Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

«Բուժում է Վարդանանցը» գիրքը

Բժշկի ընդունարանում

Ամռան տապին մաշկը հատուկ խնամքի և ուշադրության կարիք ունի. մաշկաբան Հովհաննես Հովհաննիսյան. Սալուտեմ ամսագիր №3

Ամռան տապին մաշկը հատուկ խնամքի և ուշադրության կարիք ունի. մաշկաբան Հովհաննես Հովհաննիսյան. Սալուտեմ ամսագիր №3

Ինչպե՞ս ամռան տապին պաշտպանել մաշկը։ Ի՞նչ վտանգներ կարող են առաջանալ արևի ճառագայթների տակ երկար պառկելու դեպքում։ Արևապաշտպան միջոցների ճիշտ ընտրությունը կարևո՞ր է։ Այս մասին զրուցել ենք մաշկաբան Հովհաննես Հովհաննիսյանի հետ։


- Ինչպե՞ս դիմակայել ամռան տապին։


- Եթե խոսենք ընդհանուր օրգանիզմի մասին, ապա արևի ուղիղ ճառագայթների տակ երկար մնալուց մեր օրգանիզմը շատ ջուր է կորցնում, և դա բավականին լուրջ խնդիր է։ Ինչպես գիտենք, մարդու օրգանիզմը մոտավորապես 80 տոկոսով կազմված է ջրից, և ջուրն անհրաժեշտ է օրգանիզմում կատարվող գրեթե բոլոր գործընթացների համար։ Ջրի պակասի հետևանքով օրգանիզմում դանդաղում է նյութափոխանակությունը։ Հեղուկի բացակայությունը կարող է հանգեցնել օրգանիզմի ջրազրկման, որն էլ դրսևորվում է հետևյալ ախտանշաններով՝ գլխացավեր, հոգնածություն, հոդացավեր և այլն։


- Ի՞նչ անել այդ դեպքում։


- Վերականգնել ջրի պաշարները։ Առողջ մարդը օրական պետք է խմի 2-3 լիտր ջուր։


- Ջրազրկումը կարո՞ղ է հանգեցնել նաև մաշկի գրգռման, բորբոքման և քորի։


- Արևի ճառագայթները բազմաթիվ դրական հատկանիշների հետ միասին ունեն նաև բացասական ազդեցությունմարդու մաշկի վրա։ Արևի ճառագայթներն առաջացնում են մաշկի ֆոտոծերացում կամ վաղաժամ ծերացում։ Կարող են առաջացնել մի շարք մաշկային խնդիրներ։ Արևի տակ գտնվելու ամենահարմար ժամանակն է՝ վաղ առավոտից մինչև ժամը 11:00-ը և երեկոյան՝ ժամը 17:00-ից հետո։ Այստեղ շատ կարևոր է SPF-ով արևապաշտպան, խոնավացնող քսուքների օգտագործումը։


- Ի դեպ, շուկայում առկա են տարբեր արևապաշտպան քսուքներ, ինչպե՞ս կողմնորոշվել։


- Արևապաշտպան քսուքները լինում են երկու տեսակի՝ պատնեշային և մաշկի ավելի խոր շերտեր թափանցող քսուքներ։ Պատնեշային քսուքները պակաս արդյունավետ են, բավական է մարդը մտնի լողավազան կամ պարզպես լվացվի, դրանք իսկույն կորցնում են իրենց ազդեցությունը։ Ուստի նախընտրելի են մաշկի խոր շերտեր թափանցող քսուքները։


- Ի՞նչ կասեք վիտամին D-ի մասին. իրարամերժ կարծիքներ կան…


- Իսկապես,վիտամին D-ն բավականին լուրջ խնդիր է դարձել մեզ համար, և նրա դերակատարության մասին գրեթե ամեն ինչ գիտենք։ Բայց, արի ու տես, որ վիտամին D-ի կիրառումը բազմաթիվ վիճելի հարցեր է առաջ բերում։ Օրինակ, ներկայում լուրջ քննարկումներ են ընթանում, թե արդյո՞ք վիտամին D-ն սինթեզվում է ուլտրամանուշակագույն ճառագայթների ազդեցության տակ։ Տասը պացիենտից ինը, որոնք ապրում են արևոտ երկրներում, կարող են ունենալ վիտամին D-ի պակաս, և նրանք բացարձակ առողջ են։ Եվ այստեղ հարցեր են առաջանում՝ արդյոք արևն ունի՞ դերակատարություն, վերականգնե՞լ վիտամին D -ն, թե՞ ոչ։

Վատառողջ մարդկանց դեպքում միանշանակ պետք է վերականգնել։


- Խոսենք արևայրուքի օգտակար կողմերի մասին։


- Արևի վնասող ազդեցությունը կարելի է կանխել ՝արևահարվելով ճիշտ ժամանակին և կիրառելով ճիշտ ընտրված արևապաշտպաններ։ Ամեն անգամ արևի տակ մնալով՝ մենք վնասում ենք մաշկի բջիջների ԴՆԹ-ն: Իսկ որքան շատ է այն վնասվում, այնքան ավելի մեծանում է խալերի ձևափոխման, քաղցկեղի առաջացման հավանականությունը: Բացարձակ առողջ մարդկանց խորհուրդ է տրվում արևայրուք ստանալ աստիճանաբար՝ ամեն երրորդ ու հինգերորդ օրերին, արևի տակ մնալ ընդամենը մի քանի րոպե և ոչ թեժ ժամերին (դա չի կարելի անել 12:00-17:00-ը)։ Մաշկը պետք է պատել արևապաշտպան քսուքով։ Բայց երբեք մի մտածեք, որ արևապաշտպան քսուքները 100%-ով մաշկը պաշտպանում են արևից։ Դրանք պարզապես որոշ չափով թուլացնում են արևի բացասական ազդեցությունը։ Այդ քսուքների կիրառումը դրական է այդքանով միայն։ Այստեղ պետք է ցուցաբերել անհատական մոտեցում։ Արևայրուք ընդունելուց առաջ հարկ է քննարկել բժշկի հետ, թե այս կամ այն հիվանդության ժամանակ որքա՞ն դրական կամ բացասական հետևանքներ կարող է ունենալ արևայրուքը։ Մեր ազգաբնակչության զգալի մասը արևայրուք ստանում է քաղցրահամ ջրում կամ բացօթյա լողավազաններում, ինչը սխալ է։ Քաղաքի աղտոտված օդն ու փոշին ևս նստում են մաշկի վրա։


- Ի՞նչ խորհուրդ կտաք Հայաստանը նախընտրող զբոսաշրջիկներին. լեռնային մեր երկրում ինչպե՞ս կազմակերպել օպտիմալ պաշտպանությունը ուլ-տրամանուշակագույնից և ճառագայթումից:


- Առաջին հերթին՝ չմոռանան արևապաշտպան քսուքների մասին` 50-ից ոչ պակաս SPF-ով։ Կան ավելի բարձր ցուցանիշով, բայց 50-ը նվազագույնն է համարվում։ Պարտադիր կրեն հարմարավետ հագուստ, որը կպաշտպանի օրգանիզմը գերտաքացումից։ Մեզ մոտ դեռ ամենուր չեն գործում հովացնող համակարգերը։ Հայաստան եկող զբոսաշրջիկների մեծ մասը Ռուսաստանից է, և նրանց համար կլիմայի փոփոխությունը` հարթավայրից լեռնային գոտի, կարող է շատ բացասական լինել, ուստի խորհուրդ ենք տալիս շատ ջուր խմել ու բանջարեղեն ուտել, հատկապես՝ հակաօքսիդանտներ պարունակող, որոնք ունեն պաշտպանիչ ազդեցություն։ Չչարաշահել ալկոհոլը։ Ալկոհոլի ազդեցության տակ օրգանիզմն ավելի հակված է արևահարվելու։


- Իսկ ինչպե՞ս կոփել մաշկը։


- Աստիճանաբար ընտելացնել մարմինը ջերմաստիճանի տատանումներին։ Օրինակ, ընդունել սառը ցնցուղ՝ տաքից հետո, ունենալ բավարար ֆիզիկական ակտիվություն։


- Ձեր խորհուրդը ծով մեկնողներին:


- Եթե մաշկային կամ առողջական խնդիրներ ունեք, խորհրդակցեք բժշկի հետ և հետո միայն մեկնեք հանգըստի։ Եթե լիովին առողջ եք, ապա ընտրեք արևապաշտպան քսուքներ, բայց այն օգտագործեք նաև մինչև հանգստի վայր մեկնելը։ Շատերը լավագույն դեպքում ինքնաթիռ նստելուց հինգ րոպե առաջ են օգտագործում կամ հենց հանգստի վայրում։ Ոմանք առաջին իսկ պատահած քսուքն են գնում, ինչը սխալ է՝ կարող է ալերգիա առաջացնել։


- Ի՞նչ կցանկանաք ավելացնել, որի մասին չխոսվեց:


- Եթե այրվածք եք ստացել, կարող եք ֆուրացիլինի սառը թրջոցներ դնել։ Շատերը նախընտրում են ավանդական մածունը։ Այն իրականում հովացնելու հատկություն ունի, բայց բացասական ազդեցություններից մեկն այն է, որ չորանալով՝ մաշկի վրա շերտ է կազմում և ջրազրկում այրված մաշկը։ Դեքսպանտենոլ պարունակող փրփուրները ևս շատ արդյունավետ են։

 

«ՍԱԼՈՒՏԵՄ» առողջ ապրելակերպի ամսագիր
Պետական գրանցման համար․ 211․200․00969
magazinesalutem@gmail.com
+(374) 91 64 10 15
+(374) 98 79 15 15

Սկզբնաղբյուր. «Սալուտեմ» առողջ ապրելակերպի ամսագիր, N3
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Դիաբետիկ ոտնաթաթի հետևողական և արդյունավետ բուժում «Արթմեդ»-ում
Դիաբետիկ ոտնաթաթի հետևողական և արդյունավետ բուժում «Արթմեդ»-ում

Դիաբետիկ ոտնաթաթի համախտանիշը շաքարային դիաբետով տառապող մարդկանց մոտ առաջացող բարդություններից է, որը դրսևորվում է ոտնաթաթին վերքային մակերեսներով, խոցերով՝ ընդհուպ մինչև ոտնաթաթի մեռուկացմամբ...

Բժշկական կազմակերպություններ և կենտրոններ
Ցրված սկլերոզ. հարցազրույց նյարդաբան Սեդա Վարդանյանի հետ. armeniamedicalcenter.am
Ցրված սկլերոզ. հարցազրույց նյարդաբան Սեդա Վարդանյանի հետ. armeniamedicalcenter.am

Ի՞նչ է ցրված սկլերոզը և որո՞նք են նրա առաջացման պատճառները

Ցրված սկլերոզը /ՑՍ/ առավել հաճախ հանդիպող դեմիելինիզացնող հիվանդություններից է...

Նյարդաբանություն
Թորակոսկոպիկ, նվազ ինվազիվ վիրահատությունները կրծքային վիրաբուժությունում. Սուրեն Վարդանյան. armeniamedicalcenter.am
Թորակոսկոպիկ, նվազ ինվազիվ վիրահատությունները կրծքային վիրաբուժությունում. Սուրեն Վարդանյան. armeniamedicalcenter.am

Ի՞նչ է թորակոսկոպիկ միջամտությունը:

Թորակոսկոպիայի ժամանակ իրականացվում է միջամտություն՝ 2-3 փոքր (1-1,5 սմ) բացվածքների միջոցով...

Բժշկական կազմակերպություններ և կենտրոններ Շնչառական համակարգ
«Արմենիա» ՀԲԿ քիթկոկորդականջաբանության և դիմածնոտային վիրաբուժության կլինիկայի գործունեությունը. հարցազրույց Վասակ Մելիքսեթյանի հետ. armeniamedicalcenter.am
«Արմենիա» ՀԲԿ քիթկոկորդականջաբանության և դիմածնոտային վիրաբուժության կլինիկայի գործունեությունը. հարցազրույց Վասակ Մելիքսեթյանի հետ. armeniamedicalcenter.am

Ի՞նչ է ներառում ծառայությունը:

Կլինիկան ներառում է երկու բաժանմունք՝ քիթկոկորդականջաբանություն և դիմածնոտային վիրաբուժություն: Իրականացնում են քիթկոկորդականջաբանության և դիմածնոտային ախտաբանության ախտորոշիչ և վիրաբուժական...

Բժշկական կազմակերպություններ և կենտրոններ
Հետքովիդային համախտանիշ. հարցազրույց թոքաբան Սիրանուշ Պողոսյանի հետ. armeniamedicalcenter.am
Հետքովիդային համախտանիշ. հարցազրույց թոքաբան Սիրանուշ Պողոսյանի հետ. armeniamedicalcenter.am

Ի՞նչ է հետքովիդային համախտանիշը:


Հետկոքիդային համախտանիշը քովիդ վարակի հետևանք է, երբ հիվանդացածների մոտ 3 ամիս և ավելի...

Վարակաբանություն
Հարցազրույց նյարդաբան, բ.գ.թ. Բելլա Գրիգորյանի հետ. իր գործին նվիրյալը
Հարցազրույց նյարդաբան, բ.գ.թ. Բելլա Գրիգորյանի հետ. իր գործին նվիրյալը

«Հերացի» թիվ 1 համալսարանական հիվանդանոց Ռադիոլոգիայի կենտրոնի ԷՆՄԳ լաբորատորիայի հիմնադիր...

Զարկերակային ճնշման մշտադիտարկում. հարցազրույց Լուսինե Մանուկյանի հետ. morevmankan.am
Զարկերակային ճնշման մշտադիտարկում. հարցազրույց Լուսինե Մանուկյանի հետ. morevmankan.am

Ի՞նչ է զարկերակային ճնշման մշտադիտարկումը՝ մոնիթորինգը, և ինչո՞ւ է կարևոր այդ հետազոտությունը հղիների մոտ:

Զարկերակային ճնշման մշտադիտարկումը ոչ ինվազիվ հետազոտություն է և միակ մեթոդն է, որը թույլ է տալիս...

Հղիություն, ծննդաբերություն Սրտանոթաբանություն Պերինատոլոգիա, մանկաբարձություն և ուրո-գինեկոլոգիա
Քաղցկեղի բուժման նորագույն մեթոդները երիտասարդ մասնագետի աշխատանքում
Քաղցկեղի բուժման նորագույն մեթոդները երիտասարդ մասնագետի աշխատանքում

ՀՀ ԱՆ Վ․Ա Ֆանարջյանի անվան Ուռուցքաբանության ազգային կենտրոնը նորագոյացությունների բուժման առաջատար բազմապրոֆիլային մասնագիտացված կենտրոնն է Հայաստանում։Ուրոլոգիական բաժանմունքի օնկոուրոլոգ...

Ուռուցքաբանություն
Ի՞նչ է պետք սիրտ-անոթային հիվանդությունների և դրանց բարդացումները կանխելու համար. «Արամյանց» ԲԿ
Ի՞նչ է պետք սիրտ-անոթային հիվանդությունների և դրանց բարդացումները կանխելու համար. «Արամյանց» ԲԿ

«Արամյանց» ԲԿ ընդհանուր և ինվազիվ սրտաբանական բաժանմունքը զբաղվում է սրտաբանական պաթոլոգիաների թերապևտիկ բուժմամբ և ներանոթային միջամտություններով: Բաժանմունքը վերազինված է նորագույն տեխնոլոգիաներով...

Սրտանոթաբանություն
Օրթոպեդիկ և վնասվածքաբանական խնդիրների բարձրակարգ բուժում Արամյանց ԲԿ-ում. «Արամյանց» ԲԿ
Օրթոպեդիկ և վնասվածքաբանական խնդիրների բարձրակարգ բուժում Արամյանց ԲԿ-ում. «Արամյանց» ԲԿ

Մենք հաճախ անտեսում ենք մեր առողջական խնդիրները, ականջ չենք դնում մեր օրգանիզմի ուղարկած ահազանգերին, դիմանում ենք ցավին, ամեն կերպ հետաձգում բժշկին այցելելը և մի պատահական օր նրա մոտ հայտնվում արդեն շտապ կարգով...

Բժշկական կազմակերպություններ և կենտրոններ
Այրվածքաբանության ազգային կենտրոնում կան տուժածին դժվար իրավիճակներից դուրս բերելու անհրաժեշտ բոլոր միջոցները, թեև առկա է հիմնանորոգման կարիք
Այրվածքաբանության ազգային կենտրոնում կան տուժածին դժվար իրավիճակներից դուրս բերելու անհրաժեշտ բոլոր միջոցները, թեև առկա է հիմնանորոգման կարիք

Այրվածքաբանության ազգային կենտրոնը հիմնադրվել է 1995թ.՝ Դավիթաշեն վարչական շրջանում գործող առանձին մասնաշենքում։ Մինչև այդ, տևական ժամանակ, գործել է ...

Բժշկական կազմակերպություններ և կենտրոններ
«Մասնագիտությունը՝ բժիշկ» շարքից. հարցազրույց «Արմենիա» ՀԲԿ վիրաբույժ Գևորգ Սիմոնյանի հետ. armeniamedicalcenter.am
«Մասնագիտությունը՝ բժիշկ» շարքից. հարցազրույց «Արմենիա» ՀԲԿ վիրաբույժ Գևորգ Սիմոնյանի հետ. armeniamedicalcenter.am

Մանկության երազանքին` հավատարիմ

«…սա իմ կոչումն է, ես չեմ նայել գնահատված-չգնահատված լինելուն, աշխատել եմ բժշկի երդմանը հավատարիմ»...

Բժիշկներ
«Լավ վիրաբույժը պետք է նաև լավ մարդ լինի». Հովհաննես Սարուխանյան. Սալուտեմ ամսագիր №3
«Լավ վիրաբույժը պետք է նաև լավ մարդ լինի». Հովհաննես Սարուխանյան. Սալուտեմ ամսագիր №3

Խոստովանում է՝ եթե նորից վիճակվեր ընտրություն կատարել, ապա կրկին բժշկի մասնագիտությունը կընտրեր։ Իր հաջողությունների ու ձեռքբերումների, հաղթահարած դժվարությունների մասին վաստակաշատ...

Բժիշկներ Սալուտեմ 3.2021
«Ասացի՝ ուզում եմ սրտաբան դառնալ, որ բուժեմ պապիկիս հիվանդությունից ունեցող մարդկանց». Սարգիս Կիրամիջյան. Սալուտեմ ամսագիր №3
«Ասացի՝ ուզում եմ սրտաբան դառնալ, որ բուժեմ պապիկիս հիվանդությունից ունեցող մարդկանց». Սարգիս Կիրամիջյան. Սալուտեմ ամսագիր №3

Մեր հայրենակից Սարգիս Կիրամիջյանը, որ բնակություն է հաստատել ԱՄՆ-ում, իր մասնագիտական ուղին մանուկ հասակում է ընտրել։ Փոքրիկ Սարգսի վրա խոր ազդեցություն էր թողել սիրելի պապիկը, որ երկար տարիներ տառապում էր...

Բժիշկներ Սալուտեմ 3.2021

Notice: Undefined index: HTTP_X_FORWARDED_FOR in /sites/med-practic.com/classes/flud_class.php on line 33

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ