Կրակով մազերի բուժում. Բրազիլիայում տարածվում է վելաթերապիան. 1in.am

Բրազիլիայում մեծ տարածում է գտնում վելաթերապիա կոչվող նոր մեթոդը, որն օգնում է պայքարել ճյուղավորվող ծայրերով մազերի դեմ, հայտնում է Mashable պարբերականը: Այդ միջոցը տարածված է ո՛չ միայն հասարակ բրազիլուհիների, այլև աստղերի շրջանում:

Վելաթերապիան բավականին բարդ գործընթաց է, որը տևում է 2-3,5 ժամ: Նախ մազերի փոքր փունջ են կապում և արագ այրում մոմի լույսով: Հետո դրանց ծայրերը կտրում են, իսկ մնացած մազերը խորը բուժում: Մասնագետները խորհուրդ են տալիս այրում կատարել 3 ամիսը մեկ անգամ:

Սակայն որոշ վարսավիրներ դեմ են այդ մեթոդին՝ նշելով, որ ջերմային ազդեցությունն ուժեղ սթրես է մազերի համար: Այն նաև կտրականապես արգելվում է կատարել տնային պայմաններում. դա կարող է միայն մասնագետը կատարել:

Հարցեր, պատասխաններ, մեկնաբանություններ