17-ամյա Գագիկը երիկամի փոխպատվաստման համար օգնության կարիք ունի

1995 թ-ին ծնված Գագիկ Բաբայանը 6 տարի է, ինչ «Արաբկիր» Բժշկական Համալիրի «Հեմոդիալիզ» բաժանմունքի դիսպանսեր հիվանդներից է: Ունի երիկամային սուր անբավարարություն և դրա հետևանքով միզանոթային համակարգի խնդիրներ:

Գագիկը բնակվում է մոր հետ միասին ք. Երևանում, քանի որ երեխան շաբաթական 3 անգամ մոր հետ հաճախում է «Արաբկիր» մանկական հիվանդանոց` դիալիզ ստանալու համար:

Խնդիրն այն է, որ երեխային խիստ անհրաժեշտ է երիկամային փոխպատվաստման անհապաղ վիրահատություն, ինչը Հայաստանում դժվար է իրագործել և նրանք պետք է մեկնեն եվրոպական ցանկացած երկիր (ուր նման բարդ վիրահատությունները օրենքով և որակի տեսանկյունից երաշխավորված են) և հանձնվեն «Կարմիր Խաչ» բարեգործական միջազգային կազմակերպություն` բուժվելու նպատակով:

Երեխայի ընտանիքը, որ բաղկացած է միայն մորից (հայրը հեռացել է) չունի ոչ մի ֆինանսական հնարավորություն թեկուզ 1 անձի համար ավիատոմսի գումարի համար` Եվրոպա մեկնելու համար:

Միակ եկամուտը կազմում են երեխայի հաշմանդամության թոշակը և «Փարոս» աղքատության ընտանեկան նպաստը, որոնք հազիվ են բավարարում հիմնական ծախսերն ու կարիքները:

«Արաբկիր» Բժշկական Համալիրի սոցիալական աշխատողի աջակցությամբ երեխայի ծնողը դիմել է բազմաթիվ միջազգային և հասարակական կազմակերպություններ, բարեգործական հիմնադրամներ, որտեղից շատ քիչ գումար է հավաքվել:
Գագիկին օգնելու համար ֆինանսական միջոցները կարող են ուղարկվել հետևյալ հաշվեհամարով.

16044102596400 Բաբայան Գագիկ ВТБ բանկ

Ծնող` Բաբայան Վալիա` /093/ 94-52-41; /094/ 94-52-40

Հարցեր, պատասխաններ, մեկնաբանություններ