Ալեքսանդր Միխայիլի Բեզրեդկա (1870-1940). «Սալուտեմ» ամսագիր

Մանրէաբանները ստիպված չեն պատասխանատու լինել իրենց թշնամիների զոհերի համար: Նա Ի.Ի. Մեչնիկովի աշակերտն էր:
Ականավոր մանրէաբանը և իմունոլոգը մշակել է անաֆիլակտիկ շոկի կանխարգելման մեթոդը (Բեզրեդկայի մեթոդ) և տեղային իմունիզացիայի եղանակը:

Ալեքսանդր Բեզրեդկայի անձնական գործից. Գիտությունների ակադեմիայի արխիվ

• Ծնվել է 1870 թ. ապրիլի 8-ին` Օդեսայում:
• Ավարտել է Նովոռոսիսկի համալսարանի ֆիզիկամաթեմատիկական ֆակուլտետի բնագիտական բաժինը (1892), Փարիզի բժշկական քոլեջը (1893-1897):
• Աշխատել է որպես գիտաշխատող (1897-1916), Պաստերի ինստիտուտի փոխտնօրեն (1916-1940):
• Նրա գրչին են պատկանում «Մեկ մտքի գաղափարի պատմություն» (1921), «Տեղային իմունիզացիա» (1926), «Վարակի գրգռիչների նշանակության և իմունիտետի մասին» (1927), «Անաֆիլաքսիա և հակաանաֆիլաքսիա» (1930) աշխատությունները:
• Ամուսնացել է Ժան Կուտեի հետ, ունեցել է Մարգարիտա անունով դուստր:
• Մահացել է 1940 թ. փետրվարի 28-ին` Փարիզում` ինֆարկտի հետևանքով (ինչպես իր ուսուցիչ Իլյա Մեչնիկովը):
• Նրա ձեռքբերումների կարճ ցուցակը.
• սովորեցրեց կանխել հիվանդությունները` պատվաստման միջոցով,
• ստեղծել է բջիջների և հակավիրուսների ռեցեպտիվ դաշտերի ուսմունքը,
• հայտնաբերել է տեղային իմունիզացիայի եղանակը, երբ պատվաստանյութի ներմուծումը բերանի կամ մաշկի միջոցով ավելի արդյունավետ է, քան ներարկումը: Դա, մասնավորապես, վերաբերում է դիզենտերիայի և խոլերայի դեմ պատվաստումներին,
• բացահայտել է պատրաստուկի նկատմամբ օրգանիզմի ալերգիկ ռեակցիայի ապազգայունացման երևույթը և ստեղծել է պայքարի եղանակ. սկզբում կատարվում են ալերգիայի թեստեր, իսկ անհրաժեշտության դեպքում` ներմուծվում է ոչ մեծ չափաբաժին, որն աստիճանաբար ավելացնում են, որպեսզի օրգանիզմը հարմարվի,
• մշակել է խոլերայի դեմ պատվաստանյութերից մեկը:

Նրա ամենանշանավոր նվաճումներից է անաֆիլակտիկ շոկի դեմ պայքարի մեթոդների հայտնագործումը:

Մեթոդի էությունը պարզ է. սկզբում ներարկչի օգնությամբ օրգանիզմ է ներմուծվում անհրաժեշտ շիճուկի մեկ կամ մի քանի շատ փոքր չափաբաժին, իսկ 4 ժամ անց մնացած ամբողջ քանակությունը: Բեզրեդկայի գիտական մշակումները ցայսօր կիրառվում են վիրաբուժության, մաշկաբանության, գինեկոլոգիայի, ակնաբուժության մեջ:

Բեզրեդկան ստեղծել է բջիջների և անտիվիրուսների ռեցեպտիվ դաշտերի ուսմունքը, գործածության մեջ է դրել «անաֆիլակտիկ շոկ» տերմինը և մշակել վերջինիս կանխարգելման եղանակը: Զուգահեռաբար, «անաֆիլակտիկ շոկ» տերմինը ներմուծեց նաև ֆրանսիացի ֆիզիոլոգ Շարլ Ռիշեն և արժանացավ Նոբելյան մրցանակի (1913):

Ռիշեին շնորհելով Նոբելյան մրցանակ՝ Բեզրեդկայի մասին «մոռացան»:

Նա ուսումնասիրել է նաև որովայնային տիֆի մանրէի տոքսինը, պարզել է, թե ինչպես են լեյկոցիտներն ազդում իմունիտետի վրա: Ապրիլի 8-ին լրացավ նրա ծննդյան 150-ամյակը:
Ալեքսանդր Բեզրեդկան իր կյանքի մի մասը նվիրում է իմունիտետի ուսումնասիրություններին:

Հետաքրքիր փաստեր Բեզրեդկայի կյանքից

• Ծնվել է հրեական կրոնական ընտանիքում: Ալեքսան-դրի հայրը եղել է գրող և իր ստեղծագործությունները հրատարակել է եբրայերեն Ե. Իշ-Նոոմի կեղծանունով:
• Բեզրեդկայի հակավիրուսային բուժումը (մաշկային հիվանդությունների բուժումը ողողումների և կոմպրեսների միջոցով) ներկայում չի կիրառվում:
• Առաջին համաշխարհային պատերազմի ժամանակ զորակոչվել է ֆրանսիական բանակ: Եղել է սանիտարական գնացքի բուժակ, Վերդենի ամրոցի գլխավոր մանրէաբանը, որտեղ բժիշկներին սովորեցրել է շոկի կանխարգելման եղանակը` հակափայտացման շիճուկի ներարկման ճանապարհով, փրկելով հազարավոր կյանքեր:
• Իլյա Մեչնիկով. «Բեզրեդկան փոքր չափաբաժնով շիճուկի ներարկումից հետո լաբորատոր կենդանիների մոտ ստացել է արյան սպիտակ գնդիկների քանակի ավելացում, իսկ մեծ դեղաչափերը քայքայիչ ազդեցություն են ունեցել բջիջների վրա»:
• Ե՛վ Օդեսայում, և՛ Փարիզում Ալեքսանդր Բեզրեդկան նույն տան մեջ ապրել է հայտնի իմունոլոգ, համաճարակաբան Վլադիմիր Խավկինի հետ:
• Մանրէաբանության մեջ գոյություն ունեն հետևյալ գիտական տերմինները. «Բեզրեդկայի մեթոդ, տեղային իմունիտետ, անաֆիլակտիկ շոկ»:
• Զորացրվելուց հետո, 1916 թ., գլխավորել է Իլյա Մեչնիկովի՝ իր մահացած ուսուցչի լաբորատորիան, Պաստերի ինստիտուտում:
• Եղել է Հրեաների առողջապահության համայնքի նախագահության կազմում, և Գերմանիայում նացիստների իշխանության գալուց հետո, հրեա երեխաներին կեղծ փաստաթղթերով տեղափոխել է Ֆրանսիայի հարավ:
• Բեզրեդկա. «Ըստ էության, իմունիտետի և վարակի մեխանիզմները նույնն են, տարբերությունն ընդամենը ինտենսիվությունն է»:
• Կյանքի վերջին տարիներին աշխատել է չարորակ ուռուցքների պատվաստանյութի ստեղծման վրա: Մինչև վերջ նա ուռուցքային հիվանդություններից «փրկություն» էր փնտրում

https://iod.media
https://slovar.cc

«ՍԱԼՈՒՏԵՄ» առողջ ապրելակերպի ամսագիր
Պետական գրանցման համար․ 211․200․00969
[email protected]
+(374) 91 64 10 15
+(374) 98 79 15 15

Հարցեր, պատասխաններ, մեկնաբանություններ