ՀՀ ԱՆ. Կիրականացվի բուժօգնության որակի ապահովման ինտեգրված պլան

TAIEX փորձագիտական առաքելությունը ժամանել էր Հայաստան, որի նպատակն էր տեխնիկական աջակցություն ցուցաբերել առողջապահական ծառայությունների որակի բարելավմանն ուղղված աշխատանքներում:

Միջազգային փորձագետներն այցելել են առողջապահության նախարարություն, ներկայացրել իրենց երկրների առողջապահական համակարգերի փորձը:

 Եռօրյա այցի շրջանակներում բազմաթիվ հանդիպումներ են կայացել շահագրգիռ տարբեր կողմերի հետ` հասկանալու, թե յուրաքանրյուրն ինչ ներդրում կարող է ունենալ բժշկական օգնության որակի բարելավման հարցում:

Հանդիպումներին մասնակցել են նաև պացիենտների շահերը պաշտպանող կազմակերպությունների ներկայացուցիչներ:

Այս առաքելության արդյունքում կմշակվի և Հայաստանում կիրականացվի բուժօգնության որակի ապահովման ինտեգրված պլան:

Հարցեր, պատասխաններ, մեկնաբանություններ