Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Հրատապ թեմա Հայաստանում

Հանրապետական գիտաբժշկական գրադարանի վերջին տարիների ձեռքբերումները. հարցազրույց Աննա Շիրինյանի հետ

Հանրապետական գիտաբժշկական գրադարանի վերջին տարիների ձեռքբերումները. հարցազրույց Աննա Շիրինյանի հետ

Հանրապետական գիտաբժշկական գրադարանի վերջին տարիներին իրականացված աշխատանքների, ձեռքբերումների մասին զրուցեցինք գրադարանի տնօրեն Աննա Շիրինյանի հետ:


-Տիկին Շիրինյան, պատմեք, խնդրեմ, գրադարանի վերջին տարիների ձեռքբերումների մասին:


-Գիտաբժշկական գրադարանը շարունակում է համալրել իր հավաքածուն, ինչպես ավանդական տեղեկատվական աղբյուրներով, այնպես էլ էլեկտրոնային բժշկական գրականությամբ: Մեր վերջին ձեռքբերումները շատ են հարստացրել գրադարանի հավաքածուն: Այդ հարցում մեզ օգնության ձեռք մեկնեց Ռուսաստանի հայ բժիշկների և հայ մասնագետների «VIVA» բարեգործական կազմակերպությունը, ու արդեն երկրորդ անգամ է գրադարանին նվիրաբերում է արժեքավոր գրականություն:
-Գրքերի ի՞նչ հավաքածուի մասին է խոսքը:


-Գրադարանի հավաքածուն համալրվեց բժշկական գրականության վերջին հրատարակություններով` ախտորոշման, անեսթեզիոլոգիայի, գինեկոլոգիայի վերաբերյալ:


Հաջորդ ձեռքբերումը նոր սերնդի լավագույն կլինիկական էլեկտրոնային տեղեկատվական շտեմարաններից է, կոչվում է DynaMed Plus: Նրա միջոցով կարելի է գտնել կլինիկական հարցերի ապացուցված պատասխանները: Շտեմարանի ձեռքբերման հարցում մեզ օգնեց ԱՄՆ հայ-ամերիկյան բժիշկների միավորումը՝ հանձինս նախագահ Արմոնդ Կոթիկյանի: Կազմակերպությունն արդեն գրադարանի համար շտեմարանի մեկ տարվա բաժանորդագրություն է իրականացրել և, եթե հետագայում ընթերցողների քանակն ավելանա, համագործակցությունը կշարունակվի ևս մի քանի տարի:


-Ինչպե՞ս կարելի է օգտվել նոր շտեմարանից:


- DynaMed Plus–ից օգտվելու նպատակով անցկացվեց վեբինար, որի ժամանակ ներկայացվեց  շտեմարանը՝ իր որոնողական համակարգով:  Վեբինարի միջոցով ցուցադրվեց, թե ինչպես կարելի է ճիշտ որոնել, գտնել անհրաժեշտ տեղեկատվությունը: Միջոցառմանը ներկա էին ո՛չ միայն բժշկական գրադարանավարները, այլ նաև Երևանի Մ. Հերացու անվան բժշկական համալսարանի ուսանողներ, կլինիկական օրդինատորներ:

 

Հանրապետական գիտաբժշկական գրադարանի վերջին տարիների ձեռքբերումները. Հարցազրույց Աննա Շիրինյանի հետ


- Ուրիշ ի՞նչ շտեմարաններ են առկա գրադարանում:


- Մենք ունենք նմանատիպ էլեկտրոնային այլ շտեմարաններ, որոնցից հատկապես ուշագրավ է Կոկրենյան գրադարանը: Եթե խոսում ենք ապացուցողական բժշկության մասին, ապա առաջին հերթին, պետք է օգտվել հենց Կոկրենյան գրադարանից: Դա ապացուցողական 6 շտեմարանների հավաքածու է, որը ստեղծված է բժշկական որոշումներ կայացնելիս հավաստի տեղեկատվություն տրամադրելու համար, այն  ներառում է նաև  համակարգված ամփոփ տեսություններ:


Հաջորդ, դարձյալ  շատ կիրառելի շտեմարանը կոչվում է HINARI` Առողջապահության համաշխարհային կազմակերպության շտեմարանը, որի մեջ ներառված են 2000-ից ավելի գիտական հրատարակություններ, գրքեր, պարբերականներ և այլն: Արդեն մի քանի տարի է, որ բաժանորդագրության միջոցով գրադարանին հասանելի է այս շտեմարանը:


Բացի վերը նշվածներից, ունենք նաև Springer հրատարակության լավագույն գրքերի էլեկտրոնային տարբերակները՝ 6000-ից ավելի միավոր:


-Ինչպե՞ս կարելի է դառնալ գրադարանի ընթերցող:


-Գրադարանից կարող են օգտվել բնականաբար բժիշկները, որովհետև այն խիստ մասնագիտական տեղեկատվական աղբյուրների կենտրոն է: Ընդամենը պետք է այցելել գրադարան, գրանցվել և օգտվել:


-Կա՞ն շտեմարաններ, որոնցից օգտվելու համար որոշակի կարգավիճակ պետք է ունենալ: Կարո՞ղ է, օրինակ, առաջին կուրսի ուսանողը օգտվել ծառայությունից:


- Որևէ խնդիր չկա: Ուսանողը, ցանկության դեպքում, կարող է օգտվել էլեկտրոնային դասագրքերից, ատլասներից և այլ ուսուցողական նյութերից: Կլինիկական օրդինատորների և պրակտիկ բժիշկների համար, ովքեր ունեն գիտելիքներ և փորձ՝ նախատեսված են այլ էլեկտրոնային շտեմարաններ:


-Շտեմարանից օգտվելու համար գրադարանի տարածքում լինելը պարտադի՞ր է:


-Քանի որ էլեկտրոնային շտեմարանների բաժանորդագրությունը բավականին թանկ է և ձեռք են բերվում հիմնականում նվիրատվությունների միջոցով, հետևաբար,  շտեմարանների մուտքն ապահովում ենք միայն գրադարանի տարածքում՝  փորձելով չխախտել պայմանագրերում նշված կետերը:

 

Հանրապետական գիտաբժշկական գրադարանի վերջին տարիների ձեռքբերումները. Հարցազրույց Աննա Շիրինյանի հետ


- Ինչպիսի՞ հետագա զարգացման պլաններ, ծրագրեր ունեք:


- Հույս ունենք, որ հետագայում հնարավորություն կունենանք ձեռք բերել ավելի շատ էլեկտրոնային բժշկական շտեմարաններ, որոնց մուտքը հասանելի կլինի ո՛չ միայն գրադարանից, այլև բժշկական  կենտրոններից և բժիշկները կկարողանան տեղում օգտվել դրանցից: Սա է ժամանակակից և ընդունված տարբերակն աշխարհում :


Ընթերցողները նույնպես կարող են բաժանորդագրվել և ձեռք բերել էլեկտրոնային շտեմարաններից օգտվելու հնարավորություն, սակայն  դրանք բավականին մեծ գումարներ արժեն և ավելի նպատակահարմար է օգտվել դրանցից գրադարանի միջոցով։ Ինչո՞ւ վճարել, եթե գրադարանում այն անվճար է և մեկի փոխարեն մի քանի շտեմարանից կարելի է օգտվել: Սա նույնպես ընդունված է աշխարհում։


-Եթե բժիշկները չեն ուզում գրադարանից օգտվել, այլ ցանկանում են ինքնուրույն համացանցից գտնել անհրաժեշտ տեղեկատվությունը, որքանո՞վ է դա նրանց հասանելի:


- Ամեն ինչ հասանելի է համացանցում։ Սակայն հավաստի և  ճշգրիտ տեղեկատվություն ձեռք բերելու համար անհրաժեշտ են տեղեկատվական գրագիտության հմտություններ։ Բացի դրանից, հավաստի, գիտական, արժեքավոր տեղեկատվության համար, այնուամենայնիվ, պետք է վճարել։  

 



med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Կաթվածների բուժման կենտրոն` Գյումրիում. հարցազրույց Ժորա Բաղդասարյանի հետ
Կաթվածների բուժման կենտրոն` Գյումրիում. հարցազրույց Ժորա Բաղդասարյանի հետ

Օրերս պարզեցինք, որ Գյումրու բժշկական կենտրոնում գործում է կաթվածի ծառայություն: Այդ կապակցությամբ զրուցեցինք Գյումրու բժշկական կենտրոնի նյարդաբանական և կաթվածի ծառայության ղեկավար...

Բժշկական կազմակերպություններ և կենտրոններ
ՀՀ ԱՆ. Հայաստանում բուժծառայությունների որակի նոր մշակույթ կձևավորվի
ՀՀ ԱՆ. Հայաստանում բուժծառայությունների որակի նոր մշակույթ կձևավորվի

Առողջապահական ծառայությունների որակի բարելավման ուղղությամբ վերջին տարիներին կատարված աշխատանքները նոր փուլ են մտնում...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Հոգեկան առողջության խնդիրները` օրակարգում
ՀՀ ԱՆ. Հոգեկան առողջության խնդիրները` օրակարգում

Առողջապահության նախարար Անահիտ Ավանեսյանի հրամանով ստեղծված Հոգեկան առողջության պահպանման և բարելավման միջոցառումների ծրագրի մշակման աշխատանքային խումբը հերթական քննարկումն է անցկացրել...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Առողջապահության համաչափ զարգացման ապահովում
ՀՀ ԱՆ. Առողջապահության համաչափ զարգացման ապահովում

Մարզային բժշկական կենտրոնների համաչափ զարգացումն առողջապահության նախարարության առաջնահերթություններից է:

Բժշկական ծառայությունների որակի, մատչելիության և հասանելիության ապահովմանն է ուղղված նաև ոլորտի...

ԼՈՒՐԵՐ: Հրատապ խնդիրներ Հայաստանում
ՀՕՖ-ի Շարունակական բժշկական կրթության ծրագիր
ՀՕՖ-ի Շարունակական բժշկական կրթության ծրագիր

Շարունակական բժշկական կրթություն ծրագիրը (ՇԲԿ) նպաստում է Հայաստանում և Արցախում աշխատող բժիշկների շարունակական մասնագիտական զարգացմանը՝ օգնելով նրանց ձեռք բերել նոր հմտություններ...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Ստեղծվել է հոգեկան առողջության պահպանման և բարելավման միջոցառումների ծրագրի մշակման աշխատանքային խումբ
ՀՀ ԱՆ. Ստեղծվել է հոգեկան առողջության պահպանման և բարելավման միջոցառումների ծրագրի մշակման աշխատանքային խումբ

Հոգեկան առողջությունն առողջապահության նախարարության առաջնահերթություններից է: Այս նպատակով էլ առողջապահության նախարար Անահիտ Ավանեսյանի հրամանով ստեղծվել է հոգեկան առողջության պահպանման...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Ոչ վարակիչ հիվանդությունների դեմ պայքարը` գերակայություն
ՀՀ ԱՆ. Ոչ վարակիչ հիվանդությունների դեմ պայքարը` գերակայություն

Գարնանը սրվող սրտանոթային հիվանդությունների, առողջ ապրելակերպի և հանրային առողջապահական այլ խնդիրների վերաբերյալ առողջապահության նախարարությունում տեղի է ունեցել մամուլի ասուլիս...

ԼՈՒՐԵՐ: Հրատապ խնդիրներ Հայաստանում
Հայաստանում բժշկական ապահովագրության ներդրումը` արդի պահանջ. հարցազրույց ՀԲԱ նախագահ Արմեն Սողոյանի հետ
Հայաստանում բժշկական ապահովագրության ներդրումը` արդի պահանջ. հարցազրույց ՀԲԱ նախագահ Արմեն Սողոյանի հետ

Դեռևս 2019 թ. դեկտեմբերին կայացած Հայկական բժշկական ասոցիացիայի և առողջապահության ոլորտի մասնագիտական ասոցիացիաների համատեղ կազմակերպված խորհրդաժողովի ընթացքում քննարկվեց...

Բժիշկներ
ՀՀ ԱՆ. Հայաստանում առկա մանկաբարձագինեկոլոգիական խնդիրները քայլ առ քայլ կլուծվեն
ՀՀ ԱՆ. Հայաստանում առկա մանկաբարձագինեկոլոգիական խնդիրները քայլ առ քայլ կլուծվեն

Կայացել է առողջապահության նախարարին կից մանկաբարձության և գինեկոլոգիայի խորհրդի նիստը, որը վարել է առողջապահության նախարարի տեղակալ Արտակ Ջումայանը...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Ուժի մեջ է մտել ծխախոտային արտադրատեսակների հրապարակային ցուցադրման արգելքը
ՀՀ ԱՆ. Ուժի մեջ է մտել ծխախոտային արտադրատեսակների հրապարակային ցուցադրման արգելքը

Ազգային ժողովի կողմից ընդունված «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» օրենքի հիմնական դրույթները սկսել են գործել 2020 թվականի...

ԼՈՒՐԵՐ: Հրատապ խնդիրներ աշխարհում
ԵՊԲՀ. Առողջապահության դպրոցական ծառայությունների համակարգի վերլուծությունը` համալսարանական մասնագետների դիտակետում
ԵՊԲՀ. Առողջապահության դպրոցական ծառայությունների համակարգի վերլուծությունը` համալսարանական մասնագետների դիտակետում

ԱՀԿ-ի Եվրոպական տարածաշրջանում առողջապահության դպրոցական ծառայությունների համակարգի վերլուծության վերաբերյալ Մոսկվայում կայացել է եզրափակիչ աշխատաժողով, որին մասնակցել է 9 երկիր...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. COVID-19 ճամփորդական սահմանափակումներ
ՀՀ ԱՆ. COVID-19 ճամփորդական սահմանափակումներ

ՀՀ կառավարության 2020թ. սեպտեմբերի 11-ի № 1514-Ն որոշման մեջ կատարված փոփոխությունների համաձայն.

Հայաստանի Հանրապետության տարածք մուտք գործելիս ներկայացվում է...

ԼՈՒՐԵՐ: Ինֆեկցիաներ ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Հայաստանում կգործի առաջին կարգի արագ արձագանքման բժշկական թիմ
ՀՀ ԱՆ. Հայաստանում կգործի առաջին կարգի արագ արձագանքման բժշկական թիմ

Առողջապահության համաշխարհային կազմակերպության և Վրաստանի աջակցությամբ («Արբեյտեր-Սամարիտեր-Բանդ») արագ արձագանքման թիմի ստեղծման պաշտոնական մեկնարկին մասնակցել է առողջապահության...

ԼՈՒՐԵՐ: Հրատապ խնդիրներ Հայաստանում
ՀՀ ԱՆ. Աշխատանքային հանդիպում` նվիրված հակամանրէային դեղերի ճիշտ օգտագործմանը
ՀՀ ԱՆ. Աշխատանքային հանդիպում` նվիրված հակամանրէային դեղերի ճիշտ օգտագործմանը

Հակամանրէային դեղերի նկատմամբ կայունության դեմ պայքարի համաշխարհային շաբաթվա շրջանակներում Առողջապահության համաշխարհային կազմակերպության  աջակցությամբ, ՀՀ ԱՆ Առողջապահության ազգային ինստիտուտում...

ԼՈՒՐԵՐ: Հրատապ խնդիրներ Հայաստանում
Նոյեմբերի 16-ը Հանդուրժողականության (կամ տոլերանտության) միջազգային օրն է:
Նոյեմբերի 16-ը Հանդուրժողականության (կամ տոլերանտության) միջազգային օրն է:

1955 թ. նոյեմբերի 16-ին ՅՈՒՆԵՍԿՈ-Ի անդամ-պետությունները Դեկլարացիա ընդունեցին հանդուրժողականության սկզբունքների վերաբերյալ: 1996 թ. ՄԱԿ-ի Գլխավոր Անսամբլեան առաջարկեց անդամ-պետություններին ամեն տարի նոյեմբերի 16-ը նշել...

Հոգեկան առողջություն Հիշարժան տարեթվեր

Notice: Undefined index: HTTP_X_FORWARDED_FOR in /sites/med-practic.com/classes/flud_class.php on line 33

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ