օգնության մասին" օրենքում

Այսուհետև կամավոր կերպով հոգեբուժարան դիմող հիվանդին հոգեբուժարանի տնօրինությունն իրավունք չունի պահել 72 ժամից ավելի և պարտավոր է նրան ազատ արձակել: Այս փոփոխությունն է նախատեսում այսօր ԱԺ-ում քննարկվող «Հոգեբուժական օգնության մասին» օրենքում փոփոխությունների վերաբերյալ օրինագիծը: Ըստ այդմ, եթե պարզվում է, որ հիվանդը հասարակական վտանգ է ներկայացնում, հոգեբուժարանի տնօրինությունը, 72-ժամվա ընթացքում պետք է դիմի դատարան և միայն դատարանի որոշմամբ իրավունք ունի քաղաքացուն հիվանդանոցային ոչ հոժարակամ (հարկադիր) բուժման ուղարկել:

Օրինագիծը ներկայացնող հանրապետական պատգամավոր Մկրտիչ Մինասյանն իր խոսքում նշեց, որ թեև հոգեբուժարանում գտնվող անձինք ունեն միայն սահմանափակ ազատություն, սակայն նրանք չեն համարվում անազատության մեջ գտնվողներ և հոգեբուժարանի ղեկավարությունն իրավունք չունի առանց դատարանի որոշման հարկադիր բուժում իրականացնել: Նշենք նաև, որ եթե այսօր գործող օրենքով նշվում է, որ «քաղաքացիների հոգեկան առողջության վերաբերյալ տեղեկությունները բժշկական գաղտնիք են», ապա նոր օրինագծով սահմանվում է, որ այդ տեղեկությունները կարող են տրամադրվել իրավապահ մարմիններին կամ դատարանին` օրենքով նախատեսված դեպքերում:

Հարցեր, պատասխաններ, մեկնաբանություններ