Հայաստանում բժշկի շարունակական կրթության զարգացման տեսլականը. Գևորգ Յաղջյան

Հայաստանում բժշկի շարունակական կրթության զարգացմանը վերաբերող հարցերն այսօր ավելի քան ակտուալ են ու արդիական: Հաշվի առնելով ներկայում խնդրի հրատապությունը, Մեդ-Պրակտիկ թիմը նախատեսում է «Հայաստանում բժշկի շարունակական կրթության զարգացման տեսլականը» խորագրով հոդվածաշար, որի շրջանակում կիրականացվեն հարցազրույցներ այդ ոլորտում փորձ և մեծ ներդրում ունեցող բժիշկների հետ: Մեր առաջին զրուցակիցը Գևորգ Յաղջայնն է, ում հետ տարիներ առաջ նույն թեմայով` Հայաստանում բժշկի շարունակական կրթության զարգացմանը հարող հարցերով հարցազրույց ենք ունեցել: Մեզ հետաքրքիր էր, թե ինչպիսին է Գ. Յաղջյանի տեսլականն այսօր, տարիներ անց:

Ստորև Գ. Յաղջյանի մեկնաբանություններն են Հայաստանում բժշկի շարունակական կրթության զարգացմանը վերաբերող հարցերի շուրջ:

«Քսան տարի առաջ բժշկական տեղեկատվության ծավալը կրկնապատկվում էր երեք տարվա ընթացքում, ներկայում՝ 100 օրվա ընթացքում։ Այսօր գոյություն ունի 60 հազար ախտորոշում (տասերորդ մասը կազմում են հազվադեպ հանդիպող հիվանդությունները) և ավելի քան վեց հազար միջամտություն։ Ընդ որում, մարդկային ուղեղը կարող է պահպանել ընդամենը 500 նոզոլոգիային վերաբերվող տվյալներ։ Այս իրավիճակում ինչպիսի՞ն պետք է լինի բժշկական կրթությունը։ 

Այս դեպքում ամենակարևորը ապագա բժշկին հարցը ճիշտ ձևակերպել սովորեցնելն է, որից հետո,պատասխանի որոնման ընթացքում, նա պետք է կարողանա գտնել տեղեկատվության ճիշտ աղբյուրը։ Ընդ որում, ուսուցումն` առաջին օրերից սկսած, պետք է ունենա կլինիկական ուղղվածություն։ «Եթե այսօր զարգանում  է անձնավորված բժշկությունը, նշանակում է. ուսանողներին նույնպես պետք է ցուցաբերվի անհատական մոտեցում»։

Նախկինում մենք կենտրոնանում էինք «արդյունքի» վրա, այսինքն, մեզ համար կարևոր էր պատրաստել որոշակի թվով բժիշկներ և բուժքույրեր։ Այժմ անհրաժեշտ է հասկանալ, թե հատկապես ինչպիսի բժիշկներ և բուժքույրեր են մեզ անհրաժեշտ՝ հաշվի առնելով, թե ինչպիսի տեղեկատվական ծանրաբեռնվածություն պետք է նրանք կրեն։

Բժշկական բուհը՝ որպես կադրերի պատրաստման գործարան, արդեն  բավական չէ, այժմ մասնագետին պետք է պատրաստել ամբողջ կյանքի ընթացքում։ Այս գործընթացում մեծ դեր կարող է ունենալ գիտաբժշկական գրադարանները:

«Կրթություն ամբողջ կյանքի համար» արտահայտությունը պետք է փոխարինել «կրթություն ամբողջ կյանքի ընթացքում» արտահայտությամբ»։

Հայաստանում բժշկի շարունակական կրթության զարգացմանը վերաբերող այլ հոդվածներ.

• Հայաստանում բժշկի շարունակական կրթության զարգացմանը հարող հրատապ հարցեր

• Հայաստանում բժշկի շարունակական զարգացումը կենսականորեն կարեւոր պայման է

Հարցեր, պատասխաններ, մեկնաբանություններ