Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բժշկի ընդունարանում

«Մասնագիտությունը՝ բժիշկ» շարքից. հարցազրույց «Արմենիա» ՀԲԿ վիրաբույժ Գևորգ Սիմոնյանի հետ. armeniamedicalcenter.am

«Մասնագիտությունը՝ բժիշկ» շարքից. հարցազրույց «Արմենիա» ՀԲԿ վիրաբույժ Գևորգ Սիմոնյանի հետ. armeniamedicalcenter.am

Մանկության երազանքին` հավատարիմ

«…սա իմ կոչումն է, ես չեմ նայել գնահատված-չգնահատված լինելուն, աշխատել եմ բժշկի երդմանը հավատարիմ»:

«Բժիշկն իր մասնագիտական հմտություններից բացի, պետք է ուղղորդվի նաև իր խղճով, իր տված Հիպոկրատի երդմամբ»:

Արմենիա ՀԲԿ վերջերս վերակառուցված վիրաբուժական երկրորդ բաժանմունքի վարիչ վիրաբույժ Գևորգ Սիմոնյանի աշխատանքային գործունեության «մկրտությունը» եղել է հենց «Արմենիա»-ում, որտեղ սկսել է աշխատել 2010 թվականից, իսկ 2013-ին, ավարտելով կլինիկական օրդինատուրան, անմիջապես անցել է աշխատանքի երկրորդ վիրաբուժական բաժանմունքում, որի վերափոխումից, վերակառուցումից հետո՝  3-4 ամիս առաջ, նշանակվել է բաժանմունքի վարիչ:

Նրա խոսքերով. «…շատ երկար ճանապարհ է պետք այդ ասպարեզում, որպեսզի վերջապես հասնես ինչ-որ հաստատուն կետի և քեզ վիրաբույժ համարես։ Այդ ճանապարհը նաև բավականին բարդ է, և հարկ է մեծ ջանքեր և ժամանակ ներդնել…. որովհետև այն չի հարցնում գիշեր-ցերեկ, շաբաթ-կիրակի, արձակուրդ, այսինքն, ինչ-որ տեղ կյանքիդ մի մասը պետք է նվիրես` քո նպատակին հասնելու համար»:   

Գևորգ Սիրմոնյանը կարողացել է մեծ ջանքերի, իր մասնագիտության նկատմամբ սիրո, «իր կյանքի մի մասը նվիրելու» շնորհիվ հասնել դժվարին այդ «կետին»:

Վիրաբուժական բաժանմունքի վարիչի պատասխանատու և դժվարին գործունեությանը զուգահեռ, բժիշկ Սիմոնյանը 2013-ից նաև դասավանդում է Հայբուսակ համալսարանում` օպերատիվ վիրաբուժություն և վիրաբուժական հիվանդություններ:

Բժշկի մասնագիտությունը ե՞րբ և ինչո՞ւ գրավեց Ձեզ:

Մանկությունից եմ երազել բժիշկ դառնալ: Մասնագիտությունն ընտրելուց հետո ծնողներս և եղբայրս օգնեցին և ուղղորդեցին ինձ: Ընտանիքում բժիշկներ չեն եղել՝ միայն ես և եղբայրս (նա ռեանիմատոլոգ-ռեաբիլիտոլոգ է Երևանի չորս հիվանդանոցում. բավականին հմուտ մասնագետ է):

Իմ ճանապարհը բավականին բարդ է եղել. 2000-ին առաջին անգամ դիմեցի ռազմաբժշկական և ընդհանուր բժշկության բաժին, սակայն ինձ չէի կարող թույլ տալ վճարովի հիմունքներով սովորել: Այդ պատճառով, ընդունվեցի Երևանի պետական համալսարանի քիմիական բաժին, որտեղ 1 տարի սովորելուց հետո, զորակոչվեցի զինվորական ծառայության: Այդ տարիներին հասկացա, որ, այնուամենայնիվ, պետք է բժիշկ դառնամ և որոշեցի նորից բժշկական ինստիտուտ դիմել և անպայման ընդունվել:  Ծառայությունից  հետո ընդունվեցի բժշկական ինստիտուտ` անվճար հիմունքներով:

Դուք ընտրել եք ծանր մասնագիտացումը՝ վիրաբուժոությունը.  սա և՞ս մանկության երազանք էր:

Վիրաբուժությունը հենց սկզբից ինձ շատ է գերել, չնայած սովորելու ընթացքում այլ մասնագիտություններ ևս գրավել են, բայց առաջին տեղում վիրաբուժությունն էր:

Վերջերս ստանձնել եք վիրաբուժական նոր բաժանմունքի վարիչի պարտավորությունները...

Սա նույնպես մեծ պատասխանատվություն է, և առաջարկն ընդունեցի սիրով՝ լավ գիտակցելով, թե ինչ ծանր աշխատանք է սպասվում: Բայց աշխատում եմ պատվով  իրականացնել` ամբողջ անձնակազմի հետ գործելով մեկ ընտանիքի պես, ջերմ հարաբերություններով:

Ունեցե՞լ եք ուսուցիչներ, որոնք մեծ դեր են խաղացել Ձեր կյանքում:

Ինձ համար օրինակներ են եղել Վիկտոր Թադևոսի Ափոյանը, իմ ուսուցիչն եմ Արմինա Նալբադյանին և  կլինիկայի ղեկավար Գագիկ Համբարձումյանին:  Բոլորից միշտ փորձում եմ նոր բան սովորել:

Հաճա՞խ եք հիասթափության, հուսահատության պահեր ունենում:

Եղել են հիասթափության պահեր, սակայն կարճ են տևել՝ բժիշկ լինելն իմ կոչումն է, աշխատել եմ բժշկի երդմանը հավատարիմ և այդպես էլ կշարունակեմ:

Լավ գնահատականը ոգևորվում է, բայց առանց դրա էլ պարտավոր ես նվիրված աշխատել: Փորձում  եմ ընդունել  դիտողությունները և դրանց հիման վրա ավելի կատարելագործվել:

Կյանքի բարդությունները հաղթահարելու Ձեր բանաձևը...

Օգնում է հենց ինքը` պայքարը, կյանքի, աշխատանքի ընթացքում պետք է պայքարել: Կյանքն ինքն արդեն պայքար է: Հուսահատությունը ոչնչի չի հասցնում:

Բժիշկ-հիվանդ հարաբերություններում կա՞ն որոշակի կանոններ:

Պետք է անհատական մոտեցում ունենալ հիվանդներին: Հիվանդի հոգեբանական վիճակը կարևոր է նրա առողջացման համար: Որքան էլ բարդ վիճակներ լինեն, բժիշկն իր լավատեսությամբ պետք է կարողանա վարակել հիվանդին: Ասում են. «Եթե հիվանդի հետ շփումից հետո հիվանդն իրեն ավելի լավ չի զգում, ուրեմն բժիշկն իր աշխատանքի մեջ թերացել է»:

Բժիշկն էլ ունի  իր  հույզերը՝ հատկապես վատ ելքերի դեպքում, բայց նա պետք է ուժեղ լինի, որ կարողանա օգնել հիվանդներին   իր գիտելիքներով և սառնասրտությամբ:

Ի՞նչն եք կարևորում մարդու մեջ:

Մարդու մեջ կարևորում եմ ճշմարտախոսությունը, արդարությունը,  գնահատում եմ աշխատասիրությունը: Եթե այդ երեքը մարդկանց մեջ լինեին, աշխարհը կլիներ ճիշտ: Սուտն արդարացված է միայն այն դեպքում, երբ ասվում է հիվանդի անելանելի վիճակում  նրան հուսադրելու համար: Կարծում եմ, Աստված կների այդպիսի սուտը:  

Բժշկի համար ի՞նչ հատկություններ են կարևոր:

Բժիշկն իր մասնագիտական հմտություններից բացի պետք է ուղղորդվի նաև իր խղճով: Ոչ մի իրավիճակում չժպետք է չկորցնել խիղճը:

Բժիշկը գործ ունի առողջության հետ, ուստի պետք է հոգով մաքուր լինի, մարդկանց հետ հարաբերություններում՝ պարզ:  

Ի՞նչը կփոխեիք Ձեր մեջ:

Բնավորությամբ տաքարյուն եմ, սակայն աշխատում եմ փոխվել, և տարիների ընթացքում ավելի համբերատար եմ դարձել:  Դա օգնում է անձնակազմի հետ ավելի հեշտ շփվել, աշխատանքները ճիշտ կազմակերպել:


Մեր ժողովրդի ուժեղ և թույլ կողմերը...

Հուսահատությամբ, լացով մեր ազգը չի կարող առաջ գնալ, պետք է համախմբվել և պայքարել: Մենք բոլոր բնագավառներում ունենք տաղանդավոր մասնագետներ՝ բժիշկներ, տեխնոլոգներ, ինժեներներ, ռազմագետներ: Եթե կարողանանք միավորել մեր ուժը, ազգը կլինի ուժեղ, և ոչ-ոք չի կարող մեր նկատմամբ ոտնձգություններ անել:

Ո՞րն է առօրյայից կտրվելու, հանգստանալու Ձեր եղանակը:

Ես չեմ հիշում, թե վերջին 13 տարում երբ եմ հանգստացել: Երևի թե իմ հանգիստը 2-3, ամենաշատը 7 օր է տևել: Անգամ հանգստի օրերին, արձակուրդում` մտքով միշտ հիվանդների հետ եմ, չի ստացվում կտրվել աշխատանքից: Դա դժվար է, բայց` իրականություն. ընտրել ենք բժշկի մասնագիտությունը, ուրեմն գիտակցել ենք, որ այդպես է լինելու:

Այլ հետաքրքրություններ...

Կան նաև այլ հետաքրքրություններ: Շատ եմ սիրում տարբեր սպորտաձևեր՝ խաղային, ավտոմրցաշարեր, մոտոսպորտ: Սիրում եմ արվեստը, գրականությունը, հատկապես՝ աբստրակցիոնիստներին: Ակտիվ մարդ եմ ինձ համարում, միշտ շարժման մեջ:

Ձեր մաղթանքը...

Առողջություն եմ ցանկանում բոլոր հիվանդներին, մարդկությանը՝ աշխատասիրություն, ճշտախոսություն, և թող բոլորն իրենց խղճի առաջ մաքուր լինեն:

Սկզբնաղբյուր. armeniamedicalcenter.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Զարկերակային ճնշման մշտադիտարկում. հարցազրույց Լուսինե Մանուկյանի հետ. morevmankan.am
Զարկերակային ճնշման մշտադիտարկում. հարցազրույց Լուսինե Մանուկյանի հետ. morevmankan.am

Ի՞նչ է զարկերակային ճնշման մշտադիտարկումը՝ մոնիթորինգը, և ինչո՞ւ է կարևոր այդ հետազոտությունը հղիների մոտ:

Զարկերակային ճնշման մշտադիտարկումը ոչ ինվազիվ հետազոտություն է և միակ մեթոդն է, որը թույլ է տալիս...

Հղիություն, ծննդաբերություն Սրտանոթաբանություն Պերինատոլոգիա, մանկաբարձություն և ուրո-գինեկոլոգիա
Քաղցկեղի բուժման նորագույն մեթոդները երիտասարդ մասնագետի աշխատանքում
Քաղցկեղի բուժման նորագույն մեթոդները երիտասարդ մասնագետի աշխատանքում

ՀՀ ԱՆ Վ․Ա Ֆանարջյանի անվան Ուռուցքաբանության ազգային կենտրոնը նորագոյացությունների բուժման առաջատար բազմապրոֆիլային մասնագիտացված կենտրոնն է Հայաստանում։Ուրոլոգիական բաժանմունքի օնկոուրոլոգ...

Ուռուցքաբանություն
Ի՞նչ է պետք սիրտ-անոթային հիվանդությունների և դրանց բարդացումները կանխելու համար. «Արամյանց» ԲԿ
Ի՞նչ է պետք սիրտ-անոթային հիվանդությունների և դրանց բարդացումները կանխելու համար. «Արամյանց» ԲԿ

«Արամյանց» ԲԿ ընդհանուր և ինվազիվ սրտաբանական բաժանմունքը զբաղվում է սրտաբանական պաթոլոգիաների թերապևտիկ բուժմամբ և ներանոթային միջամտություններով: Բաժանմունքը վերազինված է նորագույն տեխնոլոգիաներով...

Սրտանոթաբանություն
Օրթոպեդիկ և վնասվածքաբանական խնդիրների բարձրակարգ բուժում Արամյանց ԲԿ-ում. «Արամյանց» ԲԿ
Օրթոպեդիկ և վնասվածքաբանական խնդիրների բարձրակարգ բուժում Արամյանց ԲԿ-ում. «Արամյանց» ԲԿ

Մենք հաճախ անտեսում ենք մեր առողջական խնդիրները, ականջ չենք դնում մեր օրգանիզմի ուղարկած ահազանգերին, դիմանում ենք ցավին, ամեն կերպ հետաձգում բժշկին այցելելը և մի պատահական օր նրա մոտ հայտնվում արդեն շտապ կարգով...

Բժշկական կազմակերպություններ և կենտրոններ
Այրվածքաբանության ազգային կենտրոնում կան տուժածին դժվար իրավիճակներից դուրս բերելու անհրաժեշտ բոլոր միջոցները, թեև առկա է հիմնանորոգման կարիք
Այրվածքաբանության ազգային կենտրոնում կան տուժածին դժվար իրավիճակներից դուրս բերելու անհրաժեշտ բոլոր միջոցները, թեև առկա է հիմնանորոգման կարիք

Այրվածքաբանության ազգային կենտրոնը հիմնադրվել է 1995թ.՝ Դավիթաշեն վարչական շրջանում գործող առանձին մասնաշենքում։ Մինչև այդ, տևական ժամանակ, գործել է ...

Բժշկական կազմակերպություններ և կենտրոններ
«Լավ վիրաբույժը պետք է նաև լավ մարդ լինի». Հովհաննես Սարուխանյան. Սալուտեմ ամսագիր №3
«Լավ վիրաբույժը պետք է նաև լավ մարդ լինի». Հովհաննես Սարուխանյան. Սալուտեմ ամսագիր №3

Խոստովանում է՝ եթե նորից վիճակվեր ընտրություն կատարել, ապա կրկին բժշկի մասնագիտությունը կընտրեր։ Իր հաջողությունների ու ձեռքբերումների, հաղթահարած դժվարությունների մասին վաստակաշատ...

Բժիշկներ Սալուտեմ 3.2021
«Ասացի՝ ուզում եմ սրտաբան դառնալ, որ բուժեմ պապիկիս հիվանդությունից ունեցող մարդկանց». Սարգիս Կիրամիջյան. Սալուտեմ ամսագիր №3
«Ասացի՝ ուզում եմ սրտաբան դառնալ, որ բուժեմ պապիկիս հիվանդությունից ունեցող մարդկանց». Սարգիս Կիրամիջյան. Սալուտեմ ամսագիր №3

Մեր հայրենակից Սարգիս Կիրամիջյանը, որ բնակություն է հաստատել ԱՄՆ-ում, իր մասնագիտական ուղին մանուկ հասակում է ընտրել։ Փոքրիկ Սարգսի վրա խոր ազդեցություն էր թողել սիրելի պապիկը, որ երկար տարիներ տառապում էր...

Բժիշկներ Սալուտեմ 3.2021
Ամռան տապին մաշկը հատուկ խնամքի և ուշադրության կարիք ունի. մաշկաբան Հովհաննես Հովհաննիսյան. Սալուտեմ ամսագիր №3
Ամռան տապին մաշկը հատուկ խնամքի և ուշադրության կարիք ունի. մաշկաբան Հովհաննես Հովհաննիսյան. Սալուտեմ ամսագիր №3

Ինչպե՞ս ամռան տապին պաշտպանել մաշկը։ Ի՞նչ վտանգներ կարող են առաջանալ արևի ճառագայթների տակ երկար պառկելու դեպքում։ Արևապաշտպան միջոցների ճիշտ ընտրությունը կարևո՞ր է։ Այս մասին զրուցել ենք մաշկաբան...

Մաշկաբանություն Առողջ և գեղեցիկ Սալուտեմ 3.2021
Եթե բժիշկն ասաց, որ ամեն ինչ գիտի, ուրեմն սպառվել է որպես մասնագետ
Եթե բժիշկն ասաց, որ ամեն ինչ գիտի, ուրեմն սպառվել է որպես մասնագետ

«Արմենիա» հանրապետական բժշկական կենտրոնի դիմածնոտային վիրաբուժության բաժանմունքի ղեկավար, դիմածնոտային վիրաբույժ, բժշկական գիտությունների թեկնածու, դոցենտ Արեգ Սեփյանը զբաղվում է դիմածնոտային...

Բժիշկներ
Գեղեցկության ու երիտասարդության պահապանը. պլաստիկ վիրաբույժ Արարատ Հեքիմյան
Գեղեցկության ու երիտասարդության պահապանը. պլաստիկ վիրաբույժ Արարատ Հեքիմյան

Արարատ Լևոնի Հեքիմյանը պլաստիկ վիրաբույժ է՝ մասնագիտացած էսթետիկ վիրաբուժության, միկրովիրաբուժության, դեմքի,  մարմնի էսթետիկ և վերականգնողական  վիրաբուժության մեջ: Աշխատում է «ՆյուՄեդ», «ԱրտՄեդ» և «Վեդի»...

Պլաստիկ վիրաբուժություն
«Որ չտուժի դասընթացը...». Սմբատ Ազնաուրյան. Սալուտեմ ամսագիր №3
«Որ չտուժի դասընթացը...». Սմբատ Ազնաուրյան. Սալուտեմ ամսագիր №3

Ինչպե՞ս են վերապատրաստվում Մ. Հերացու անվան Երևանի պետական բժշկական համալսարանի դասախոսները, ի՞նչ ճանապարհ են անցնում մինչև լսարան մտնելը բուհի երիտասարդ և խոստումնալից կադրերը, ինչպե՞ս են գնահատվում դասախոսի...

Սալուտեմ 3.2021
Հղիության հակացուցումները. հարցազրույց մանկաբարձ-գինեկոլոգ Նոնա Ֆրոլովայի հետ. morevmankan.am
Հղիության հակացուցումները. հարցազրույց մանկաբարձ-գինեկոլոգ Նոնա Ֆրոլովայի հետ. morevmankan.am

Կա՞ն, արդյոք, հղիության հետ անհամատեղելի և վտանգավոր վիճակներ:

Հղիությունը հրաշալի, բայց և պատասխանատու վիճակ է ցանկացած կնոջ համար...

Հղիություն, ծննդաբերություն Պերինատոլոգիա, մանկաբարձություն և ուրո-գինեկոլոգիա
ԿՈՎԻԴ-19-ի դեմ պատվաստման հուշաթերթիկ. Հայկական բժշկական ասոցիացիայի գործադիր վարչության անդամ Արտեմ Գրիգորյան
ԿՈՎԻԴ-19-ի դեմ պատվաստման հուշաթերթիկ. Հայկական բժշկական ասոցիացիայի  գործադիր վարչության անդամ Արտեմ Գրիգորյան

Ինչպե՞ս են մշակվում և փորձարկվում պատվաստանյութերը։


Ցանկացած պատվաստանյութ անցնում է բավականին երկար փորձաշրջան՝ խստագույն թեստավորում...

Վարակաբանություն
Եղունգների ախտահարումների բուժում առանց վիրահատության ու եղունգի հեռացման
Եղունգների ախտահարումների բուժում առանց վիրահատության ու եղունգի հեռացման

Խնամված ու գեղեցիկ եղունգներ ունենալն անհնար է, եթե եղունգներն անառողջ են (առկա է եղունգների դեֆորմացիա, ներաճ, սնկային ախտահարումներ, սնուցման խանգարումներ): Մատնահարդարի փոխարեն նախ պետք է...

Վնասվածքաբանություն և օրթոպեդիա Էսթետիկ բժշկություն

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ