ՀՀ ԱՆ. Ոչ վարակիչ հիվանդությունների դեմ պայքարը` գերակայություն

Գարնանը սրվող սրտանոթային հիվանդությունների, առողջ ապրելակերպի և հանրային առողջապահական այլ խնդիրների վերաբերյալ առողջապահության նախարարությունում տեղի է ունեցել մամուլի ասուլիս:

Սրտաբանության գծով ԱՆ խորհրդատու Համլետ Հայրապետյանը նշել է, որ գարնանը զարկերակային հիպերտենզիայով, սրտի իշեմիկ հիվանդությամբ, առիթմիաներով տառապող հիվանդների հոսքը մեծանում է:

Մասնագետն ընդգծել է, որ հիվանդությունների սրտանոթային երիտասարդացումը համընդհանուր միտում է` կապված սոցիալական գործոնների, ապրելակերպի հետ, մյուս կողմից` պետական առողջապահական ծրագրերի շնորհիվ` բարելավվել է հիվանդությունների ախտորոշումը և վաղ հայտնաբերումը, սակայն բացի պետական օժանդակությունից, բնակչության մոտ պետք է զարգացնել նաև առողջապահական մշակույթը, իսկ աղի օգտագործման սահմանափակումը պետք է դիտարկել դրա շրջանակներում:

Հարցեր, պատասխաններ, մեկնաբանություններ