Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բժշկի ընդունարանում

Մամոպլաստիկա. հաճախ տրվող հարցերին պատասխանում է Աննա Սարգսյանը. nairimed.com

Մամոպլաստիկա. հաճախ տրվող հարցերին պատասխանում է Աննա Սարգսյանը. nairimed.com

Ո՞ր տարիքում կարելի է դիմել մամոպլաստիկայի:


Սովորաբար, մամոպլաստիկայի կարող են դիմել 18 տարեկանից բարձր կանայք` մինչև 60-70 տարեկանը:

Վիրահատության իրականացման համար սեզոնայնությունն ո՞ւնի նշանակություն:


Մամոպլաստիկան այն վիրահատություններից է, որոնց համար սեզոնայնությունը նշանակություն չունի:

Կրծքով կերակրելուց հետո որքա՞ն ժամանակ անց կարելի է կատարել մամոպլաստիկա:


Ծննդաբերությունից և կրծքով կերակրելուց հետո պետք է անցնի առնվազն 1 տարի, որպեսզի կրծքագեղձերն ընդունեն իրենց վերջնական տեսքը, և հնարավոր լինի կանխատեսել կրծքագեղձի մեծացման կամ փոքրացման չափը:

Ինպե՞ս կատարել իմպլանտի ճիշտ ընտրություն:


Իմպլանտի ճիշտ ընտրության հարցում պացիենտին կողմնորոշում է վիրաբույժը` ելնելով կրծքագեղձի նախնական չափից, կրծքագեղձի տեսակից:

Որքա՞ն ժամանակ են ծառայում իմպլանտները:


Կան ներկայում կիրառվող իմպլանտների տեսակներ, որոնք ծառայում են ամբողջ կյանքի ընթացքում, սակայն թանկարժեք են: Առավել մատչելի իմպլանտները 10-15 տարի անց պետք է փոխարինել նորով:

Վիրահատությունից հետո ի՞նչ կարևոր ցուցումներ է անհրաժեշտ պահպանել:


Վիրահատությունից հետո առաջին շաբաթվա ընթացքում ցանկալի է խուսափել ֆիզիկական վարժություններ կատարելուց: Պարտադիր է մեկ ամիս կոմպրեսիոն զգեստ կրել, որը տրվում է իմպլանտների հետ միասին: Մեկ ամիս անց զգեստը պետք է կրել միայն գիշերը քնելիս` մինչև կես տարի: 6 ամիս անց իմպլանտները ֆիքսվում են և կոմպրեսիոն զգեստը կրելու կարիք այլևս չի լինում:

 

Մամոպլաստիկա. հաճախ տրվող հարցերին պատասխանում է Աննա Սարգսյանը
Որքա՞ն է տևում վերականգնողական շրջանը:


Ներկայում կիրառվող նորագույն տեխնիկայի շնորհիվ վերականգնողական շրջանը` էնդոսկոպիկ միջամտության դեպքում, կրճատվել է` 1 ամսից մինչև 5-6 օր, այսինքն, 1 շաբաթ անց պացիենտը վերադառնում է աշխատանքի:

Կարելի՞ է, արդյոք, ինքնաթիռ նստել կամ մեքենա վարել:


Կարելի է, չնայած կա տարածված կարծիք, որ օդանավով թռիչքի դեպքում կարող են ինչ-որ խնդիրներ առաջանալ: Սակայն ներկայում կիրառվող իմպլանտներն այնքան ամուր են, որ որևէ խնդիր չի առաջանում և կարելի է հենց հաջորդ օրը ինքնաթիռ նստել կամ մեքենա վարել:

Ի՞նչ հակացուցումներ կան:


Իմպլանտի կիրառման համար կան ընդհանուր վիրաբուժական և տարբեր հիվանդությունների հետ կապված հակացուցումներ: Հակացուցված է հեպատիտ B, C, շաքարային դիաբետ, էնդոկրին խանգարումներ ունեցող պացիենտներին: Հակացուցում են նաև կրծքագեղձի հետ կապված լոկալ խանգարումները (կրծքագեղձում ուռուցքային գոյացություն, կամ այլ խնդիր: Նման դեպքերում հարկ է խորհրդակցել մամոլոգի հետ և խնդիրները հայտնաբերելու համար` հետազոտվել:

Պե՞տք է, արդյոք, նախքան վիրահատությունը քաշը կարգավորել:


Այո, պետք է քաշը կարգավորված լինի և չտատանվի 5 կգ-ից ավելի, քանի որ քաշի տատանումները կարող են բերել կրծքագեղձի չափի և ձևի փոփոխության, կամ բերել, օրինակ, կախվածության (պտոզ):

Եթե պացիենտն ուզում է նիհարել կամ քաշ ավելացնել, պետք է դա լինի մինչև մամոպլաստիկայի դիմելու որոշում կայացնելը:

Կարելի՞ է դիմել վիրահատության, եթե կան պնդացումներ:


Այո, կարելի է, բայց միայն մամոլոգի հետ խորհրդատվությունից հետո: Եթե կան մինչև փոքր չափի ֆիբրոզ գոյացություններ, ապա դրանք հեռացվում են իմպլանտների տեղադրման հետ միաժամանակ: Այդ դեպքում պլաստիկ վիրաբույժի հետ վիրահատությանը մասնակցում է նաև ուռուցքաբան-վիրաբույժը:

Արդյո՞ք իմպլանտի քաշի հետ կապված` վիրահատության արժեքը փոխվում է:


Ոչ, վիրահատության գինը` իմպլանտի չափի կապված, չի փոխվում: Իմպլանտի արժեքը ձևավորվում է կախված նրա որակից, ձևից, ինչպես նաև իմպլանտի ներսում գտնվող գելի որակից:

 

Մամոպլաստիկա. հաճախ տրվող հարցերին պատասխանում է Աննա Սարգսյանը
Սովորաբար, ի՞նչ քաշ ունի իմպլանտը:


Իմպլանտի քաշը կախված է չափից. որքան մեծ է, այնքան քաշն ավելի է: Իմպլանտի առկայությունը կարո՞ղ է ազդել հղիության և լակտացիայի գործընթացի վրա:


Իմպլանտի առկայությամբ հնարավոր է և՛ ծննդաբերել, և՛ հետագայում կերակրել երեխային, քանի որ ներկայում իմպլանտը չի դրվում գեղձի տակ և գեղձը չի վնասվում:

Հնարավո՞ր է բժշկի հետ խորհրդատվություն անցկացնել էնդոպրոթեզի ընտրության հարցում` լուսանկարի միջոցով:


Այո, հնարավոր է, սակայն ընտրությունը կլինի մոտավոր և հնարավոր է վերջնական խորհրդատվության ժամանակ փոփոխվի և՛ իմպլանտի չափը, և՛ ձևը, քանի որ լուսանկարը քիչ տեղեկատվական է:

Հնարավո՞ր է միաժամանակ մեծացնել կուրծքը, փոխել ձևը և ձգել այն:


Հնարավոր է: Եթե պտոզը՝ կրծքագեղձի կախվածությունը, մեծ չէ, ապա միաժամանակ կուրծքը և՛ մեծացնելու, և՛ բարձրացնելու լավագույն տարբերակն իմպլանտների տեղադրումն է:

 

Մամոպլաստիկա. հաճախ տրվող հարցերին պատասխանում է Աննա Սարգսյանը
Կարո՞ղ է կրծքի լիպոֆիլինգից հետո ճարպը ներծծվի:


Տարիների փորձը ցույց է տալիս, որ կրծքագեղձի լիպոֆիլինգից հետո, մեծավ մասամբ, ճարպը ներծծվում է, և կարիք է լինում հաճախակի (7, 8, 9, անգամ 10-ից ավելի) լիպոֆիլինգ կիրառել, որպեսզի կրծքագեղձի տեսքը ճիշտ ձևավորվի: Սակայն կանայք հիմնականում դրանից հրաժարվում են: Այդ պատճառով վերջերս կրկին առավել շատ իրականացվում է իմպլանտների կիրառում, քան կրծքագեղձի լիպոֆիլինգ:

Որքա՞ն է տևում վիրահատությունը, որքա՞ն ժամանակ են պացիենտներն անցկացնում կլինիկայում:


Վիրահատությունը տևում է 1,5-2 ժամ, իսկ պացիենտները կլինիկայում անցկացնում են 12 ժամ: Առավոտյան պացիենտը դուրս է գրվում, քանի որ կիրառվում է ոչ ինվազիվ, քիչ ցավոտ մեթոդ՝ վիդեոէնդոսկոպիկ մամոպլաստիկա:

Որքա՞ն հաճախ պետք է այցելել մամոլոգին` վիրահատությունից հետո:


Վիրահատությունից հետո ցանկալի է տարին մեկ ստուգվել և ,կարիքի դեպքում, գնալ մամոլոգի մոտ:

Հարցերին պատասխանեց «Նաիրի» ԲԿ պլաստիկ, վերականգնողական և էսթետիկ վիրաբուժության ծառայության
պլաստիկ վիրաբույժ Աննա Սարգսյանը։

Սկզբնաղբյուր. nairimed.com
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

«Մասնագիտությունը` բժիշկ» շարքից` Ռաֆայել Բաղդասարյան. armeniamedicalcenter.am
«Մասնագիտությունը` բժիշկ» շարքից` Ռաֆայել Բաղդասարյան. armeniamedicalcenter.am

Հեմոդիալիզի բաժանմունքը 1988 թ. երկրաշարժից հետո հիմնադրել են Հոլանդիայի և Բելգիայի մասնագետները՝ «Բժիշկներ առանց սահմանի» կազմակերպության անմիջական աջակցությամբ...

Բժիշկներ
Էնդոսկոպիկ հետազոտությունը` ուռուցքների կանխարգելման միջոց. Թևոս Սարգսյան. nairimed.com
Էնդոսկոպիկ հետազոտությունը` ուռուցքների կանխարգելման միջոց. Թևոս Սարգսյան. nairimed.com

Կոլոռեկտալ ուռուցքը կանխարգելելու համար կիրառվում է, այսպես կոչված` թաքնված արյան թեստ: Բոլոր այն քաղաքացիներին, որոնք գենետիկայում ունեն կոլոռեկտալ քաղցկեղի բարձր ռիսկ, այսինքն, առաջին կարգի հարազատների մոտ եղել է...

Ախտորոշում Ուռուցքաբանություն
Ի՞նչ է ֆիզիոթերապիան. հարցազրույց Գոհար Ավետիսյանի հետ. armeniamedicalcenter.am
Ի՞նչ է ֆիզիոթերապիան. հարցազրույց Գոհար Ավետիսյանի հետ. armeniamedicalcenter.am

Ի՞նչ է ֆիզիոթերապիան:

Ֆիզիոթերապիան թերապևտիկ բուժման մեթոդներից է, որն իրականացվում է ոչ թե դեղորայքի կիրառմամբ...

Ֆիզիոթերապիա
Դոպլեր հետազոտությունը` հղիության ժամանակ. հարցազրույց Վարդուհի Հովհաննիսյանի հետ. morevmankan.am
Դոպլեր հետազոտությունը` հղիության ժամանակ. հարցազրույց Վարդուհի Հովհաննիսյանի հետ. morevmankan.am

Ի՞նչ է դոպլեր հետազոտությունը:

Դոպլերոգրաֆիկ հետազոտությունը հղիության ընթացքում հետազոտության տեսակ է...

Ախտորոշում Հղիություն, ծննդաբերություն Պերինատոլոգիա, մանկաբարձություն և ուրո-գինեկոլոգիա
Վահանաձև գեղձի հիվանդությունները և հղիությունը. հարցազրույց Հայկ Ազարյանի հետ. morevmankan.am
Վահանաձև գեղձի հիվանդությունները և հղիությունը. հարցազրույց Հայկ Ազարյանի հետ. morevmankan.am

Հղիների մոտ վահանաձև գեղձի ի՞նչ խնդիրներ կարող են լինել:

Վահանաձև գեղձի հիվանդություններն ամենատարածվածն են Հայաստանում: Առավել հաճախ հանդիպում է հիպոթիրեոզը...

Հղիություն, ծննդաբերություն ԼՈՒՐԵՐ: Ներզատական համակարգ ԼՈՒՐԵՐ: Մանկաբարձություն և ուրոգինեկոլոգիա
Շնորհակալագիր. oncology.am
Շնորհակալագիր. oncology.am

Հիվանդի երախտապարտ հարազատները այսպիսի «Շնորհակալագիր» են պատրաստել Ուռուցքաբանության ազգային կենտրոնի Նյարդավիրաբուժության բաժանմունքի վարիչ Լևոն Ռուբենի Հարությունյանի համար...

Ի՞նչ է ռադիոյոդային բուժումը եւ ո՞ր դեպքերում է կիրառվում. oncology.am
Ի՞նչ է ռադիոյոդային բուժումը եւ ո՞ր դեպքերում է կիրառվում. oncology.am

Վ.Ա. Ֆանարջյանի անվան ուռուցքաբանության ազգային կենտրոնում 2019 թվականի սկզբից կիրառվում է վահանաձև գեղձի հիվանդությունների բուժման արդի մեթոդներից մեկը՝ ռադիոյոդթերապիան...

Ուռուցքաբանություն
Աթերոսկլերոզ. ի՞նչ բուժում է անհրաժեշտ
Աթերոսկլերոզ. ի՞նչ բուժում է անհրաժեշտ

Սրտանոթային հիվանդությունները շարունակում են գլխավորել հիվանդությունների ցանկն ամբողջ աշխարհում: Ընդ որում կյանքին սպառնացող զարկերակային հիվանդությունների մի ստվար մասի պատճառը...

Սրտանոթաբանություն
Բարոթերապիա. հարցազրույց բարոթերապևտ Հռիփսիմե Փարսադանյանի հետ. armeniamedicalcenter.am
Բարոթերապիա. հարցազրույց բարոթերապևտ Հռիփսիմե Փարսադանյանի հետ. armeniamedicalcenter.am

Ի՞նչ է բարոթերապիան:

Բարոթերապիայի իմաստն օրգանիզմի բջիջներին թթվածին հասցնելն է: Ախտաբանական վիճակներում...

Ֆիզիոթերապիա
Մասնագիտությունը՝ բժիշկ, շարքից. Խաչատուր Տիգրանի Էյրամջյան. armeniamedicalcenter.am
Մասնագիտությունը՝ բժիշկ, շարքից. Խաչատուր Տիգրանի Էյրամջյան. armeniamedicalcenter.am

Խաչատուր Տիգրանի Էյրամջյան, «Արմենիա» ՀԲԿ վիրաբուժական բաժանմունքի վարիչ

Խաչատուր Էյրամջյանը ծնվել է 1969թ. մարտի 7-ին, ք. Երևանում: Նախնական կրթությունը ստացել է...

Բժիշկներ
Ինչպե՞ս արագ ու առավելագույնս անցավ ազատվել թութքից
Ինչպե՞ս արագ ու առավելագույնս անցավ ազատվել թութքից

Կոլոպրոկտոլոգիական հիվանդությունների 90%-ի բուժումը հնարավոր է միայն վիրահատական միջամտությումբ: «Էրեբունի» բժշկական կենտրոնում իրականացվում է կոլոպրոկտոլոգիական վիրահատությունների ամբողջ ծավալը...

Գաստրոէնտերոլոգիա և լյարդաբանություն Վիրաբուժություն
Հայաստանում մասնագիտական վերապատրաստման տեսլականը. զրույց Րաֆֆի Ավետիսյանի հետ
Հայաստանում մասնագիտական վերապատրաստման տեսլականը. զրույց Րաֆֆի Ավետիսյանի հետ

Մեր զրուցակիցն է ԱՄՆ-ի հայտնի «Քլիվլենդ» կլինիկայի պրոֆեսոր, անեսթեզիոլոգ Րաֆֆի Ավետիսյանը, ում հետ խոսեցինք նեյրոանեսթեզիոլոգիայի, դրա հրատապության, պրոֆեսորի կողմից իրականացված մի շարք ծրագրերի և հետագա պլանների մասին...

Բժիշկներ
Արտամարմնային բեղմնավորումը Հայաստանում և պետական ֆինանսավորման ծրագրերը. Գեորգի Օկոև
Արտամարմնային բեղմնավորումը Հայաստանում և պետական ֆինանսավորման ծրագրերը. Գեորգի Օկոև

Արտամարմնային բեղմնավորմնան կարևորության, ՀՀ-ում կիրառման վերջինիս ծավալների և թեմային առնչվող մի շարք կարևորագույն հարցերի մասին զրուցեցինք Մոր և մանկան առողջության պահպանման գիտահետազոտական կենտրոնի...

Հայաստանում բժշկի շարունակական կրթության զարգացման տեսլականը. Գևորգ Յաղջյան
Հայաստանում բժշկի շարունակական կրթության զարգացման տեսլականը. Գևորգ Յաղջյան

Հայաստանում բժշկի շարունակական կրթության զարգացմանը վերաբերող հարցերն այսօր ավելի քան ակտուալ են ու արդիական: Հաշվի առնելով ներկայում խնդրի հրատապությունը, Մեդ-Պրակտիկ թիմը...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ