Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բժշկի ընդունարանում

ԿՈՎԻԴ-19-ի դեմ պատվաստման հուշաթերթիկ. Հայկական բժշկական ասոցիացիայի գործադիր վարչության անդամ Արտեմ Գրիգորյան

ԿՈՎԻԴ-19-ի դեմ պատվաստման հուշաթերթիկ. Հայկական բժշկական ասոցիացիայի  գործադիր վարչության անդամ Արտեմ Գրիգորյան

Ինչպե՞ս են մշակվում և փորձարկվում պատվաստանյութերը։


Ցանկացած պատվաստանյութ անցնում է բավականին երկար փորձաշրջան՝ խստագույն թեստավորում։ Բոլոր դեպերում, դրանք փորձարկվում են կենդանիների վրա։ Այնուհետև նրանց անվտանգությունը ստուգվում է առողջ կամավորների շրջանում, հաջորդիվ` արդյունավետությունը գնահատվում է առավել մեծ շրջանակում` տասնյակ հազարավոր մարդկանց շրջանում:

 

Ներկայում Հայաստանում հասանելի պատվաստանյութերն արդեն իսկ ապացուցել են իրենց անվտանգությունն ու արդյունավետությունը` նշյալ փուլերում:


Պատվաստանյութը պարունակո՞ւմ է կենդանի վիրուս:


Պատվաստանյութը պարունակում է վիրուսի մասնիկներ, որոնք ի վիճակի չեն բազմանալու։ Ուստիև, այն չի կարող վերարտադրել հիվանդությունն` ամբողջությամբ, սակայն բավարար է իմուն պատասխան մակածելու համար։ Պատվաստանյութի որևէ բաղադրյալ չի ներդրվում պատվաստվողի գենոմում (ԴՆԹ-ում):


Անվտա՞նգ է պատվաստումը երեխաների համար:


Մոտեցումները տարբեր են։ Պատվաստանյութին կից նշվում է թույլատրելի տարիքային սահմանը։ Հաշվի առնելով հիվանդության շատ ավելի ծանր  ընթացքը հասուն և տարեց բնակչության շրջանում, գործող պատվաստումները կիրառվում են 18+ տարիքային խմբում, որոշ պատվաստանյութեր՝ 16+։  


Որտե՞ղ պատվաստվել:


Անհատն ինքն է որոշում`որտեղ պատվաստվել․ տեղամասային բուժհաստատություն, շարժական ամբուլատորիա։  


Կարելի՞ է պատվաստման վայրն ընտրել ինքնություն:


Այո, կարելի է։ Ի դեպ, շարժական ամբուլատորիաներում պահպանված են բոլոր անհրաժեշտ սանիտարահիգիենիկ պայմանները։


Կարելի՞ է ընտրել պատվաստանյութը:


Այո, կարելի է:


Պե՞տք է հակամարմինների ստուգում` նախքան պատվաստումը:


Հակամարմինների տիտրը պատվաստումների համար էական նշանակություն չունի, ուստի ստուգելն իմաստ ունի միայն այն դեպքերում, եթե անհատը ներգրավված է գիտական հետազոտության մեջ։


Ինչպե՞ս պատրաստվել պատվաստման:


Առանձնահատուկ պատրաստվելու կարիք չկա: Մեկ-երկու օր հարկ է բացառել ալկոհոլը։


Ինչպե՞ս է անցնում պատվաստումը:


Երբ բուժառուն այցելում է տեղամաս, բժիշկը հավաքագրում է անամնեզը, իրականացնում մարմնի ջերմաստիճանի և արյան ճնշման չափում, և, եթե ցուցանիշները նորմայի  սահմաններում են, պատվաստում են։ Պատվաստանյութը ներարկում են դելտայաձև մկանի հատվածում (ուսի դրսային մակերեսի վերին երրորդական)։ Բուժառուն մոտավորապես 15 րոպե պետք է լինի բժիշկների հսկողության տակ և չլքի տարածքը։ Ալերգիկ դրսևորումները, սովորաբար, բավականին շուտ են դրսևորվում, և, անհրաժեշտության դեպքում, ցուցաբերվում է համապատասխան բուժօգնություն։     


Որքա՞ն կարելի է երկարաձգել պատվաստման 2-րդ փուլը:


Առավել արդյունավետ է 4-12 շաբաթվա ընթացքում, որոշ դեպքերում` 8-12 (Աստրա-Զենեկայի պատվաստանութը), ավելի ուշ ժամկետներում արդյունավետությունը, ամենայն հավանականությամբ, նվազում է։


Կարո՞ղ է պատվաստումը թուլացնել իմունիտետը:


Հիմնականում՝ հակառակը: Պատվաստումն, ինքնին, մարտահրավեր է օրգանիզմի իմուն համակարգին, և ներմուծման դեպքում օրգանիզմը պետք է պայքարի դրա դեմ։ Եթե անհատն ունի  իմունադեֆիցիտ, օրինակ, ՄԻԱՎ վարակ, պատվաստումը կարող է առաջացնել անցանկալի ազդեցություններ։


Եթե հիվանդացել են կորոնավիրուսով և առկա են հակամարմիններ, պե՞տք է/կարելի՞ է պատվաստվել:


Այո, կարելի է, և, ինչպես փաստում են մի շարք հետազոտություններ, պետք է՝ կրկին հիվանդանալու հավանականությունը նվազեցնելու համար:


Եթե առկա են հակամարմիններ, ինչո՞ւ պատվաստվել:


Ինչպես նշեցի, հակամարմինների տիտրը ստույգ չի արտացոլում իմունիտետի կարգավիճակը, իսկ պատվաստումը կարող է մեծացնել այդ հակամամինների արդյունավետությունը` լրացուցիչ խթանելով դրանց քանակը և որակը։


Վիրուսը մուտացվում է. պատվաստանյութն աշխատո՞ւմ է բոլոր տարբերակներում:


Պատվաստանյութն աշխատում է բոլոր դեպքերում: Կարող է տարբերվել, սակայն, պատվաստանյութի արդյունավետությունը:

 

Որոշ շտամների հանդեպ արդյունավետությունը կարող է լինել ավելի ցածր, քան ներկայում առավել տարածված շտամների հանդեպ:


Ի՞նչ հակացուցումներ կան:


Բացարձակ հակացուցում է տվյալ պատվաստանյութի հանդեպ լուրջ ալերգիկ ռեակցիան։ Պետք է չափազանց զգուշավոր լինել նաև ալերգիկ հիվանդություններից տառապող մարդկանց շրջանում: Այս դեպքում խորհուրդ չի տրվում պատվաստումն իրականացնել շարժական ամբուլատորիաներում։  Հարաբերական հակացուցումներն են` սուր հիվանդությունները և քրոնիկ հիվանդությունների սրացումները: Այս դեպքում պատվաստումը պետք է հետաձգել՝ մինչև լավացումը կամ վիճակի կայունացումը:


Ուռուցքային հիվանդներին կարելի՞ է:


Ընդհանուր առմամբ՝ այո: Սակայն այստեղ նույնպես պետք է զգուշավոր լինել, ռիսկերը պետք է գնահատի բուժող բժիշկը։


Անամնեզում ալերգիա ունեցողներին կարելի՞ է պատվաստվել:


Անամնեզում ալերգիայի առկայությունը դեռ չի նշանակում, որ տվյալ անհատը պարտադիր կունենա ալերգիկ դրսևորումներ այս կամ այն պատվաստանյութի հանդեպ։ Պետք է գնահատել ռիսկերը, որոշում կայացնում է ալերգոլոգը:


Հնարավո՞ր է ալերգիկ ռեակցիա կորոնավիրուսի պատվաստանյութից:


Այո, հնարավոր է։


Հղիներին և կերակրող մայրերին կարելի՞ է պատվաստվել:


Հղիները քովիդն ավելի ծանր են տանում, քան նույն տարիքի ոչ հղի կանայք, ուստի պատվաստումը հիմնավորված է: Որոշ դեպքերում անհատական մոտեցում է պահանջում։ Ռիսկերը գնահատում է մանկաբարձ-գինեկոլոգը։

Կարելի՞ է պատվաստման 2-րդ փուլը կատարել այլ վայրում, եթե եղել է տեղափոխման անհրաժեշտություն:


Այո, կարելի է։


ԿՈՎԻԴ-ի դեմ պատվաստվելուց հետո. ինչո՞ւ են հիվանդանում պատվաստվածները:


Այստեղ որևէ հակասություն հարկ է չփնտրել։ Պատվաստանյութի արդյունավետությունը 80-90 տոկոս է, այլ ոչ` 100։ Շատ բան կախված է նաև իմունիտետի տևականությունից. կան անհատական տարբերություններ:


Ավելի լավ է հիվանդանա՞լ, թե՞ պատվաստվել:


Ակնհայտ է՝ երկրորդը: Չկա երաշխիք, որ հիվանդությունը կունենա թեթև ընթացք։ Ցավոք, փորձը ցույց է տալիս, որ առողջ երիտասարդների մոտ նույնպես հիվանդությունը կարող է ծանր ընթացք ունենալ։


Եթե պատվաստման 1-ին փուլից հետո հիվանդացել է, ի՞նչ անել:


Նման դեպքերում պետք է հետաձգել երկրորդ դեղաչափի ներմուծումը` մինչև լիարժեք առողջացումը:


1-ին պատվաստումից անմիջապես հետո մարդը պաշտպանվա՞ծ է:


Եթե ստացել է միայն մեկ դեղաչափ, ապա խոսել պաշտպանվածության մասին` սխալ է։


Ի՞նչ անել, եթե պատվաստումից հետո բարձրացել է ջերմությունը:


Օգտագործել ոչ ստերոիդային հակաբորբոքային դեղեր և մեծ քանակով հեղուկ ընդունել, վարել պասիվ կենսակերպ։


Ինչպե՞ս է ազդում պատվաստված մարդն ընտանիքի անդամների վրա, կա՞ վարակման վտանգ:


Պատվաստումով պայմանավորված՝ զրոյական է։


Պե՞տք է ինքնամեկուսացում` պատվաստվելուց հետո:


Ոչ,  կարիք չկա։


Ի՞նչ կանոններ պահպանել պատվաստումից հետո:


Մեկ-երկու օր ներարկման տեղում խուսափել ջրային շփումներից։


Ե՞րբ է առաջանում իմունիտետ` պատվաստումից հետո:


Սկսում է զարգանալ նույն օրից, լիարժեք՝ 14 օրից։


Որքա՞ն երկար է մարդը պաշտպանված պատվաստումից հետո:


Այս հարցի պատասխանը կունենանք 1-2 տարի անց։ Հայտնի է, որ իմուն պաշտպանվածությունն այս վիրուսի հանդեպ ժամանակի ընթացքում նվազում է, բայց ավելի ստույգ ասել առայժմ հնարավոր չէ, գուցե կրկնապատվաստումների կարիք լինի:


Պատվաստումից որքա՞ն ժամանակ անց կարելի է հղիանալ:


Որևէ ապացուցողական տվյալ չկա վերարտադրողական առողջության վրա պատվաստման որևէ կողմնակի ազդեցության մասին:

Սկզբնաղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Կարդացեք նաև

Կոնքազդրային հոդի սքրինինգ. նեոնատոլոգ Մարինա Զարգարյան. morevmankan.am
Կոնքազդրային հոդի սքրինինգ. նեոնատոլոգ Մարինա Զարգարյան. morevmankan.am

Ի՞նչ է կոնքազդրային հոդի սքրինինգը


Մոր և մանկան առողջության պահպանման գիտահետազոտական կենտրոնում 2009 թ-ից սկսած կատարվում է...

Վնասվածքաբանություն և օրթոպեդիա
Կոկորդի էնդոլարինգեալ վիրահատություններ․ քիթ-կոկորդ-ականջաբան Սոնա Մանուկյան
Կոկորդի էնդոլարինգեալ վիրահատություններ․ քիթ-կոկորդ-ականջաբան Սոնա Մանուկյան

Ժամանակակից քիթ-կոկորդ-ականջաբանության խնդիրների շարքում կոկորդի ախտահարումներն ամենահաճախ հանդիպողներից են...

Քիթ-կոկորդ-ականջ հիվանդություններ Վիրաբուժություն
Ներգանգային գերճնշում՝ինտրակրանիալ հիպերտենզիա. նյարդավիրաբույժ Աղասի Կոչկանյան. armeniamedicalcenter.am
Ներգանգային գերճնշում՝ինտրակրանիալ հիպերտենզիա. նյարդավիրաբույժ Աղասի Կոչկանյան. armeniamedicalcenter.am

Ի՞նչ պատճառներ ունի ներգանգային գերճնշումը


Ներգանգային գերճնշումը /ՆԳԳ/ որպես համախտանիշ հանդիպում է շատ հիվանդությունների...

Նյարդաբանություն
Քթի պլաստիկ վիրահատություն. հաճախ տրվող հարցերին պատասխանում է Հայկ Ենոքյանը
Քթի պլաստիկ վիրահատություն. հաճախ տրվող հարցերին պատասխանում է Հայկ Ենոքյանը

Քթի պլաստիկ վիրահատությունը` ռինոպլաստիկան, ըստ դիմա-ծնոտային և պլաստիկ վիրաբույժ, բժշկական գիտությունների թեկնածու, դոցենտ Հայկ Ելոքյանի, մի ամբողջ փիլիսոփայություն է ու ներառում է և՛ ֆիզիկական...

Պլաստիկ վիրաբուժություն
 Համակարգային հիվանդություններ. հարցազրույց ռևմատոլոգ Վահան Մուկուչյանի հետ. nairimed.com
 Համակարգային հիվանդություններ. հարցազրույց ռևմատոլոգ Վահան Մուկուչյանի հետ. nairimed.com

Ի՞նչ է համակարգային հիվանդությունը:


Համակարգային հիվանդությունների շարքին են դասվում այն ախտահարումները, երբ ախտաբանական գործընթացը կարող է...

Համակարգային հիվանդություններ
Առաջին օգնությունն այրվածքների ժամանակ. հարցազրույց այրվածքաբան Կարինե Բաբայանի հետ
Առաջին օգնությունն այրվածքների ժամանակ. հարցազրույց այրվածքաբան Կարինե Բաբայանի հետ

Ի՞նչ գործոններ կարող են այրվածք առաջացնել և ի՞նչ ախտանիշներով են դրսևորվում:


Այրվածքը ցավ առաջացնող ախտաբանություն է: Այն կարող է առաջանալ արևի ճառագայթներից, տեխնիկական ճառագայթող սարքերից, շատ տաք...

Առաջին նախաբժշկական օգնություն
Շագանակագեղձի բարորակ գերաճ (ադենոմա). հարցազրույց ուրոլոգ բ․գ․դ․, պրոֆեսոր Արթուր Գրաբսկու հետ
Շագանակագեղձի բարորակ գերաճ (ադենոմա). հարցազրույց ուրոլոգ բ․գ․դ․, պրոֆեսոր Արթուր Գրաբսկու հետ

Ի՞նչ գործունեություն,  գործառույթներ է իրականացնում շագանակագեղձը:


Շագանակագեղձը տղամարդու միզասեռական համակարգի օրգաններից է։ Այն տեղակայված է կոնքում, մոտակա...

Ուրո-անդրոլոգիա
Ձվարանների գերխթանման համախտանիշ. մանկաբարձ-գինեկոլոգ, վերատադրողաբան Լուսինե Բալայան. ivf-arm.com
Ձվարանների գերխթանման համախտանիշ. մանկաբարձ-գինեկոլոգ, վերատադրողաբան Լուսինե Բալայան. ivf-arm.com

Ի՞նչ է ձվարանների գերխթանման համախտանիշը /ՁԳՀ/


Ձվարանների գերխթանման համախտանիշը /ՁԳՀ/ հազվադեպ հանդիպող, սակայն բավականին լուրջ յաթրոգեն...

Պերինատոլոգիա, մանկաբարձություն և ուրո-գինեկոլոգիա
Բնածին հարականջային խուղակ․ մեծահասակների և երեխաների ՔԿԱ մասնագետ Աննա Պետրոսյան. armeniamedicalcenter.am
Բնածին հարականջային խուղակ․ մեծահասակների և երեխաների ՔԿԱ մասնագետ Աննա Պետրոսյան. armeniamedicalcenter.am

Ո՞րն է բնածին հարականջային խուղակի առաջացման պատճառը


Այս արատը որոշ բացասական գործոնների ազդեցությամբ առաջանում է ներարգանդային կյանքի...

Քիթ-կոկորդ-ականջ հիվանդություններ
Ուռուցքաբանության նորարարությունները «Նաիրի» ԲԿ-ում. հարցազրույց Արտեմ Ստեփանյանի հետ. nairimed.com
Ուռուցքաբանության նորարարությունները «Նաիրի» ԲԿ-ում. հարցազրույց Արտեմ Ստեփանյանի հետ. nairimed.com

Ուռուցքաբանությունը բժշկության ամենաարագ զարգացող մասնագիտությունն է: Գրեթե ամեն տարի, նույնիսկ ամեն ամիս, կամ ամեն շաբաթ նորություններ են լինում այդ ոլորտում...

Ուռուցքաբանություն
Դիաբետիկ ոտնաթաթի հետևողական և արդյունավետ բուժում «Արթմեդ»-ում
Դիաբետիկ ոտնաթաթի հետևողական և արդյունավետ բուժում «Արթմեդ»-ում

Դիաբետիկ ոտնաթաթի համախտանիշը շաքարային դիաբետով տառապող մարդկանց մոտ առաջացող բարդություններից է, որը դրսևորվում է ոտնաթաթին վերքային մակերեսներով, խոցերով՝ ընդհուպ մինչև ոտնաթաթի մեռուկացմամբ...

Բժշկական կազմակերպություններ և կենտրոններ
Ցրված սկլերոզ. հարցազրույց նյարդաբան Սեդա Վարդանյանի հետ. armeniamedicalcenter.am
Ցրված սկլերոզ. հարցազրույց նյարդաբան Սեդա Վարդանյանի հետ. armeniamedicalcenter.am

Ի՞նչ է ցրված սկլերոզը և որո՞նք են նրա առաջացման պատճառները

Ցրված սկլերոզը /ՑՍ/ առավել հաճախ հանդիպող դեմիելինիզացնող հիվանդություններից է...

Նյարդաբանություն
Թորակոսկոպիկ, նվազ ինվազիվ վիրահատությունները կրծքային վիրաբուժությունում. Սուրեն Վարդանյան. armeniamedicalcenter.am
Թորակոսկոպիկ, նվազ ինվազիվ վիրահատությունները կրծքային վիրաբուժությունում. Սուրեն Վարդանյան. armeniamedicalcenter.am

Ի՞նչ է թորակոսկոպիկ միջամտությունը:

Թորակոսկոպիայի ժամանակ իրականացվում է միջամտություն՝ 2-3 փոքր (1-1,5 սմ) բացվածքների միջոցով...

Բժշկական կազմակերպություններ և կենտրոններ Շնչառական համակարգ
«Արմենիա» ՀԲԿ քիթկոկորդականջաբանության և դիմածնոտային վիրաբուժության կլինիկայի գործունեությունը. հարցազրույց Վասակ Մելիքսեթյանի հետ. armeniamedicalcenter.am
«Արմենիա» ՀԲԿ քիթկոկորդականջաբանության և դիմածնոտային վիրաբուժության կլինիկայի գործունեությունը. հարցազրույց Վասակ Մելիքսեթյանի հետ. armeniamedicalcenter.am

Ի՞նչ է ներառում ծառայությունը:

Կլինիկան ներառում է երկու բաժանմունք՝ քիթկոկորդականջաբանություն և դիմածնոտային վիրաբուժություն: Իրականացնում են քիթկոկորդականջաբանության և դիմածնոտային ախտաբանության ախտորոշիչ և վիրաբուժական...

Բժշկական կազմակերպություններ և կենտրոններ
Հետքովիդային համախտանիշ. հարցազրույց թոքաբան Սիրանուշ Պողոսյանի հետ. armeniamedicalcenter.am
Հետքովիդային համախտանիշ. հարցազրույց թոքաբան Սիրանուշ Պողոսյանի հետ. armeniamedicalcenter.am

Ի՞նչ է հետքովիդային համախտանիշը:


Հետկոքիդային համախտանիշը քովիդ վարակի հետևանք է, երբ հիվանդացածների մոտ 3 ամիս և ավելի...

Վարակաբանություն

Notice: Undefined index: HTTP_X_FORWARDED_FOR in /sites/med-practic.com/classes/flud_class.php on line 33

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ