ՀՀ ԱՆ. Հասցեական աջակցություն` ԼՂ-ից բռնի տեղահանված մեր հայրենակիցներին

Ճգնաժամային իրավիճակներում գործելու փորձ ունեցող «ՎԻՎԱ» բարեգործական հիմնադրամի բժիշկներն ու կամավորները, առողջապահության նախարարության հետ գործակցությամբ, մեր հայրենակիցներին օգնելու մի շարք նախաձեռնություններով են հանդես եկել:

Առողջապահության նախարարությունը կարևորում է ինչպես ընթացիկ ծրագրերին, այնպես էլ ճգնաժամային իրավիճակներում նախարարությանն աջակցելու և հասցեական օգնություն ցուցաբերելու ջանքերը: Այդ աջակցությունն ուղղվում է թե՛ բռնի տեղահանվածներին, թե՛ այրվածքներ ստացած պացիենտների բուժումն իրականացնող բուժհաստատություններին:

Առաջին օրերին Գորիսում և Վայքում բացված օպերատիվ շտաբում 24 ժամ կամավորները տրամադրել են առաջին օգնություն, բժշկական խորհրդատվություն, հիգիենայի պարագաներ և առաջին անհրաժեշտության դեղատուփեր:

Այս պահին ՀՀ մարզերում ծավալվել է օգնության 6 կետ`

• Հրազդան (միկրոշրջան, 13 փողոց,16/1)
• Արտաշատ (Մշակույթի տուն)
• Էջմիածին (Շահումյան փ., տուն 60)
• Գյումրի (Գարեգին Նժդեհ փ., տուն 3)
• Գորիս (Գուսան Աշոտի փ., տուն 26)
• Վանաձոր (Պոլիկլինիկա № 5, Տարոն 2 թաղ., շենք 10/1)

Օգնության կետերը գործում են շաբաթվա բոլոր օրերին` 10:00-19:00-ն:

Տրամադրվում է առաջնային բուժօգնություն, բժշկի խորհրդատվություն և դեղեր, այդ թվում` քրոնիկ հիվանդություններ ունեցող անձանց համար:

Տեղում օպերատորների կողմից կազմակերպվում է քաղաքացիների կցագրումը տարածքային պոլիկլինիկաներում:

Լեռնային Ղարաբաղից բռնի տեղահանված մեր հայրենակիցներին օգնելու համար համագործակցությունը կլինի շարունակական:

Հարցեր, պատասխաններ, մեկնաբանություններ