Երկար մազերի փոխպատվաստման բացառիկ վիրահատությունը կատարվեց նաև Հայաստանում. avanta.am

Առաջին անգամ Հայաստանում աշխարհի առաջատար վիրաբույժ, ամերիկյան էսթետիկ բժշկության ակադեմիայի պրոֆեսոր Ակակի Թիլոսանին կատարեց  երկար մազերի փոխպատվաստման բացառիկ վիրահատությունը, որը դեռևս չի կատարվում նույնիսկ եվրոպական երկրներում: Նախկինում մեր երկրում այս խնդիրն անլուծելի էր, քանի որ Հայաստանում ճաղատությամբ տառապող պարդկանց նմանատիպ վիրահատություններ չէին առաջարկվում, սակայն Ավանտա բժշկական կենտրոնների ցանցի հատուկ հրավերով Հայաստան ժամանած ամերիկյան էսթետիկ բժշկության ակադեմիայի պրոֆեսոր Ակակի Թիլոսանիի շնորհիվ այս խնդիրն արդեն լուծելի է:

Այս նորարարական մեթոդի կիրառումը վիրաբույժին հնարավորություն է տալիս վիրահատության ընթացքում փոխպատվաստել ավելի քան 10.000 գրաֆտեր, մինչդեռ մազերի փոխպատվաստման ներկայիս տարբերակները, որոնք առաջարկվում են ինչպես մեր, այնպես էլ մի շարք այլ երկրներում, հնարավորություն են տալիս փոխպատվաստել ընդամենը 3.000 գրաֆտեր:

Ինչպես նշեց աշխարհահռչակ վիրաբույժը, նորարարական այս մեթոդի առավելությունն այն է, որ վիրահատության արդյունքը տեսանելի է վիրահատությունից անմիջապես հետո, իսկ դոնորական հատված հանդիսացող տարածքը, որտեղից վերցվում են համապատասխան քանակությամբ մազային ֆոլեկուլները, հետագայում գլխամաշկի վրա սպիներ չի առաջացնում, որը շոշափելի ու տեսանելի է առաջարկվող վիրահատական մյուս տեխնիկաների կիրառումից հետո: Այս բացառիկ վիրահատական տեխնիկան հանարավորություն է տալիս ճաղատ տարածքում տեղադրվող մազային ֆոլեկուլների խտությունը տեղաբաշխել առավել ճշգրիտ՝ դրանով իսկ ապահովելով կատարյալ էսթետիկ արդյունք:

Մեկ այլ կարևորագույն հանգամանք է նաև վիրահատությունից հետո այտուցների, վիրակապերի և վերականգնողական շրջանի բացակայությունը, որ նախկինում առկա էր, և բավական անհանգստություն ու անհարմարավետություն էր պատճառում պացիենտներին:

Ըստ վիրաբույժի՝ մազերի փոխպատվաստման այս տարբերակը հանարավորություն է տալիս կատարել ցանկացած երկարության և ձևի մազերի փոխպատվաստում՝ չկտրելով ու չվնասելով նրանց երկարությունն ու կառուցվածքը: Ակակի Թիլոսանին ընդգծեց, որ ճաղատության խնդիրներ ունեցող մարդկանց համար այս վիրահատություններն իրենց բնույթով անփոխարինելի են: Նա խոսեց նաև մազաթափության առաջացման հիմնական պատճառների մասին, որոնց պետք է առանձնակի ուշադրություն դարձնել, որովհետև պատճառները կարող են լինել տարբեր՝ նյութափոխանակության խանգարում, մաշկային որոշակի խնդիրների առկայություն, անդրոգեն մեխանիզմներ, էնդոկրին համակարգի խնդիրներ և նույնիսկ սխալ ընտրված սանրվածք: Սակայն վիրաբույժը հավելեց, որ հայերի՝ որպես հին պատմություն ունեցող ժողովրդի մազաթափության հիմնական պատճառ են հանդիսանում անդրոգեն մեխանիզմները: Անդրոգեն տիպի մազաթափությունը շատ տարածված երևույթ է, և այս խնդրի տարբեր աստիճաններով տառապում են աշխարհի բնակչության 20-ից մինչև 60 տարեկան ինչպես տղամարդիկ, այնպես էլ կանայք:

Նկատեց նաև, որ վերջին տարիներին կա տվյալ խնդրի երիտասարդացման միտում: Ողջ աշխարհում լավագույն տարբերակը, որ հնարավորություն է տալիս վերականգնել մազերն անդրոգեն մազաթափության ժամանակ, մազերի փոխպատվաստումն է՝ ժամանակին գենետիկապես առողջ մազերի վերաբաշխումը գլխամաշկի ճաղատության ենթարկված հատվածում՝ սեփական մազերի փոխպատվաստմամբ:

Հարցին, թե մազերի փոխպատվաստման ո՞ր տեսակը կամ համադրությո՞ւնն են առավել նպատակահարմար, վիրաբույժը պատասխանեց, որ ցանկացած խնդրի լուծման համար առավել նպատակահարմար տարբերակը որոշվում է խորհրդատվության ժամանակ և հավելեց, որ Ավանտա բժշկական կենտրոնների ցանցում խորհրդատվությունն անցկացնում է բացառապես անվճար՝ պահպանելով պացիենտի գաղտնիությունը:

Այն հարցին, թե որքանով է մեր համաքաղաքացիներին հասանելի այս վիրահատության արժեքը, վիրաբուժը պատասխանեց, որ նա, ի տարբերություն այլ երկրների, այստեղ սահմանել է վիրահատության մինիմալ արժեքներ՝ փորձելով դրանով իր աջակցությունն ու ներդրումն ունենալ մեր ժողովրդի կյանքի որակի բարելավմանը, և մարդիկ, որոնք տառապում են այս խնդրով, այժմ արդեն հնարավորություն կունենան վիրահատության համար նվազագույն գումար վճարելով՝ ստանալ, որակյալ և երաշխավորված վիրահատական միջամտություն իրենց իսկ երկրում:

Աշխարհահռչակ վիրաբույժն առանձնացրեց նաև հայաստանյան աշունը՝ որպես բնության եզակի գեղեցկություն, մեր տեսարժան վայրերը, ուր արդեն իսկ հասցրել է լինել՝ հատկապես մեծ նշանակություն տալով մեր պատմամշակութային կոթողներին ու խոհանոցին:

Հարցեր, պատասխաններ, մեկնաբանություններ