Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բժշկի ընդունարանում

Կյանքը ինքնին հրաշք է. հարցազրույց Ակսել Լեոնիդի Իսկանդարյանի հետ. armeniamedicalcenter.am

Կյանքը ինքնին հրաշք է. հարցազրույց Ակսել Լեոնիդի Իսկանդարյանի հետ. armeniamedicalcenter.am

«Կյանքի ամբողջ վայրիվերումներում՝ հաջողություններում, անհաջողություններում, միայն մի բան է իմ մեջ միշտ ներկա եղել. ցանկացած իրավիճակում պետք է մարդ մնալ»,- սա է Կրթության միջազգային ակադեմիայի ռազմադաշտային վիրաբուժության և արտակարգ  իրավիճակների ամբիոնի վարիչ, բ.գ.դ., պրոֆեսոր, վիրաբույժ Ակսել Իսկանդարյանի կարգախոսը:

Բժշկի ճանապարհը երկար է, այն չի սկսվում համալսարան ընդունվելու պահից և դիպլոմ ստանալը նույնպես կրթության, բժշկի ձևավորման ավարտը չէ, նախ երազանքն է, գուցե և՝ մանկության խորքերից, հետո…

- Ծնվել եմ բժշկի ընտանիքում և հենց առաջին գիտակից քայլերը կատարելիս որոշել եմ բժիշկ դառնալ: Հորս օրինակն էր աչքիս առաջ, ոգևորվում էի՝ տեսնելով, թե ինչպես է փրկում մարդկանց և սկսեցի երազել բժիշկ դառնալու մասին: Միայն նեղ մասնագիտությունն այլ ընտրեցի. հայրս ռենտգենաբան էր, իսկ ես ցանկացա վիրաբույժ դառնալ:

Ակսել Լեոնիդի ԻսկանդարյանՇատ սիրով եմ ուսանել, ավարտել, աշխատել և մինչև այժմ էլ սիրում եմ, պաշտում եմ մասնագիտությունս: Իմ ընտանիքում եղել են բժիշկներ, իմ կյանքը փրկել են բժիշկներ, ես բազմաթիվ մարդկանց կյանքեր եմ փրկել: Մի խոսքով, երախտապարտ եմ իմ մասնագիտությանը և շնորհակալ եմ Աստծուն, որ ճիշտ ուղղորդեց ինձ:

Սկզբում աշխատել եմ Առաջին հիվանդանոցում որպես օգնական՝ Կամիս Իվանի Մարտիրոսյանի ղեկավարությամբ. նա էր բաժանմունքի վարիչը: Ծագումով Արծվաշենցի էր, որտեղից նաև իմ հայրն էր: Տեսնելով իմ ձգտումները, հատկապես իմանալով, որ բուժդեսանտային  եմ ծառայել, ընդառաջեց ինձ, և ես աշխատանքի անցա.  քաղաքացիական բժշկության մեջ առաջին քայլերը կատարել եմ նրա հսկողությամբ:

Այնուհետև անցել եմ գիտագործնական աշխատանքի, դասավանդել եմ օպերատիվ վիրաբուժության ամբիոնում ՝ պետական և ոչ պետական բուհերում, հետագայում դոկտորական դիսերտացիա եմ պաշտպանել «Հրազենային վիրավորումներ» թեմայով` Ուկրանիայում: Սովորել եմ դոկտորանտուրայում, այնտեղ ավարտել եմ և պաշտպանել դոկտորական թեզ և ստացել դոկտորի կոչում:

1993-ին ընդունվել եմ աշխատանքի «Արմենիա» բժշկական կենտրոնում նախ` որպես ինտերն, ապա`կլինիկական  օրդինատոր, այժմ ավագ օրդինատոր եմ:

Ներկայումս  և՛ վիրահատում եմ, և՛ դասավանդում, և՛ փորձ փոխանցում երիտասարդ սերնդին:

Ավագ որդիս՝ Ալենը, նույնպես իմ ճանապարհն է ընտրել, նա ևս դարձել է ընդհանուր վիրաբույժ, աշխատում է դարձյալ «Արմենիա» բժշկական կենտրոնում:

Ո՞րն է բժշկի համար լավագույն գնահատանքը:

Բժշկի գնահատանքը փրկված կյանքերի որակն ու քանակն են:

Աֆղանստանը կյանքի փորձության մեծ դպրոց էր, այո՞…

Երբ առաջին կուրսից զորակոչվեցի բանակ, ինձ բախտ վիճակվեց բուժդեսանտայինների ակադեմիային կից կուրսերում սովորել: Այդտեղ սովորում էին հիմնականում բժշկական կրթություն ունեցողներ և սպորտսմեն կուրսանտներ, որոնց հետո ուղարկում էին թեժ կետեր, որի մասին չէին տեղեկացնում նախապես: Այն ավարտելուց հետո ուղեգրվել եմ Աֆղանստան, որտեղ ծառայել եմ Հյուսիսային Կունդուզում՝  առանձին բժշկական բատալիոնում՝ 1984-86 թթ:

Սկզբնական շրջանում թվում էր, թե շատ կարևոր գործ ենք անում, բայց հետո պարզվեց, որ շատ կարևոր դպրոց ենք անցնում` ընդամենը ողջ մնալու, չկորցնելով մարդկային դեմքը,  չկորցնելով ընկերոջ թիկունքին կանգնելու մղումը, չկորցնելով հավատքը, նվիրվածությունը, և պետք էր նաև, առաջին հերթին, կենդանի մնալ: Մեծ կենսափորձ էր, հատկապես մասնագիտական, որը ցավոք անհրաժեշտ եղավ նաև հետագայում՝ նախ երկրաշարժի ժամանակ, ապա` արցախյան պատերազմում:

 

Ակսել Լեոնիդի Իսկանդարյան Ակսել Լեոնիդի Իսկանդարյան

Սպիտակի երկրաշարժ, ապա արցախյան պատերազմ…

Որպես արտակարգ իրավիճակներում փորձ ունեցող , որոշեցի, որ կարող եմ պետք լինել Սպիտակում: Այդ նույն գիշերը փլատակներից հանեցի 16 երեխայի, մանկապարտեզի երեխաներ էին, սարսափելի տեսարան էր, ոչ մի կռվի, ոչ մի այլ բանի նման չէր: Սակայն այդ ժամանակ ինքս մնացի փլվածքի տակ և տեղափոխվեցի դաշտային հոսպիտալ: Վերջին փոքրիկի հետ էի մնացել ներսում, բայց  Աստված փրկեց մեզ՝ հանեցին և՛ ինձ, և՛ երեխային  Վրաստանից   ժամանած մեր կոլեգաները: Այնքան ոգևորված էի  երեխաներին փրկելու փաստով, որ իմ տուժած լինելու հանգամանքն ինձ համար աննկատ մնաց և շատ շուտ ոտքի կանգնեցի:

Այդ վերջին երեխայի անուն ազգանունը տպավորվել է՝ Պլուզյան Ալինա, 4 տարեկան. Ինքն իր անունն ասում էր՝ Այնա. Ես պետք է նրան հանեի խաղասեղանի տակից, չէր գալիս, մի բան խանգարում էր, իսկ երբ սեղանի  ծռված ոտքից մի կերպ ազատեցի, արդեն ինքը չէր գալիս. ասում եմ. «Բալիկ ջան , ինչո՞ւ չես գալիս», պատասխանում է. «Տակս կեղտոտել եմ»…  Երբ արդեն մտածում էի բոլորին հանել եմ, մեկ էլ մի երեխա թևս բռնեց ու ասաց. «Դյադյա ջան, բոլորին հանել ես, ես եմ մնացել»…

Հետո սկսվեց արցախյան պատերազմը, նորից ինքնակամ գնացի և դարձա Արծվաշենի աշխարհազորայինի վիրաբույժը. և՛ պոստերն եմ պահել, և՛ հետախույզ եմ եղել, և՛ բժշկություն եմ արել:

Դուք նաև սպորտի մեջ հաջողություններ ունեք…

Դասական ըմբշամարտից սպորտի վարպետ եմ, Խորհրդային միության եռակի չեմպիոն:

Այս՝ դժվար կենսափորձով հարուստ կյանքի ամենամեծ դասը…

Ամբողջ  վայրիվերումներում՝ հաջողություններում, անհաջողություններում միայն մի բան է իմ մեջ միշտ ներկա եղել՝ ցանկացած իրավիճակում պետք է մարդ մնալ: Մի խելոք մարդ ասել է. «Ամենաբարձր մարդը ամենահասարակ մարդն է»:  Ես ժողովրդի ուսերին կայացած մարդ եմ, ինչպե՞ս կարող եմ ինձ ավելի բարձր գնահատել, քան որևէ այլ մեկի:

Ուրախ եմ, որ որդիս՝ Ալենը, կյանքում և մասնագիտական հարցերում նույնպես առաջնորդվում է ճիշտ արժեքներով:

Աստծո ներկայությունն զգացող մարդը չի կարող նաև չտեսնել այն հրաշքները, որոնք հաճախ են մեր կյանքում՝ նկատված, չնկատված…

Այո, այդ ընթացքում շատ հրաշքներ են եղել: Գեղարվեստական գիրք եմ գրել, որը կոչվում է «Ճակատագրի բերումով», այն անգամ մրցանակի է արժանացել: 1998-ին այդ վիպակում գրել եմ հիշողությունները: Այնտեղ նկարագրել եմ նաև այդ հրաշքները:

 

Ակսել Լեոնիդի ԻսկանդարյանՄիայն մեկը պատմեմ. Աֆղանստանում բարձրանում ենք դիրք բուժդեսանտայինների ջոկատով՝ վիրավորներին գտնելու, բուժօգնություն ցուցաբերելու: Լեռնային տեղանքում շարժվելիս պետք է 3 մետր տարածություն պահել միմյանց միջև, որպեսզի սայթաքելիս որևէ մեկի մատը ձգանին կպչելիս՝ դիմացինին հանկարծ չվնասի: Հասանք Սև սարին (թարգմանաբար այդպես է կոչվում): Վերևից սկսեցին կրակել: Հանկարծ հասկացա, որ բոլորովին մենակ եմ բաց տարածության մեջ, և ոչ մի թաքնվելու տեղ չկա: Պառկել և սպասում եմ, թե երբ պետք է իմ վրա հերթական կրակահերթն անցնի ու ամեն բան վերջանա: Փաստորեն, տղաները հասցրել էին թաքնվել և միայն ես էի մնացել, իսկ մինչև քարակույտերը մոտավորապես 9 մետր տարածություն կար: Հերթական կրակահերթից հետո  ավազը լցվեց աչքերիս, բայց հանկարծ տեսա, որ ինձնից 1,5 մ հեռավորության վրա մի վարձկան սևամորթ, մուլատի դի է ընկած, հագին կար իսրայելական զրահաբաճկոն: Մենք հետախուզելով էինք առաջ գնում, տարածքը շատ ուշադիր էինք զննում, որովհետև աֆղանները դիակները, հատկապես մեր զինվորների դիակներն ականապատում էին: Բնականաբար, դի տեսնելիս մեր առաջին ռեակցիան լինում էր մոտենալը, որ ստուգենք դեռ կենդանի է, թե ոչ, ու մոտեցողը պայթում էր դիակի հետ: Բայց այդ սևամորթի դին ոչ-ոք չէր տեսել, թե ինչ հրաշքով էր հայտնվել… Կարծես ինչ-որ մեկը հատուկ բերած-դրած լիներ:  Ես ինձ գցեցի նրա կողմը և շրջեցի վրաս, նա իմ երկու չափերին էր, երկուսիս հագին էլ զրահաբաճկոն կար, փամփուշտները նրան խոցում էին, բայց հասնում էին իմ կրծքավանդակին ու չէին թափանցում, ես ցավը զգում էի հարվածների, բայց բոլորովին չէի վնասվում:

Միթե՞ դա հրաշք չէ, էլ չասած իմ փրկած բազմաթիվ կյանքերը, որոնք ևս հրաշքներ են: Մարտի դաշտում ես ուղտի չորացած աթարով ազդրային զարկերակի արյունահոսություն եմ դադարեցրել: Մի խոսքով, հրաշքներ շատ են եղել…Եվ կյանքը ինքնին հրաշք է:

Այսօրվա առողջապահության խնդիրներից ի՞նչ կառանձնացնեք:

Մենք հիմա գտնվում ենք հիվանդաբուժական բիզնեսի պայմաններում, դա սխալ է, դա առողջապահություն չէ: Ինչպե՞ս կարող է բժշկի աշխատանքի վարձատրությունը պայմանավորված լինել հիվանդի վճարած գումարով. Դա սխալ ցուցանիշ է:

Հիվանդը խուսափում է բժշկից, հիվանդանոցից, և կա հակառակը, բժիշկն էլ` հիվանդից: Կապ պետք է չլինի, թե  ինչ մարդու հետ գործ ունես, նրան պետք է բուժել և վերջ:

Ներկայում բժշկության հանդեպ չկա ճիշտ վերաբերմունք: Իհարկե, չեմ կարող ասել, որ բոլոր բժիշկները կատարյալ են, ազնիվ: Դրա համար պետք է օրենք գործի, որ բժիշկները չմտնեն նման հարաբերությունների մեջ, իսկ օրենքը համարժեք  վարձատրությունն է, որի հիմքն էլ ապահովագրությունն է և աշխատատեղերը:

Ի՞նչ կմաղթեք պացիենտներին, մարդկանց:

Իմ ազգին մաղթում եմ հոգևոր և մարմնական առողջություն` սկսած բարձր դիրք ունեցողներից մինչև շինարարության վրա աշխատող, արևի տակ այրվող բանվորը, բժիշկներին, մանկավարժներին և ոստիկաններին՝ համարժեք վերաբերմունք, ամուր կամք, որ կարողանան դիմակայել այսօրվա արհավիրքներին: Եթե նրանք համարժեք գնահատված չեն, այդ պետությունը չի կայանա:

Մաղթում եմ, որ մեր բժշկությունը հիվանդաբուժական բիզնեսից վերածվի իսկական առողջապահության, իսկ դրա համար պետք են աշխատատեղեր և ապահովագրության մասսայական ապահովում:

Սկզբնաղբյուր. armeniamedicalcenter.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

«Արմենիա» ՀԲԿ քիթկոկորդականջաբանության և դիմածնոտային վիրաբուժության կլինիկայի գործունեությունը. հարցազրույց Վասակ Մելիքսեթյանի հետ. armeniamedicalcenter.am
«Արմենիա» ՀԲԿ քիթկոկորդականջաբանության և դիմածնոտային վիրաբուժության կլինիկայի գործունեությունը. հարցազրույց Վասակ Մելիքսեթյանի հետ. armeniamedicalcenter.am

Ի՞նչ է ներառում ծառայությունը:

Կլինիկան ներառում է երկու բաժանմունք՝ քիթկոկորդականջաբանություն և դիմածնոտային վիրաբուժություն: Իրականացնում են քիթկոկորդականջաբանության և դիմածնոտային ախտաբանության ախտորոշիչ և վիրաբուժական...

Բժշկական կազմակերպություններ և կենտրոններ
Հետքովիդային համախտանիշ. հարցազրույց թոքաբան Սիրանուշ Պողոսյանի հետ. armeniamedicalcenter.am
Հետքովիդային համախտանիշ. հարցազրույց թոքաբան Սիրանուշ Պողոսյանի հետ. armeniamedicalcenter.am

Ի՞նչ է հետքովիդային համախտանիշը:


Հետկոքիդային համախտանիշը քովիդ վարակի հետևանք է, երբ հիվանդացածների մոտ 3 ամիս և ավելի...

Վարակաբանություն
Հարցազրույց նյարդաբան, բ.գ.թ. Բելլա Գրիգորյանի հետ. իր գործին նվիրյալը
Հարցազրույց նյարդաբան, բ.գ.թ. Բելլա Գրիգորյանի հետ. իր գործին նվիրյալը

«Հերացի» թիվ 1 համալսարանական հիվանդանոց Ռադիոլոգիայի կենտրոնի ԷՆՄԳ լաբորատորիայի հիմնադիր...

Զարկերակային ճնշման մշտադիտարկում. հարցազրույց Լուսինե Մանուկյանի հետ. morevmankan.am
Զարկերակային ճնշման մշտադիտարկում. հարցազրույց Լուսինե Մանուկյանի հետ. morevmankan.am

Ի՞նչ է զարկերակային ճնշման մշտադիտարկումը՝ մոնիթորինգը, և ինչո՞ւ է կարևոր այդ հետազոտությունը հղիների մոտ:

Զարկերակային ճնշման մշտադիտարկումը ոչ ինվազիվ հետազոտություն է և միակ մեթոդն է, որը թույլ է տալիս...

Հղիություն, ծննդաբերություն Սրտանոթաբանություն Պերինատոլոգիա, մանկաբարձություն և ուրո-գինեկոլոգիա
Քաղցկեղի բուժման նորագույն մեթոդները երիտասարդ մասնագետի աշխատանքում
Քաղցկեղի բուժման նորագույն մեթոդները երիտասարդ մասնագետի աշխատանքում

ՀՀ ԱՆ Վ․Ա Ֆանարջյանի անվան Ուռուցքաբանության ազգային կենտրոնը նորագոյացությունների բուժման առաջատար բազմապրոֆիլային մասնագիտացված կենտրոնն է Հայաստանում։Ուրոլոգիական բաժանմունքի օնկոուրոլոգ...

Ուռուցքաբանություն
Ի՞նչ է պետք սիրտ-անոթային հիվանդությունների և դրանց բարդացումները կանխելու համար. «Արամյանց» ԲԿ
Ի՞նչ է պետք սիրտ-անոթային հիվանդությունների և դրանց բարդացումները կանխելու համար. «Արամյանց» ԲԿ

«Արամյանց» ԲԿ ընդհանուր և ինվազիվ սրտաբանական բաժանմունքը զբաղվում է սրտաբանական պաթոլոգիաների թերապևտիկ բուժմամբ և ներանոթային միջամտություններով: Բաժանմունքը վերազինված է նորագույն տեխնոլոգիաներով...

Սրտանոթաբանություն
Օրթոպեդիկ և վնասվածքաբանական խնդիրների բարձրակարգ բուժում Արամյանց ԲԿ-ում. «Արամյանց» ԲԿ
Օրթոպեդիկ և վնասվածքաբանական խնդիրների բարձրակարգ բուժում Արամյանց ԲԿ-ում. «Արամյանց» ԲԿ

Մենք հաճախ անտեսում ենք մեր առողջական խնդիրները, ականջ չենք դնում մեր օրգանիզմի ուղարկած ահազանգերին, դիմանում ենք ցավին, ամեն կերպ հետաձգում բժշկին այցելելը և մի պատահական օր նրա մոտ հայտնվում արդեն շտապ կարգով...

Բժշկական կազմակերպություններ և կենտրոններ
Այրվածքաբանության ազգային կենտրոնում կան տուժածին դժվար իրավիճակներից դուրս բերելու անհրաժեշտ բոլոր միջոցները, թեև առկա է հիմնանորոգման կարիք
Այրվածքաբանության ազգային կենտրոնում կան տուժածին դժվար իրավիճակներից դուրս բերելու անհրաժեշտ բոլոր միջոցները, թեև առկա է հիմնանորոգման կարիք

Այրվածքաբանության ազգային կենտրոնը հիմնադրվել է 1995թ.՝ Դավիթաշեն վարչական շրջանում գործող առանձին մասնաշենքում։ Մինչև այդ, տևական ժամանակ, գործել է ...

Բժշկական կազմակերպություններ և կենտրոններ
«Մասնագիտությունը՝ բժիշկ» շարքից. հարցազրույց «Արմենիա» ՀԲԿ վիրաբույժ Գևորգ Սիմոնյանի հետ. armeniamedicalcenter.am
«Մասնագիտությունը՝ բժիշկ» շարքից. հարցազրույց «Արմենիա» ՀԲԿ վիրաբույժ Գևորգ Սիմոնյանի հետ. armeniamedicalcenter.am

Մանկության երազանքին` հավատարիմ

«…սա իմ կոչումն է, ես չեմ նայել գնահատված-չգնահատված լինելուն, աշխատել եմ բժշկի երդմանը հավատարիմ»...

Բժիշկներ
«Լավ վիրաբույժը պետք է նաև լավ մարդ լինի». Հովհաննես Սարուխանյան. Սալուտեմ ամսագիր №3
«Լավ վիրաբույժը պետք է նաև լավ մարդ լինի». Հովհաննես Սարուխանյան. Սալուտեմ ամսագիր №3

Խոստովանում է՝ եթե նորից վիճակվեր ընտրություն կատարել, ապա կրկին բժշկի մասնագիտությունը կընտրեր։ Իր հաջողությունների ու ձեռքբերումների, հաղթահարած դժվարությունների մասին վաստակաշատ...

Բժիշկներ Սալուտեմ 3.2021
«Ասացի՝ ուզում եմ սրտաբան դառնալ, որ բուժեմ պապիկիս հիվանդությունից ունեցող մարդկանց». Սարգիս Կիրամիջյան. Սալուտեմ ամսագիր №3
«Ասացի՝ ուզում եմ սրտաբան դառնալ, որ բուժեմ պապիկիս հիվանդությունից ունեցող մարդկանց». Սարգիս Կիրամիջյան. Սալուտեմ ամսագիր №3

Մեր հայրենակից Սարգիս Կիրամիջյանը, որ բնակություն է հաստատել ԱՄՆ-ում, իր մասնագիտական ուղին մանուկ հասակում է ընտրել։ Փոքրիկ Սարգսի վրա խոր ազդեցություն էր թողել սիրելի պապիկը, որ երկար տարիներ տառապում էր...

Բժիշկներ Սալուտեմ 3.2021
Ամռան տապին մաշկը հատուկ խնամքի և ուշադրության կարիք ունի. մաշկաբան Հովհաննես Հովհաննիսյան. Սալուտեմ ամսագիր №3
Ամռան տապին մաշկը հատուկ խնամքի և ուշադրության կարիք ունի. մաշկաբան Հովհաննես Հովհաննիսյան. Սալուտեմ ամսագիր №3

Ինչպե՞ս ամռան տապին պաշտպանել մաշկը։ Ի՞նչ վտանգներ կարող են առաջանալ արևի ճառագայթների տակ երկար պառկելու դեպքում։ Արևապաշտպան միջոցների ճիշտ ընտրությունը կարևո՞ր է։ Այս մասին զրուցել ենք մաշկաբան...

Մաշկաբանություն Առողջ և գեղեցիկ Սալուտեմ 3.2021
Եթե բժիշկն ասաց, որ ամեն ինչ գիտի, ուրեմն սպառվել է որպես մասնագետ
Եթե բժիշկն ասաց, որ ամեն ինչ գիտի, ուրեմն սպառվել է որպես մասնագետ

«Արմենիա» հանրապետական բժշկական կենտրոնի դիմածնոտային վիրաբուժության բաժանմունքի ղեկավար, դիմածնոտային վիրաբույժ, բժշկական գիտությունների թեկնածու, դոցենտ Արեգ Սեփյանը զբաղվում է դիմածնոտային...

Բժիշկներ
Գեղեցկության ու երիտասարդության պահապանը. պլաստիկ վիրաբույժ Արարատ Հեքիմյան
Գեղեցկության ու երիտասարդության պահապանը. պլաստիկ վիրաբույժ Արարատ Հեքիմյան

Արարատ Լևոնի Հեքիմյանը պլաստիկ վիրաբույժ է՝ մասնագիտացած էսթետիկ վիրաբուժության, միկրովիրաբուժության, դեմքի,  մարմնի էսթետիկ և վերականգնողական  վիրաբուժության մեջ: Աշխատում է «ՆյուՄեդ», «ԱրտՄեդ» և «Վեդի»...

Պլաստիկ վիրաբուժություն
«Որ չտուժի դասընթացը...». Սմբատ Ազնաուրյան. Սալուտեմ ամսագիր №3
«Որ չտուժի դասընթացը...». Սմբատ Ազնաուրյան. Սալուտեմ ամսագիր №3

Ինչպե՞ս են վերապատրաստվում Մ. Հերացու անվան Երևանի պետական բժշկական համալսարանի դասախոսները, ի՞նչ ճանապարհ են անցնում մինչև լսարան մտնելը բուհի երիտասարդ և խոստումնալից կադրերը, ինչպե՞ս են գնահատվում դասախոսի...

Սալուտեմ 3.2021

Notice: Undefined index: HTTP_X_FORWARDED_FOR in /sites/med-practic.com/classes/flud_class.php on line 33

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ