Հրատապ թեմա Հայաստանում
Հարցազրույց ապահովագրական ծառայության աշխատակից Աննա Համբարձումյանի հետ. izmirlianmedicalcenter.com
Ի՞նչ է սոցիալական փաթեթը, ո՞վ է շահառուն
Սոցիալական փաթեթը ՀՀ պետական աշխատակիցների առողջական, կրթական և այլ խնդիրների ապահովման միջոցառումների համախումբ է: Սոցիալական փաթեթի շահառուները ՀՀ պետական հիմնարկների, կառույցների աշխաատակիցներն են, ոստիկանները, մեծ խումբ են կազմում ուսուցիչները:
Ի՞նչ է իրենից ներկայացնում սոց փաթեթը
Սոցիալական փաթեթն իր մեջ ներառում է տարեկան մեկանգամյա պարտադիր կանխարգելիչ բուժզննում, դժվարամատչելի հետազոտություններ և բուժում հիվանդանոցային պայմաններում: Այս ամբողջն իրականացվում է Առողջապահության նախարարության կողմից հաստատված գումարի սահմաններում:
Ովքե՞ր են ապահովագրական շահառուները
Ապահովագրական շահառուները կամավոր ապահովագրություն ունեցողներն են՝ կորպորատիվ և անհատական փաթեթներով:
Ի՞նչ է ներառված սոցիալական և ապահովագրական փաթեթներում, որո՞նք են դժվարամատչելի հետազոտությունները
Սոցիալական փաթեթը, բացի տարեկան կանխարգելիչ բուժզննումից և դժվարամատչելի հետազոտություններից, ամբուլատոր ծառայություններ չի ներառում: Եվ խորհրդատվության, և լաբորատոր, գործիքային հետազոտությունների համար հիվանդը պետք է վճարի: Նշված ծառայություններից շահառուն անվճար կարող է օգտվել միայն իրեն սպասարկող պոլիկլինիկայից:
Դժվարամատչելի հետազոտությունների համար կա Առողջապահության նախարարության կողմից հաստատված ցանկ, որի շրջանակներում շահառուն կարող է անվճար հետազոտվել (որոշ դեպքերում կիրառվում է նաև համավճար):
Իսկ կամավոր ապահովագրության դեպքում, հատուցվող ծառայությունների ծավալը կախված է փաթեթի տեսակից: Որքան մեծ է փաթեթի ծածկույթը, այնքան ապահովադիրն ավելի շատ ծառայություններից օգտվելու հնարավորություն ունի:
Փաթեթի շահառուն ծառայություն ստանալու համար ի՞նչ փասռաթղթեր պետք է ներկայացնի և ի՞նչ կարգով է ապահովվում նրանց բժշկական օգնությունը
Սոց փաթեթի շահառուն նախ դիմումում է իր նախընտրած բժշկական կենտրոն, որը ներառված է Առողջապահության նախարարության կողմից հաստատված բժշկական կենտրոնների ցանկում:
Կոնկրետ մեր բժշկական կենտրոնում հետագա քայլը ապահովագրական բաժնին դիմելն է: Հիվանդը պետք է ներկայացնի անձը հաստատող փաստաթուղթ( վերջին շրջանում պարտադիր է նույնականացման քարտի առկայությունը) և բժշկի կողմից տրված փաստաթուղթ՝ կնիքով և ստորագրույամբ, որում պետք է նշված լինի, թե ինչ գանգատներով է հիվանդը դիմել, ինչ նախնական ախտորոշում է դրվել և ինչ հետազոտություն կամ վիրահատական միջամտություն է անհրաժեշտ (անհրաժեշտության դեպքում ՝ նաև կատարված հետազոտությունների պատասխանները): Այս բոլոր փաստաթղթերով ԲԿ –ի կողմից օնլայն ծրագրով հարցում է կատարվում ապահովագրական ընկերությանը և վերջինիս կողմից հավաստում ստանալուց հետո նոր միայն մատուցում ծառայություն:
Շտապ դեպքերի համար ծրագիրը հնարավորություն է տալիս շտապ կարգով կազմակերպել այդ ամենը: Նաև հեռախոսակապ է հաստատվում ապահովագրական ընկերության հետ , և հիվանդը ստիպված չի լինում երկար սպասել բուժօգնություն ստանալու համար:
Արդյո՞ք շահառուի համար հիվանդանոցային բուժման ընթացքում կատարվող լաբորատոր, գործիքային ախտորոշիչ հետազոտությունները անվճար են
Եթե սոց փաթեթի շահառուն ընդունվել է ստացիոնար բուժման համար, ապա ողջ ընթացքում բուժման համար անհրաժեշտ բոլոր լաբորատոր, գործիքային հետազոտությունները կազմակերպվում են անվճար, դեղորայքը նույնպես տրամադրվում է անվճար:
Ինչպե՞ս և ո՞ւմ բողոքել ծառայության մատուցման թերությունների համար
Ե՛վ սոց փաթեթի, և՛ կամավոր ապահովագրության դեպքում ապահովագրված անձը հարցերի պարզաբանման համար կարող է դիմել իրեն սպասարկող ապահովագրական ընկերությանը, իսկ եթե բողոքը վերաբերվում է հիվանդանոցի կողմից մատուցված ծառայություններին՝ ապա հիվանդանոցի ադմինիստրացիային:
Ապահովագրված անձը ծառայությունների մասին տեղեկություններ կարող է ստանալ Առողջապահության նախարարության կայքից, որտեղ տեղակայված է նախատեսված ծառայությունների ողջ ցանկը :
«Իզմիրլյան» ԲԿ-ի հետ կապված հարցերի դեպքում կարող եք զանգահարել ապահովագրական բաժին 24-20-06 հեռախոսահամարով, ժամը 9-ից մինչև 17:00
Կարդացեք նաև
Առողջապահության նախարարությունը Ասիական զարգացման բանկի հետ մշակում է Երևանի և մարզերի առողջապահական ենթակառուցվածքների զարգացման գլխավոր նախագիծը...
Էլեկտրոնային դեղատոմսի ներդրմանն ընդառաջ առողջապահության նախարարությունը սկսել է հանդիպում- քննարկումների շարք մանրածախ դեղագործական գործունեությամբ...
Ամբողջ աշխարհում արգանդի պարանոցի քաղցկեղը կանանց շրջանում չորրորդ ամենատարածվածն է, ըստ ԱՀԿ-ի տվյալների 2020 թվականին գրանցվել է 604.000 նոր դեպք: Արգանդի պարանոցի քաղցկեղի...
Սուր շնչառական վիրուսային հիվանդությունների, այդ թվում նաև գրիպի ակտիվությունը եվրոպական տարածաշրջանում շարունակել է աճել 2023 թվականի վերջին շաբաթվա ընթացքում` գերազանցելով...
Բրազիլիան իր համերաշխությունն է հայտնում Հայաստանին և պատրաստ է աջակցել` Լեռնային Ղարաբաղից բռնի տեղահանման հետևանքով առաջացած առողջապահական մարտահրավերները լուծելու հարցում...
Բժշկական հանցագործությունների մասին իրազեկվածության կարևորությունը՝ մասնագետների ուշադրության կենտրոնում
«Առողջապահության բնագավառի իրավական կարգավորումների արդի հիմնահարցերը» խորագրով...
Առողջության համապարփակ ապահովագրությունը մի համակարգ է, որում քաղաքացին կունենա հավասար, բարձրորակ բժշկական օգնություն ստանալու հնարավորություն և առողջական խնդիրների դեպքում...
Երևանի Մխիթար Հերացու անվան պետական բժշկական համալսարանի «Բուժական գործ» կրթական ծրագիրը համապատասխանեցվում է Բժշկական կրթության համաշխարհային...
Ճգնաժամային իրավիճակներում գործելու փորձ ունեցող «ՎԻՎԱ» բարեգործական հիմնադրամի բժիշկներն ու կամավորները, առողջապահության նախարարության հետ գործակցությամբ, մեր հայրենակիցներին օգնելու...
Առողջապահության ազգային ինստիտուտում տեղի է ունեցել քննարկում ԱՆ խորհրդատուների հետ` «Առողջության համապարփակ ապահովագրության ներդրման հայեցակարգով» նախատեսված միջոցառումների շրջանակում...
Նոր ուսումնական տարում ապագա բժիշկներին ուսումնական գործընթացում բազում փոփոխություններ են սպասվում: Ամենաառանցքայինը` «Բուժական գործ» կրթական ծրագրի ձևափոխությունն է, որի արդյունքում...
Բուժաշխատակիցների հանդեպ բռնության դեպքերը ցավոք շարունակում են տարածված լինել, ինչպես Հայաստանում, այնպես էլ այլ երկրներում...
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
- Ժողովրդական դեղամիջոցներ
- Հղիություն. 4-րդ ամիս
- Հղիություն. 7-րդ ամիս
- Կոճապղպեղ նույնն է՝ իմբիր, Ginger եւ Zingiber Officinale
- Հղիություն. 6-րդ ամիս
- «Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
- Հղիություն. 2-րդ ամիս
- 4-7 ամսական երեխաների սնուցումը
- Ընկերության մասին
- Ամուսնական առաջին գիշերը
- Ինչպես ազատվել անցանկալի մազերից
- Խնձորը` պզուկների դեմ. ազատվիր նրանցից 1 գիշերվա ընթացքում
- Պարզվում է ապագա երեխայի սեռը կախված է մայրիկի սնունդից
- Դդում
- Կոճապղպեղ՝ նիհարելու համար (կոճապղպեղի թեյ)
- Հիվանդություն, որը փոխում է մեր կյանքը` կրծագեղձի քաղցկեղ
- Սեռական գրգռում
- Արգանդի միոմա. նախանշանները, պատճառներն ու բուժումը
- Երիցուկ դեղատնային - Ромашка аптечная - Matricaria chamomilla L.
- Չիչխանի օգտակար հատկությունները
- Քարավուզ (նույն ինքը՝ նեխուր)
- Ինչպես ազատվել բերանի վատ հոտից`պարզ միջոց
- Դիմակներ` մազերի համար
- Հղիություն. 1-ին ամիս
- Կրծքի ցավե՞ր ունեք. ինչ անել
- Ընդհանուր տեղեկություններ մարմնի համակարգերի մասին
- Ընտրություն ըստ հորոսկոպի
- Հիվանդություն, որի համար պետք չէ ամաչել (թութք)
- Հեշտոցային արտադրության պատճառները. մասնագետի անդրադարձը
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Հղիությունը և նախապատրաստվելը դրան
- Խոսենք այդ մասին. ձեռնաշարժություն
- Երբ գլխացավն ախտանիշ է: Հանճարեղ և օժտված մարդկանց հիվանդություն
- Լեղաքարային հիվանդություն. բուժման մեթոդները
- Սեռական թուլության առաջին նախանշանները. news.am
- Էկզեմայի տեսակները և բուժումը
- Ուլտրաձայնային դոպլերոգրաֆիա (երկակի (դուպլեքս) անոթների)
- ՈւՆԱԲԻ: Արևելյան բժշկության գաղտնիքները
- Իրիդիոսքրինինգ
- Գամմա-դանակը նշտարի փոխարեն