Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բժշկի ընդունարանում

Վիրաբուժական ծառայությունները «Արմենիա» ՀԲԿ-ում կորոնավիրուսային համավարակի ժամանակ. հարցազրույց Աշոտ Կուրղինյան. armeniamedicalcenter.am

Վիրաբուժական ծառայությունները «Արմենիա» ՀԲԿ-ում կորոնավիրուսային համավարակի ժամանակ. հարցազրույց Աշոտ Կուրղինյան. armeniamedicalcenter.am

Ինչպիսի՞ն են «Արմենիա» բժշկական կենտրոնի վիրաբուժական ծառայության ծավալները:

Արմենիա բժշկական կենտրոնն ունի մեծ հնարավորություններ: Կենտրոնում՝ վիրաբուժության ուղղությամբ, առկա են բազմաթիվ ծառայություններ՝ անեսթեզիոլոգիա, վերակենդանացում, անոթային վիրաբուժություն, նյարդավիրաբուժություն, միկրոպլաստիկ, դիմածնոտային վիրաբուժություն, ուրոլոգիա, ընդհանուր վիրաբուժություն և այլն: Առանց ավելորդ չափազանցության, հպարտությամբ ուզում եմ նշել, որ տեսնում եմ յուրահատուկ մասնագետների, որոնք առանձնահատուկ գործ են կատարում:

Մեր պոտենցիալը շատ հստակ երևաց նաև պատերազմի ժամանակ, երբ, միաժամանակ, շարունակվում էր նաև կորոնավիրուսով հիվանդների սպասարկումը:  Պատերազմի ընթացքում տարբեր վնասվածքներով և վիրավորումներով զինծառայողներին ցուցաբերած օգնության ծավալով (ավելի քան 700 զինվոր) հանրապետությունում մեր բժշկական կենտրոնն առաջիններից է:  Բոլոր ծառայություններն աշխատել են խիստ լարված, բայց որևէ խնդիր չի առաջացել՝ ռեանիմացիայից սկսած և վերջացրած վիրաբուժական բոլոր բաժիններով: Բժիշկներն ու ամբողջ բուժանձնակազմն առավելագույնն են ցուցաբերել:

Ի՞նչ փոփոխություններ է առաջացրել կորոնավիրուսային համավարակը հիվանդանոցի գործունեության մեջ:

Կորոնավիրուսային համաճարակի պայմաններում շատ հիվանդանոցներ, ստիպված՝ ելնելով անհրաժեշտությունից, իրենց պոտենցիալը և հնարավորությունները կենտրոնացրել են համավարակի վրա, որի պարագայում շատ կարևոր մասնագիտական ոլորտներ, կարծես, ուշադրությունից դուրս են մղվել` հայտնվելով երկրորդ պլանում, օրինակ, նյարդավիրաբուժությունը, ուրոլոգիան, վերականգնողական վիրաբուժությունը, ուռուցքաբանությունը, որոնք խիստ անհրաժեշտ ծառայություններ են և նույնիսկ համավարակի ժամանակ հնարավոր չէ անտեսել:

«Արմենիա» բժշկական կենտրոնը, մեծ դժվարությամբ և մեծ աշխատանքի շնորհիվ, փորձում է համադրել`կարողանալ օգտակար լինել և՛ համավարակի դեմ պայքարում, և՛ մյուս ծառայություններն ուշադրությունից դուրս չթողնել: Կարծում եմ, դա ստացվում է:

«Արմենիա» բժշկական կենտրոնում` հնարավորություններից զատ, ի՞նչ առավելություններ եք տեսնում:

Հետաքրքիր բան եմ տեսնում մեր կենտրոնում: Այս ավանդույթը եղել է, կա, և դա կենտրոնի տնօրինության, գլխավոր տնօրենի կամքի, հոգածության շնորհիվ է իրականանում: Դա այն է, որ հիվանդանոցը հանրապետությունում ընդունված է անվանել «բաց դռներով» հիվանդանոց: Այստեղ չեն մերժվում այն հիվանդները, որոնք, սովորաբար, այլ հիվանդանոցներում ինչ-ինչ պատճառներով մերժվում են՝ վճարունակության, կարգավիճակի, ամենակարևորը՝ բարդություններով ընթացող հիվանդությունների, որոնց վրա ջանք, գումար, դեղորայք, մասնագիտական աշխատանք, եռանդ կենտրոնացնելը կարող է լինել տևական, իսկ արդյունքներն՝ ուշացած: «Արմենիա» բժշկական կենտրոնն այն եզակի բժշկական հաստատությունն է, որը չի տրտնջում նման հիվանդներից և, ունենալով բոլոր մասնագիտական հնարավորություններ, կարողանում է բոլոր ոլորտներում` ռեսուրսներով, տարբեր մասնագետների ջանքերով օգտակար լինել բոլորին: Վիրաբուժական բաժանմունքում հիվանդներ ունենք ծերանոցից, խնամքի կենտրոններից, քրոնիկական հիվանդներ, ովքեր հարազատներ չունեն կամ փախստականներ են, որոնք ամիսներով բուժվում են մեր հիվանդանոցում: Եվ շատ լավ է, որ կա բուժհաստատություն, որտեղ չեն մերժում   :

Այսօրվա բուժառուներից շատերը կարևորում են սպասարկման մակարդակը…

Իհարկե, դա այդպես է, մենք չենք մոռանում բավարարել նաև այնպիսի մարդկանց պահանջները, որոնք ավելի յուրահատուկ սպասելիքներ և սպասարկման կարիք ունեն: Եվ, օրենքի թույլատրման սահմաններում, անհատական մոտեցում ենք ցուցաբերում յուրաքանչյուրին: Ունենք բավականին լավ պայմաններ, անհատական հիվանդասենյակների մշակված սխեմաներ, որոնք այսօրվա պայմաններում, անկասկած, անհրաժեշտություն է: Ուշադրության կենտրոնում են նաև սոցիալապես անապահով հիվանդները. դա ուզում եմ հատկապես շեշտել:

Մեծահասակների հիվանդանոցում մանկական ծառայություն հիմնելը մեծ խիզախություն է: Ի՞նչ քայլեր են արդեն ձեռնարկված:

Կենտրոնում արդեն գործում ենք մանկական ընդհանուր վիրաբուժության, օրթոպեդիայի և վնասվածքաբանության, քիթ-կոկորդ-ականջաբանության ծառայություններ և, ինչպես արդեն նշեցի, այդտեղ ես ունեմ իմ համեստ ներդրումը. դա եղել է իմ առաջարկով ու ջանքերով:

Մեկ տարի է, ինչ մանկահասակ երեխաների ծառայության շրջանակում իրականացնում ենք վիրահատաություններ: Այս ընթացքում, ապրիլ-մայիս ամիսներից ի վեր, վիրահատել ենք մոտավորապես 200 երեխա  (վիրաբուժական՝ 22, ուրոլոգիա՝ 7, քիթ-կոկորդ-ականջաբանություն՝ 51 և վնասվածքաբանություն՝ 120/: Երբ ծառայություններն իրականացվեն առանձին բաժանմունքներում՝ այս թիվը 3-4 անգամ կավելանա:

Ինչպե՞ս եք լուծել մանկական մասնագետների հետ կապված հարցերը:

Երեխաներով զբաղվում են միայն երեխաների բուժման փորձ ունեցող բժիշկներ: Բաժանմունքում աշխատում է մանկական տրավմատոլոգ-օրթոպեդ Արա Աշոտի Այվազյանը, ով երկար ժամանակ աշխատել է Օրթոպեդիայի և վնասվածքաբանության գիտական կենտրոնում: Արդեն գործում է քիթ-կոկորդ ականջաբանության բաժանմունքը:

Եվ, ամենակարևորը, մենք հրավիրել ենք և աշխատանքային պայմանագիր ենք կնքել հանրապետության գլխավոր մանկական անեսթեզիոլոգ Հրանտ Զավենի Կալենտերյանի հետ:

Սա այն թիմն է, որի անդամները մասնագիտությամբ, իրենց փորձառությամբ` մանկաբույժներ են:

Ի՞նչ այլ ծրագրեր ունեք մանկական ծառայության զարգացման համար:

Մենք դեռ բարելավելու ենք պայմանները, մտածում ենք առանձին մասնաշենքի, մասնահարկի մասին, որտեղ լիովին կառանձնացվի մանկական ծառայությունը, սկզբում` մանկական վիրաբուժությունը:  Ծառայությունը զարգացնելու համար ունենք ադմինիստրացիայի լիարժեք աջակցությունը, ինչի համար ուրախ ենք:

Որիշ ի՞նչ ծրագրեր և նպատակներ կան առաջիկայում:

Հիմա աշխատում ենք նաև մանկաբարձա-գինեկոլոգիական ծառայությունը մեծացնելու ուղղությամբ: Դա գինեկոլոգիական խնդիրներով տառապող կանանց, հղիների հսկողություն հիմնելը և ծավալելն է` պոլիկլինիկային կից, Աջափնյակ թաղամասի բնակչության համար, ինչը նորություն կլինի: Արդեն պայմանավորվածություն ունենք նախարարության հետ, հիմա առաջին քայլերն ենք անում` աշխատասենյակներն ենք կահավորում:

Սկզբնաղբյուր. armeniamedicalcenter.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

«Արմենիա» ՀԲԿ քիթկոկորդականջաբանության և դիմածնոտային վիրաբուժության կլինիկայի գործունեությունը. հարցազրույց Վասակ Մելիքսեթյանի հետ. armeniamedicalcenter.am
«Արմենիա» ՀԲԿ քիթկոկորդականջաբանության և դիմածնոտային վիրաբուժության կլինիկայի գործունեությունը. հարցազրույց Վասակ Մելիքսեթյանի հետ. armeniamedicalcenter.am

Ի՞նչ է ներառում ծառայությունը:

Կլինիկան ներառում է երկու բաժանմունք՝ քիթկոկորդականջաբանություն և դիմածնոտային վիրաբուժություն: Իրականացնում են քիթկոկորդականջաբանության և դիմածնոտային ախտաբանության ախտորոշիչ և վիրաբուժական...

Բժշկական կազմակերպություններ և կենտրոններ
Հետքովիդային համախտանիշ. հարցազրույց թոքաբան Սիրանուշ Պողոսյանի հետ. armeniamedicalcenter.am
Հետքովիդային համախտանիշ. հարցազրույց թոքաբան Սիրանուշ Պողոսյանի հետ. armeniamedicalcenter.am

Ի՞նչ է հետքովիդային համախտանիշը:


Հետկոքիդային համախտանիշը քովիդ վարակի հետևանք է, երբ հիվանդացածների մոտ 3 ամիս և ավելի...

Վարակաբանություն
Հարցազրույց նյարդաբան, բ.գ.թ. Բելլա Գրիգորյանի հետ. իր գործին նվիրյալը
Հարցազրույց նյարդաբան, բ.գ.թ. Բելլա Գրիգորյանի հետ. իր գործին նվիրյալը

«Հերացի» թիվ 1 համալսարանական հիվանդանոց Ռադիոլոգիայի կենտրոնի ԷՆՄԳ լաբորատորիայի հիմնադիր...

Զարկերակային ճնշման մշտադիտարկում. հարցազրույց Լուսինե Մանուկյանի հետ. morevmankan.am
Զարկերակային ճնշման մշտադիտարկում. հարցազրույց Լուսինե Մանուկյանի հետ. morevmankan.am

Ի՞նչ է զարկերակային ճնշման մշտադիտարկումը՝ մոնիթորինգը, և ինչո՞ւ է կարևոր այդ հետազոտությունը հղիների մոտ:

Զարկերակային ճնշման մշտադիտարկումը ոչ ինվազիվ հետազոտություն է և միակ մեթոդն է, որը թույլ է տալիս...

Հղիություն, ծննդաբերություն Սրտանոթաբանություն Պերինատոլոգիա, մանկաբարձություն և ուրո-գինեկոլոգիա
Քաղցկեղի բուժման նորագույն մեթոդները երիտասարդ մասնագետի աշխատանքում
Քաղցկեղի բուժման նորագույն մեթոդները երիտասարդ մասնագետի աշխատանքում

ՀՀ ԱՆ Վ․Ա Ֆանարջյանի անվան Ուռուցքաբանության ազգային կենտրոնը նորագոյացությունների բուժման առաջատար բազմապրոֆիլային մասնագիտացված կենտրոնն է Հայաստանում։Ուրոլոգիական բաժանմունքի օնկոուրոլոգ...

Ուռուցքաբանություն
Ի՞նչ է պետք սիրտ-անոթային հիվանդությունների և դրանց բարդացումները կանխելու համար. «Արամյանց» ԲԿ
Ի՞նչ է պետք սիրտ-անոթային հիվանդությունների և դրանց բարդացումները կանխելու համար. «Արամյանց» ԲԿ

«Արամյանց» ԲԿ ընդհանուր և ինվազիվ սրտաբանական բաժանմունքը զբաղվում է սրտաբանական պաթոլոգիաների թերապևտիկ բուժմամբ և ներանոթային միջամտություններով: Բաժանմունքը վերազինված է նորագույն տեխնոլոգիաներով...

Սրտանոթաբանություն
Օրթոպեդիկ և վնասվածքաբանական խնդիրների բարձրակարգ բուժում Արամյանց ԲԿ-ում. «Արամյանց» ԲԿ
Օրթոպեդիկ և վնասվածքաբանական խնդիրների բարձրակարգ բուժում Արամյանց ԲԿ-ում. «Արամյանց» ԲԿ

Մենք հաճախ անտեսում ենք մեր առողջական խնդիրները, ականջ չենք դնում մեր օրգանիզմի ուղարկած ահազանգերին, դիմանում ենք ցավին, ամեն կերպ հետաձգում բժշկին այցելելը և մի պատահական օր նրա մոտ հայտնվում արդեն շտապ կարգով...

Բժշկական կազմակերպություններ և կենտրոններ
Այրվածքաբանության ազգային կենտրոնում կան տուժածին դժվար իրավիճակներից դուրս բերելու անհրաժեշտ բոլոր միջոցները, թեև առկա է հիմնանորոգման կարիք
Այրվածքաբանության ազգային կենտրոնում կան տուժածին դժվար իրավիճակներից դուրս բերելու անհրաժեշտ բոլոր միջոցները, թեև առկա է հիմնանորոգման կարիք

Այրվածքաբանության ազգային կենտրոնը հիմնադրվել է 1995թ.՝ Դավիթաշեն վարչական շրջանում գործող առանձին մասնաշենքում։ Մինչև այդ, տևական ժամանակ, գործել է ...

Բժշկական կազմակերպություններ և կենտրոններ
«Մասնագիտությունը՝ բժիշկ» շարքից. հարցազրույց «Արմենիա» ՀԲԿ վիրաբույժ Գևորգ Սիմոնյանի հետ. armeniamedicalcenter.am
«Մասնագիտությունը՝ բժիշկ» շարքից. հարցազրույց «Արմենիա» ՀԲԿ վիրաբույժ Գևորգ Սիմոնյանի հետ. armeniamedicalcenter.am

Մանկության երազանքին` հավատարիմ

«…սա իմ կոչումն է, ես չեմ նայել գնահատված-չգնահատված լինելուն, աշխատել եմ բժշկի երդմանը հավատարիմ»...

Բժիշկներ
«Լավ վիրաբույժը պետք է նաև լավ մարդ լինի». Հովհաննես Սարուխանյան. Սալուտեմ ամսագիր №3
«Լավ վիրաբույժը պետք է նաև լավ մարդ լինի». Հովհաննես Սարուխանյան. Սալուտեմ ամսագիր №3

Խոստովանում է՝ եթե նորից վիճակվեր ընտրություն կատարել, ապա կրկին բժշկի մասնագիտությունը կընտրեր։ Իր հաջողությունների ու ձեռքբերումների, հաղթահարած դժվարությունների մասին վաստակաշատ...

Բժիշկներ Սալուտեմ 3.2021
«Ասացի՝ ուզում եմ սրտաբան դառնալ, որ բուժեմ պապիկիս հիվանդությունից ունեցող մարդկանց». Սարգիս Կիրամիջյան. Սալուտեմ ամսագիր №3
«Ասացի՝ ուզում եմ սրտաբան դառնալ, որ բուժեմ պապիկիս հիվանդությունից ունեցող մարդկանց». Սարգիս Կիրամիջյան. Սալուտեմ ամսագիր №3

Մեր հայրենակից Սարգիս Կիրամիջյանը, որ բնակություն է հաստատել ԱՄՆ-ում, իր մասնագիտական ուղին մանուկ հասակում է ընտրել։ Փոքրիկ Սարգսի վրա խոր ազդեցություն էր թողել սիրելի պապիկը, որ երկար տարիներ տառապում էր...

Բժիշկներ Սալուտեմ 3.2021
Ամռան տապին մաշկը հատուկ խնամքի և ուշադրության կարիք ունի. մաշկաբան Հովհաննես Հովհաննիսյան. Սալուտեմ ամսագիր №3
Ամռան տապին մաշկը հատուկ խնամքի և ուշադրության կարիք ունի. մաշկաբան Հովհաննես Հովհաննիսյան. Սալուտեմ ամսագիր №3

Ինչպե՞ս ամռան տապին պաշտպանել մաշկը։ Ի՞նչ վտանգներ կարող են առաջանալ արևի ճառագայթների տակ երկար պառկելու դեպքում։ Արևապաշտպան միջոցների ճիշտ ընտրությունը կարևո՞ր է։ Այս մասին զրուցել ենք մաշկաբան...

Մաշկաբանություն Առողջ և գեղեցիկ Սալուտեմ 3.2021
Եթե բժիշկն ասաց, որ ամեն ինչ գիտի, ուրեմն սպառվել է որպես մասնագետ
Եթե բժիշկն ասաց, որ ամեն ինչ գիտի, ուրեմն սպառվել է որպես մասնագետ

«Արմենիա» հանրապետական բժշկական կենտրոնի դիմածնոտային վիրաբուժության բաժանմունքի ղեկավար, դիմածնոտային վիրաբույժ, բժշկական գիտությունների թեկնածու, դոցենտ Արեգ Սեփյանը զբաղվում է դիմածնոտային...

Բժիշկներ
Գեղեցկության ու երիտասարդության պահապանը. պլաստիկ վիրաբույժ Արարատ Հեքիմյան
Գեղեցկության ու երիտասարդության պահապանը. պլաստիկ վիրաբույժ Արարատ Հեքիմյան

Արարատ Լևոնի Հեքիմյանը պլաստիկ վիրաբույժ է՝ մասնագիտացած էսթետիկ վիրաբուժության, միկրովիրաբուժության, դեմքի,  մարմնի էսթետիկ և վերականգնողական  վիրաբուժության մեջ: Աշխատում է «ՆյուՄեդ», «ԱրտՄեդ» և «Վեդի»...

Պլաստիկ վիրաբուժություն
«Որ չտուժի դասընթացը...». Սմբատ Ազնաուրյան. Սալուտեմ ամսագիր №3
«Որ չտուժի դասընթացը...». Սմբատ Ազնաուրյան. Սալուտեմ ամսագիր №3

Ինչպե՞ս են վերապատրաստվում Մ. Հերացու անվան Երևանի պետական բժշկական համալսարանի դասախոսները, ի՞նչ ճանապարհ են անցնում մինչև լսարան մտնելը բուհի երիտասարդ և խոստումնալից կադրերը, ինչպե՞ս են գնահատվում դասախոսի...

Սալուտեմ 3.2021

Notice: Undefined index: HTTP_X_FORWARDED_FOR in /sites/med-practic.com/classes/flud_class.php on line 33

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ