Շտապ բժշկական օգնության ծառայության լրացուցիչ հերթապահություններ

ՀՀ առողջապահության նախարար Դերենիկ Դումանյանը հուլիսի 26-ի N 1726 - Ա հրամանով սահմանել է «Ամառվա ամիսներին ճանապարհատրանսպորտային պատահարների հետևանքով տուժած անձանց շտապ բժշկական օգնությունը պատշաճ և արագ կազմակերպելու նպատակով մայրուղու Երևան-Սևան հատվածում շտապ բժշկական օգնության ծառայության լրացուցիչ հերթապահությունները»:

Առողջապահության նախարարության տեղեկացմամբ, ՀՀ Կոտայքի մարզպետարանի և ՀՀ Գեղարքունիքի մարզպետարանի առողջապահության և սոցիալական ապահովության վարչությունների հետ համագործակցելով` այսօրվանից մինչև սեպտեմբերի 15-ն ընկած ժամանակահատվածում` ուրբաթ օրերին ժամը 16:00-ից 22:00, իսկ շաբաթ և կիրակի օրերին ժամը 08:00-ից-22:00-ը, մայրուղու Երևան-Սևան հատվածում ՀՀ Կոտայքի մարզի Աբովյանի, Չարենցավանի, Հրազդանի և ՀՀ Գեղարքունիքի մարզի Սևանի բժշկական կենտրոնների շտապ բժշկական օգնության ծառայությունը կիրականացնի լրացուցիչ հերթապահություններ:

Հարցեր, պատասխաններ, մեկնաբանություններ