Իրականացվեց արյան փոխներարկման բարեգործական միջոցառում

Արյունն այն անհրաժեշտ կենսատու միջոցն է, որը չունի համարժեք փոխարինող: Նրա միակ աղբյուրն է` ՄԱՐԴԸ: «Օգնենք հայ մանուկներին» նորաբաց կազմակերպության նախաձեռնությամբ սեպտեմբերի 17-ին իրականացվեց բարեգործական միջոցառում` նվիրված քաղցկեղով հիվանդ փոքրիկ Էլեն Դիլանյանի բուժմանը:

Կազմակերպության անդամները արյան դոնորության գործընթացի միջոցով ցանկություն են հայտնել օգնել փրկելու փոքրիկի կյանքը` անվարձահատույց արյան հանձմամբ:

Կազմակերպության անդամ Միքայել Միքայելյանի հավաստմամբ` Էլեն Դիլանյանը բուժման նպատակով գտնվում է Իսրայելում: Փոքրիկն ունի ֆինանսական օգնության կարիք` հետագա բուժումը Գերմանիայում շարունակելու:

Կազմակերպությունը գրանցված է Facebook սոցիալական ցանցում և ունի կարևոր ուղղվածություն` օգնելու առողջական խնդիրներ ունեցող երեխաներին: Բարեգործական գործունեության շրջանակներում իրականացվել է Խարբերդի մանկատան երեխաների առողջական խնդիրներին նվիրված միջոցառումներ` նպաստելով հանրության հաղորդակցմանը նմանատիպ խնդիրներին:

«Օգնենք հայ մանուկներին» կազմակերպության անդամ Միքայել Միքայելյանի կարծիքով կարճ ժամանակ անց կազմակերպությունն օրինական հիմունքներով կգրանցվի որպես հասարակական կազմակերպություն և կշարունակի բարեգործական միջոցառումների իրականացման գործընթացը:

Հարցեր, պատասխաններ, մեկնաբանություններ